|
ساعدونييييييييييييي إني اغرق تحت الماء
إني اغرق اغرق اغرق
يا جماعة الخير بما انو هون نحن اخوة وخوش بوش المهم يا جماعة انا عندي دراسة وعندي مادتين بدي قدمهن 14/4/2008 ولهلق ما درست شي منن وهنن طبعا مواد برمجة عملي ونظري وبدن دراسة منيح وشغل كتير بس المشكلة اني ما عم اقدر ادرس يمكن من النت لان من وقت ما جبت خط انترنت ADSL ما فتحت كتب وخصوصي بعد ما سجلت بأخوية واخوية عم ياخد من وقتي كتييييييييييييييييييييييي يير يعني يومي صاير كلو شغل وانترنت ونوم حتى الشغل ما عم اعرف اشتغل متل عادة متل المهستر  والله ما بعرف كيف بدي خفف من النت يا جماعة والله رح ضيع لان هل ماديتين إذا رسبت فين رح يأثرو على تخرجي ولا تنسو في مشروع تخرج لسا ما شتغلت في ابدا كمان هاد مصيبة لحالوووووووووووووووو  يستر على عرضكم ساعدوني ساعدو اخاكم المزنوق يا زلمة يلعن عرضو شو بلهي النت ملاحظة :انا اسف لاني عم اكتب على البطيئ بس مالي سريع كتير على الكيبورد |
اقتباس:
لو انك اسرع شوي بالكتابة كان قدرت اساعدك بس انت بطيئ كتير وانا لاحظت من موضوعك هاد الشي:7asheesh: |
اقتباس:
|
اقتباس:
بقولوا تفريط البلح بسرّع الكتابة على الكومبيوتر |
أول شي مرحبا
أنا صارت معي و حاسة فيك ، من أكتر من سنة أول ما اشتركت بأخوية هيك صار معي و التهيت كتير عن الدراسة و أكلتها :cry: هلأ عم بلتهي كمان كتير بس مو متل أول و خاصة بعد ما تعطل أخوية فترة و كتير ناس ما عات فاتت أنا برأيي لازم تطفيلي هالنت و تطفي موبايلك و تقعد لحالك بالأوضة و فكر أديش رح ترتاح اذا خلصت يللي عليك و ريحت ضميرك و فكر بالنتائج يللي رح تاكلها اذا ضليت مقضيها عالنت و كرمال شو ؟؟؟؟؟؟؟؟ هلأ صحيح انو أخوية بيستاهل بس مستقبلك أهم :deal: و في اقتراح تاني انو تطلب من الإدارة توقفلك تسجيلك فترة رفقاً فيك يعني :wink: و كمان اذا بدك أنا براقبك بس تسجل دخول ببعتلك أحلى فايروس عالحارك :angel: يالله لشوف يا شطور طفيلي هالنت و حط راسك بكتابك لأنو ما بينفعك غيرو :larg: :ss::ss::ss::ss: |
شكرا كتيييييييير الك بدي حاول
|
خيو ما حدا رح يساعدك اذا انت ما ساعدت حالك...قوم اطفي هالجهاز و حاجة تتسلى هون باخوية...و اعمل اللي عليك و اترك الباقي ع الله.... و روح شربلك شي سيكارة و روق :larg:
|
أولا بحييك
أخي الكريم أن أكثر المشاركين في المنتدى بشكل كبير و خصوصي بالوقت الحالي هم من المغتربين يعني المغترب عنده وقت يستطيع أن يقضيه على النت دون أن يضر على عمله أو الدراسة لذا دعك من النت و أعتقد أننا فخورون بك عندما تؤادي ما عليك من واجب في طلب العلم العلم أهم من النت بالعلم تتحكم بالنت بالجهل النت يتحكم بك أخوك حلبي :D |
يا ايها القلب الدافئ على الرغم من ان لهجتكم صعبه شويه عليا الا انى فهمت انك فى الضياع ، ربنا معاك وانا متأكد ان قلبك هيدلك على الصح اللى بعتقد انه الاهتمام بدراستك وكفايه نوم بقى .....
|
بالأول حسيتك عبتمزح بعتذر من الشي اللي كتبته
صديقي قبل ما تطلب مساعدة الناس اطلب مساعدت نفسك ما حدا بيقدر ينفعك غير عقلك شو ما قلت لك اذا بدك اتم عبتضيع وقت بدك اتضل عبتضيع وقت بمعنى آخر كل الحكي اللي بده ينقال انا متاكد انك بتعرفه بمجرد ما عندك عقل بتقدر تميز الصح من الغلط وبمجرد انك حسيت حالك عبتعيش بنمط حياة غلط فاكيد بتقدر اذا رجعت قعدت فكرت منك لحالكم تعرف شو هو الصح وشو ما قلنا لك بتم حكي ما اله اي تأثير بعكس الشي اذا كان نابع منك انت |
خالو......لازم يكون الدافع من جواك وبدك تعرف انو قوة الارادة عند الانسان ما بتعلرف الحدود
لا تقنع نفسك انك ما بتقدر. بتقدر وراح تقدر بس أنوي:deal: |
أنا مريت بمتل هادا الظرف ورسبت كتير بسبب دبقة الإنترنت .. أحسن شي تفرغ عقلك من كل شي اسمو انترنت ورفقات بفترة الدراسة ..
أنا السنة يللي نجحت فيها بالبكالوريا كانت وقت استأجرت بيت مافيه شي بالمرة غير مسجلة وبس .. والمسجلة بس إسمعها وقت بيكون في وقت مستقطع .. وقتها تركت كل شي اسمو انترنت لمدة 4 اشهر وانقطعت أخباري ! يلا سلامات ! |
:cry:
:cry: :cry: :cry: |
| الساعة بإيدك هلق يا سيدي 01:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون