|
مغامرات فصعون ..
فصعون هو ولد عمرو بحوالي الـعشر سنين بـصير معو كل مقلب :lol: .. يا لـطيف !! احيانا بحـط حالو بمواااقف بــاييخه... لدرجه بتفكرو عايش بالكاميرا الخفيه ..
هوايات فصعون : متنوعه حـسب المزاج .. و اليوم هوايتو هي كره القدم المغامره الاولى .. من كم شهر فصـعون كان عندو مباراه و خسّر الفريق خساره فادحه .. و بناء عليه تمّ فصلو من الفريق و تـشوهت سـمعتو و تاريخو الكروي .. كان فـصعون يحب لعب كره القدم منذ نعومه اظفاره .. و كان يلعبها مع رفقاتو بالحاره .. و لما نجح باخر السنه بالمدرسه و جاب الجلاء تبعو كلو عشرات .. الا تسعه بالخط لانو خطو مفشكل :jakoush: .. بس اهلو تغاضو عن هالموضوع و قررو يكافئون بشي مكافئه صيفيه ام الخمس نجوم , لذلك سـجلوه بنادي الفصاعين للرياضه :ohyeah:.. هالنادي هاد كان على مستوى كتير و شي فاخر عالاخر و فصعون طاااار عقلو فيه وكـيّف .. و زادت فرحتو بعد اول اجتماع للفريق .. لانو اكتشف انو اعزّ رفقاتو من بالمدرسه مسجلين بنفس النادي :shahbi7:.. و يومها رجع فصعون عالبيت و خبا فرحتو بصندوق الكراكيب اللي مخبيه تحت التخت لانو ما قادر يعطيها لحدا .. و صار من يوم ليوم يشق عليها و يشوف اذا لازمها شي و هالفرحه تكبر و تترعرع :ss: و تم فـصعون يتدرب ويلعب مع هالفريق كل الصـيفيه .. و باخر الموسـم .. كان في مباراه وديه بين فريق نادي الفصاعين و بين فريق تاني بالمنطقه .. و كان الكل متـحمّس و فصـعون كان الحـماس عم يشع من عيونو و كان يتـوعد الفريق الخصم بالخساره الفادحه :gem:.. خـصـا انو اللعبه كانت رح بتصير على ارض ملعب نادي الفصاعين .. الملعب اللي فـصعون حفـظانو سانتيمتر سانتيمتر و عندو فكره و صوره ملزقها جنب تختو عن كل زواياه و ممراتو الـسرّيه .. و تم الحال هيك و ضل فـصعون يلقي الحكم و الوعود للفريق الى ان دقت ساعه الـصفر و نزلو الاطافيل عالملعب .. و اجى الحكم ليصفر صفاره البدايه ولا بيلاقي المدرب فـصعون عم يحكي مع الحكم و بعدين عم يركض لعندو .. المدرب : خير شوفي فصعون واجعك شي ؟؟ فـصعون : استاذ معلش ما العب بهي المباراه ؟ معلش اطلع احطياط ؟؟ المدرب: لــــك فــــصــعووووون :shock::? .. فصعون: الله يخليك استاذ :cry: .. المدرب : ليش بدك تطلع احطياط .. مافيّ طلعك احطياط و انت بتعرف هالشي ما في حدا يغطي محلك بالعبه .. فـصعون : استاذ , هدول رفقاتي اللي كنت العب معهم من زمان قبل ما سجل هون بنادي الفصاعين مافيّ العب ضدهم هلئ :frown: هدول رفقاتي !! المدرب : يا فـصعون هـي رياضه و هنن اكيد رح يتقبلو الموضوع بروح رياضيه و اذا كنت حابب تصير رياضي كبير فرح تنحط كتير بمتل هي المواقف فيلا معتمدين على همتك نحنا ارجع للفريق .. هـون فـصعون حس انو المدرب ما عم يفهم عليه و لا رح يفهم عليه لذلك رجع عارض الملعب و لعب المباراه و خسّر فيها الفريق خساره فادحه و تم طردو من النادي بتهمه الخيانه :nono: و انقضى على مستـقبلو الرياضي .. طبعا اهلو لفصعون كمان عيطو عليه و خانقوه و حرموه مصروفو لمده شهرين كرمال يعوض جزء من اقساط اللي دفعوها للنادي .. :-/ و نراكم في مغامرات قادمه :lol: |
بس شو المغزى من قصة فصعون !!!!!!!
فصعنتينا بموضوعك .. :lol: |
:lol: أها ..
انا على ما دريت انو أخوهو لفصعون كان عم يلعب بالمباراة .. قام رفيق تاني لفصعون " اللي من الفريق التاني " اجى صوبو .. وبدي يحط نقرو من نقر أخوه لفصعون .. وفصعون عم يحاول يتفرج أكل اخوه لفصعون قتلة ونزلو فيه الفريق التاني من كل الجهات وفصعون عم يتفرج وأخو لفصعون ماكان عم يتوجع من الضرب قد ما كان عم يتوجع انو فصعون عم يتفرج لأ واحلى شي اجى فصعون يزور اخوه بالمستشفى ( بعد ما طربشوه الفريق التاني ) وجايبلو معو ورد وهيك وقعد يلاقيلو مبررات للفريق التاني ... - يعني هني ما كان قصدن يطربشوك يطربشوك ... هني بس هيك اسلوبن باللعب عنيف :pos: بس بسيطة فصعون .. هو وعم يخبي فرحتو بالصندوق .. لاقى تحت التخت كركوبة اسمها الحياد .. عم يحاول كان يلبسا .. بس مشكلتا انها ضيقة شوي عليه يلا بسيطة خيرا بغيرا .. :p |
شامم ريحة فصعونية من هالموضوع
و هالفصعون شكلو مألوف |
اقتباس:
متلو ... |
حبيتووو حبيتووووووو حلوووو حلووووووو كتير كتيرهالموضوع .. :lol:...
ناطره الاعداد الجايه ..:yahoo: |
شوقتوني على متابعة قصص فصعون ... و خلوني اضيف لقب المنحوس :lol:
|
با نتظار تخبرونا عن الفصعون اكتر
|
.. انو هيك يعنوي شو مشان ما حدا قرا منيح ولا ما حدا علق .. :?
يعني انا اعترض .. الموضوع فيو اغلاط كتيرة :p مثلا مثلا مثلا يعني .. اقتباس:
اقتباس:
شامم ريحة ما ظريفة من ورا اسم النادي ها ... وليش نقيتي الطابة مو السلة مثلا :pos: اقتباس:
هون .. اب افلين مع زيارة سريعة لابو رعد ... شنو تم بلع بعض الحروف :yahoo: ملعب قدم فيو ممرات سرية :pاي اي فكرة حلوة ... منخبر الفيفا عنا اقتباس:
هههههههههه هلا الموضوع غريب شوي .. يعني انو فكرة فصعونية حلوة .. ناطرين لنشوف .. بس يستر تيتي ... بدون مساعدة اب افلين .. :p متابع .. وبفصعنة ام الشوش :D |
تقبشي قلبي انتي والفصعون
|
فصعون شو كنيتو؟ خشروم؟؟ :confo:
بانتظار مغامرات جديدة :D |
فصعون من بيت منحوس :lol:
|
لزيزة كتير القصة يسلمو هالايدين يا انسة:D
انت بتعرفي شخصيا لفصعونو:lol: |
اقتباس:
اقتباس:
بيقلك فـصعون لا تحكي على فـصعونه .. لانو عم يحاول يطبقها :sosweet: اقتباس:
اقتباس:
اسم الاب : فايت بالحيط اسم الام : نهفه مكان الولاده :مشفى بنات الافكار حاره الملل طابق عيش كتير بتشوف كتير الغرفه رقم 2008 هامش ** شو معناه خشروم اذا بيلتقالها محل بنضيفها عسجلات النفوس تبع فصعون .. خود راحتك يعني كانو السجلات سجلاتك :lol: |
خشروم: كلمة شاوية غالبا من أصل الله عليم من وين متل أغلب كلمات اللهجات الفراتية, و هي كناية عن سوء الطالع و النحس.... :pos:
|
اقتباس:
كانو ناوين يسمو فصعون بهالاسم بس امو ما رضيت قال اسم بطلت موضتو .. |
اقتباس:
|
اقتباس:
|
| الساعة بإيدك هلق يا سيدي 04:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
