|
قــصيــــدة حــــلبيـــــة ,,,
شفتك أول مرة جنب بيتنا بالحديقة
الزغنوطة و قلبي لما طسّيتك طرق احلى زلغوطة شقد كنتي نهارا متلبكة و شكلك معبوطة و انهزمتي مني !!! ايه بدي الحقك لو لفيت متل ابن بطوطة !!! ابوس شناق وش الحجي اذا بخطّبني ياكي و الله يستر يقوم ما يستحمل كتر كرّي و علاكي يأنو يا خيتو بزت حالي من فوق السجرة اذا بدي اعيش بلاكي بقا ان شاء الله يصير بيت ابوي هو بيت حماكي !! و يا يوم على ايشاربك البني لما طيرو الهوا و انا شفت وشك طبيت بأرضي و اكلت هوا و قلت لحالي علوا نبقا العمر انا وا نتي سوا و لا نمرض و نروح حكيم و لا يوصفلنا دوا و بكرا يا بتصيري حجة و انا الحجي و منخلّف عجيان و بطلعو كلون عاقلين الا واحد بيطلع سعدان و بيفرط معلاقنا و بيفضحنا بالحارة و يبتعربش عالحيطان و ببهدلنا قدام الخلق و كل يوم بضرب ولاد الجيران !! و انا بصحلو ينعن ابوك و انت بتلحقيه بشحاطة و انا بضربو بالقشاط و انتي حصريه على البلاطة و بحرمو من المصروف لا بياخد صحاح و لا فراطة و لي عليكي و على هالخلفة ... يقطع عمرك على عمر اهلك . .. بطلت اتجوز !! و لي عالجازة و على ساعتا:sosweet::sosweet: عبستنى ردودكن يا حلوووييييييين |
بتعقد
حسيت حالي بقهوة البرتقان عبفصفص بزر شمس وبقرط محشي برغل بس حلوة هي أنت حصريه على البلاطة يبعتلك الهنا أش مالك حلبي قحي :D |
من الصالون ...الرجاء وضع المواضيع باماكنها المناسبه
|
ع راسي يا حلبي
ع راسي حارتك يا خيوووو |
والله مابعرف شو رح قلك
عكل يسلمواا على المساهمة :D |
من عالطاير لانو مكرررررررر
|
ههههههههههه
يالللله على الحلبية حلوة انا عندي اياها صوتي هههه حاولت حملا ما تحملت يسلمو |
ديخل علمداخل أشو هل بدايع خيووووووووو
يأنو يا خيتو بزت حالي من فوق السجرة اذا بدي اعيش بلاكي ورخان من العشئ يا خاي يسلمو هل أنامل اللي دئو هل الحروف البشئ على راسي أحلا أبو شهبا و الله |
بنوتة حلب نورتي متصفحي والله
يسلموو عالمرور الرائع متلك خيتووو بعتيلي المقطع على ايميلي بكون ممنونك كتير |
لك والله أحلا حلبي
ع راسي حارتك يا خيووووو أبوس جناق وجك جنأ جنأ وع راسي كل أهل حلب |
اقتباس:
والله يا خيو الكمبيوتر الي عندي ( لاب توب ) مدري شبو خرفان ماعم قدر حتى على الايميل حمل بدي كبو وجيب كمبيوتر غيرو وبس من اشتري واحد ( هههههه ستنا بقى ) ببعتلك اياها تكرررررررم عيونك ولو شو هالشغلة و( ولا عاقولتنا الحلبية تكرم عيونك اش هالشغلة:lol: يعني هههههه) |
| الساعة بإيدك هلق يا سيدي 22:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون