|
قولو الحمد لله على السلامة ... 3 أيام نقاهة بالساحل
طلعت يوم الثلاثاء الصبح من الشام متجهاً الى الساحل .. ومرينا بكل محافظة هنيك وقعدنا فيها فترة منيحة كل وحدة .. أول مكان وقفنا فيه كان ضيعة من ضيع جبلة قعدنا فيها للضيعة شي ساعتين وبعدين طلعنا على جبلة المدينة وتغدينا هنيك وتمشيت بالسياة لحالي بالكورنيش يللي بيبعد عن ساحة السجن شي 200 متر تقريباً .. بعدين انطلقنا على الاذقية المسويات وحجزنا بالشاطئ الأزرق غرفة على البحر .. وقضينا بقية اليوم بالاذقية بحيث انو رحت مع رفقاتي تابعت لعبة مانشستر وروما :x:cry: وبعدين رجعت ونمت وفئت قبل ما تطلع الشمس ونزلت على الشاطئ مشان اتفرج على البحر بجهجهت الضو لحد الساعة 9 .. وبعدها الصبح طلعنا على بانياس لأنو في كم شغلة كان في هنيك وتغدينا هنيك وجبنا 5 كراتين سمك من هنيك .. وبعد ذلك انطلقنا الى طرطوس وقعدنا هنيك للصبح ورجعنا عالشام هذا اليوم .. شي حلو كتير لما الواحد يغير جو بكم يوم بيحس أنو بيرجع بيعبي بطاريتو عالقليلة! :D:D |
اي حمدلله على السلامة :D
|
الله يسلمك يارب .. السبب يللي خلاني أكتب الموضوع هو أني أول مرة بفوت على بانياس وجبلة وطرطوس المدينة من جوا .. وبصراحة رح اتخانق مع رفيقي الاذقاني لأنو بيضل عم يقللي أنو الشام أحلى وأنا عم قللو لأ الساحل أحلى .. :p
|
الف الحمد لله عالسلامة ابو حميد ...
وكل منطقة الها حلاووتها .. :D الا حلب :pos: |
هلا والله بالغالي.
بالساحل كاين تاخود جرعة معنويات من البحر. يلا سيدي منيحة المعنويات. ما قلتلي ليش ما زرت جماعة اخوية القابعين ع الساحل الغالي.:cry: |
أهلين بالشباب .. والله كل الرحلة تبعي كانت مصادفة بمصادفة .. يعني بليلة الأثنين قالولي انو طالعين .. وبليلة وحدة يا دوبني ضب غراضي !!
|
قلتلي اجيت عالساحل
وقعدت بضيعة من ضيع جبلة بالله شو اسم الضيعة! ورجعت على بانياس واتغديت واخدت سمك يارجل قول في ناس باخوية هنيك لازم زورون على كل الحمد لله على السلامة اكيد الروحة كانت حلوة ولو اجيت لعنا مو معقول ما تكون انبسطتت |
اقتباس:
افاااااااااااااااااااا .. اخي مابعرفو انتو الشوام جلدكن بحككن مو بايدكن متعودين ماتلطعو الا لتتبهدلو مو بايدكن جلدكن بحكن :pos: |
اب حميد مين احلى جبلة ولا اللادقية ولا طرطوس ولا بناياس ؟
ووصفلي كورنيش جبلة واوضاعو .. بمالايقل عن 15 سطر .. |
السمدلله ع الحلامة أبو حميد
:D |
| الساعة بإيدك هلق يا سيدي 06:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون