أخوية
الصفحة 1 من 2 1 2 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   الساحة الرياضيّة (http://www.akhawia.net/forumdisplay.php?f=37)
-   -   دج دج دج اب شاكر .. روحيييي اب شاكر مدرب المنتخب (http://www.akhawia.net/showthread.php?t=98018)

يمان Rooooonaldo 14/04/2008 20:26
دج دج دج اب شاكر .. روحيييي اب شاكر مدرب المنتخب
 



القويض مدرباً لمنتخب سوريةبعد اجتماع دام أكثر من ساعة بعيداً عن اتحاد الكرة تم الإتفاق بين رئيس الإتحاد د.أحمد جبان والمدرب الوطني محمد قويض (أبوشاكر) على أن يتسلم الأخير مهامه كمدرب لمنتخب سورية بكرة القدم اعتباراً من تاريخه .
وكشف الدكتور جبان ان القويض قبل مهمة التدريب دون شروط ودون أجر مادي وذلك محبة بالوطن .وسيحدد القويض طاقمه الفني خلال ايام حيث ترك له الخيار بانتقاء مساعد له ومدرب للياقة البدنية مع الإبقاء على صلاح مطر مدرباً للحراس وعارف سلو وأحمد هلال إداريين.
وفي أول تصريح رسمي للقويض أكد أبو شاكر لموقع الكرة السورية أن تدريب المنتخب واجب وطني ولايمكنه التردد في قبول مهمة وطنية كهذه . وأشار أبو شاكر إلى أنه سيعمل ما بوسعه في الفترة المقبلة لتحقيق اماني الجمهور السوري بتحقيق نتائج طيبة في تصفيات كأس العالم.
يذكر أن القويض لن يترك فريق الكرامة وسيعمل على التوفيق بين المهمتين.


:clap::clap::clap::clap::clap::clap::clap::clap::c lap::clap:

:yahoo::yahoo::yahoo::yahoo::yahoo::yahoo::yahoo:

ادبش ادبش .. اطلع واستلم عالاول لقلك .. :clap:

LiOnHeArT.3LA2 14/04/2008 21:09
مبروووووووووووووووووووووو ووووووووووووووووووووووووو ووووووك

موفق ابو شاكر

يا سيدي ابو شاكر قدا وقدود

بس خايف يدوخ بين التنين


وهلأ معلم سماع حكي على انو فوت هدا لأنو من الكرامة

وطالع هدا لأنو من الوثبة

يا سيدي الله يوفقك ابو شاكر بالتنين



اب شاكر شو ساويييييييت اب شاكر

Government 14/04/2008 23:55
ياخسارتو ..
رح يضيعوا مع هالمنتخب ومع هيك اتحاد رياضي
ورح يكون مطب بحياتو

صياد الطيور 15/04/2008 00:49
خبر حلو كتير .... بس القويض رح يضيع بتدريب فريقين .. هي أول مرة بسمع فيها مدرب بيدرب منتخب و نادي ..

بعدين والله أبو شاكر أكبر من هالمنتخب و من هالاتحاد الرياضي السخيف

leoprad 15/04/2008 02:09
اي على هوا ما سمعت انهم مستعدين يأجلو مباريات كتير بالدوري منشال ابو شاكر يتفضى للمنتخب
احسن الشي ازا بخللو فريق الكرامة يمثل المنتخب بس بيشيلو فابيو و و ادغارد اصلا ادغارد اسوأ من زياد شعبو
المهم انا متفائل بس ما تشتغل الواسطات كل العادة

عاشق رويدا 15/04/2008 16:22
كان في امل توصلو كاس العالم......راحت عليكو
بس بتعرف شو بزيادة عليكو مدرب محلي..العبو تصفيات تتفلسو

.....بكل الاحوال الله يوفقو....بتمنى يخيب ظني ويعمل اشي

يمان Rooooonaldo 15/04/2008 16:26
شكلك خيو عاشق .. ما بتعرف اب شاكر . :D

بنفسجة 15/04/2008 16:58
:o:o
خبر كتير حلو بس بتوقع انو تغيير المدرب بهيك وقت ما رح يفيد ابدا
اقتباس:
كان في امل توصلو كاس العالم......راحت عليكو
بس بتعرف شو بزيادة عليكو مدرب محلي..العبو تصفيات تتفلسو

.....بكل الاحوال الله يوفقو....بتمنى يخيب ظني ويعمل اشي



بالله شو
زيادة علينا مدرب محلي
تسلمي يارب
على كل فرقنا المحلية عم توصل للبطولات الاسيوية وبمدرب محلي وكلنا فخورين بالقويض

هدوء البحر 15/04/2008 19:17
يا عمي هو احسن مدرب وطني حاليا وانشالله يعمل شي للفريق

عاشق رويدا 15/04/2008 19:46
اقتباس:
كاتب النص الأصلي : يمان Rooooonaldo (مشاركة 970279)
شكلك خيو عاشق .. ما بتعرف اب شاكر . :D
يمكن انا ما بعرفو ....
بس اللي بعرفو انو ولا مدرب بقدر يدرب بفريقين
واللي بعرفو انو تدريب منتخب غير تدريب نادي حتى لو ماخذ بطولات كثيرة
بس برجع بقول الله يوفقو....لانو انا بفرح لما اشوف منتخب عربي بكاس العالم
لا تفهموني غلط انا بس زعلان لانو كان ممكن تستفيدو كثير من كابريني...وضيعتو من ايديكم..
تحياتي:D

Government 15/04/2008 19:57
اقتباس:
كاتب النص الأصلي : عاشق رويدا (مشاركة 970278)
كان في امل توصلو كاس العالم......راحت عليكو
بس بتعرف شو بزيادة عليكو مدرب محلي..العبو تصفيات تتفلسو

.....بكل الاحوال الله يوفقو....بتمنى يخيب ظني ويعمل اشي

وانت شو اللي زاعجك ..
اخي نحن مابدنا نتأهل انت شو جاييك ؟

يمان Rooooonaldo 15/04/2008 20:22
روق حسون .. الشب ما حكا شي .. :D


عراسي .. معلم .. بس بتوقع بهيك ظروف وبما انو مبلش الوضع المدرب المحلي بكون احسن لانو بيعرف باللعيبة اكتر من ايا حدا تاني خارجي .. :D

yass 16/04/2008 00:16
انو مدرب يدرب فريق و منتخب بنفس الوقت عادية جدا بكرة اليد خصوصا و السلة بدرجة أقل شوي... بس بكرة القدم أول مرة بشوفها

ع كل الله يوفقو مع المنتخب متل ما وفقو مع الكرامة

يمان Rooooonaldo 16/04/2008 00:34
معلم كلو .. ببلدك بصير .. :p

يمان Rooooonaldo 16/04/2008 00:34
بزمانهم اللي بيزكر سلمو احمد رفقعت المنتخب والمجد سوا .. وقتا .. المصري ..

وجد كان منيح .. وتعب بس حظنا مع البحرين .. كان زفت :frown:

Government 16/04/2008 00:38
انا خايف عليه تتشوه صورتوا ازا تعثر مع المنتخب
لانو رح تكون نقطة سودا بصفحتو البيضة الكبيرة
مشان هيك قلبي مو مطمن زيادة


بس ان شاء الله يبيض وشنا ووشو

leoprad 16/04/2008 03:15
من هون للشهر السادس شو بدو يلحق بس فهموني
يعني ازا نجح بيكون جبار و ازا ما زبطت معو ماعليه حق لانو مافي وقت

Government 16/04/2008 06:51
اقتباس:
كاتب النص الأصلي : leoprad (مشاركة 970678)
من هون للشهر السادس شو بدو يلحق بس فهموني
يعني ازا نجح بيكون جبار و ازا ما زبطت معو ماعليه حق لانو مافي وقت

لا وبدو يلحق ع الكرامة بالبطولة الاسيوية والكــأس


الساعة بإيدك هلق يا سيدي 14:16 (بحسب عمك غرينتش الكبير +3)
الصفحة 1 من 2 1 2 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02719 seconds with 10 queries