|
الشماعة الاميركية
في حالات كثيرة نحن انفسنا كافراد نلجا لعدم تحميل انفسنا المسؤولية بل نلجا الى اشخاص اخرين ليكونوا هم ارباب المشاكل ونحن الملائكة الابرياء الذين لا ذنب لنا
والكلام نفسه ينطبق على مجتمعاتنا كل الانطباق الموضوع تذكرته منذ ايام مع صدور تقرير الخارجية الامريكية عن حقوق الانسان والرد السريع من معظم البلدان العربية عن الموضوع انه انظروا لاميركا وما تفعل الموضوع نفسه ذكرني ايضا بما قاله احد الوزراء السوريين من ربط لعميلة اصلاح سد الفرات ان اميركا تضغط على شركات العالم لمنعها من ترميم السد او انقطاع الكهرباء والقائمة تطول ولا تنتهي لست هنا بموقع المدافع عن اميركا واعلم مثلما تعلمون ما قامت به من فظائع على الارض والبحر والجو ولكن السنا المسؤولين عن حقوق الانسان في بلادنا ؟ السنا المسؤولين عن ترميم سد الفرات او اصلاح خلل الكهرباء او اي سبب اخر متى نتعلم تحميل المسؤولية لانفسنا وعدم الصاقها باميركا او حتى لاي بلد او نظام ان اسقطنا كلامي على اي بلد او فريق او جماعة سابقين phoenixbird |
صدق المثل القائل اللي مابدلي زنبيلو ماحدا بعبيلو
واللي بدلي زنبيلو كل الناس بدها تعبيلو سبحان الله حالتنا لا لصيف ولا لضيف ولا حتى لنوائب الزمن |
بتذكرني ببيت شعر بيحكي
ان العدو لم يعبر من حدودنا انما عبر من كالنمل من عيوبنا طبعا من الاسهل لنا تعليق المشكلة برمتها على شماعت الخارج ونفض ايدي قصورنا وضعفنا على ان نتحمل مسؤلياتنا بصدق وامانة حتى عنا بفلسطين بتلاقي ابسط مثال سواقين الاجرة لي ياعمي بتخالفو اشارات المرور بقلك في احتلال !!!!!!! ولو كل شعب مقهور علق |
هذا ناتج أساساً عن تخلف الشعب وتحميله لكل مشاكله للخارج أو لظروف قاهرة وهذا من جذور نظرية المؤامرة
رغم أنني أحياناً أرى نفسي من مؤيدي هذه النظرية لكن ليس على هذا النطاق الواسع يعني إذا فقت الصبح متأخر على شغلي بدي أقول والله الحق على أمريكا إذا تفركشت بالطريق بدي العن أمريكا شو حيصير فينا متل لبنان إذا قط اندعس بالشارع بدون يقولوا هي سيارة سورية إرهابية يلي دعستو |
ومين اللي علمون هالاسطوانة ؟
|
مشاكلنا الخاصه نحنا مسؤلين عنها
لكن المشاكل العامه متل استبداد الحكام والقهر والظلم يلى منعيشو هلا امريكا السبب فيه وانا مقتنع بوجود نظريه المؤامرة |
هاد اللي طلع معك بالاخر ؟
اعربلي ياها بللا ؟ وكيف هي نظرية المؤامرة |
اقتباس:
وتقتلنا ليل نهار فى اكثر من بلد اسلامى لاننا مسلمون لله |
من كل عقلك ؟
يا الله حبيب ما بدي اطلع برا السيرة بس خليني قلك شي ما حدا بيحارب التاني على اساس الدين الاسلام كبر من ان يحارب من قبل ايا كان انزل على شوارع القاهرة اليوم الازدحام الفوضى الطبقية الغلاء والاستبداد وكله سببه اميركا؟ |
يعني في اسباب عليهم و في اسباب علينا
هلق مثلا و قلتها قبل بمرة انو ميزانية سوريا عم تروح للجيش و السبب اسرائيل انظمة حكم عربية عم تدعمها اميركا و الى اخره بس يعني علينا و عليهم |
اقتباس:
هاد واقع ما فينى كذبو لاننا مسلموووووووووووون فقط الم يقلها المجرم الارهابى بوش سنشن حروب صليبيه واخر قال بعد ان تخلصنا من الخطر الاحمر وكان يقصد الشيوعيه يجب علينا مواجهه الخطر الاخضر ويقصد الاسلام |
دخيلك وبتصدق حكي هالبني ادم
لك يا بابا الاسلام والاديان اكبر من ان تحارب صح النوم |
اقتباس:
بدك تقول انها اشاعه هى كمان |
اللي مش عارفينوا انوا أجهزة مخابرات عربية بتتآمر على الدول العربية وهي اللي بتحدد سيايات الدول العربية ، زي العنكبوت الها شبكات في كل مكان.هاي االأجهزة بتتعامل حتى مع ابليس ، لا تقولي لا رئيس ولا وزراء كلهم ما بمونوا على ايشي.يعنى ما رح اتصدقوا انهم هم اللى بسببوا كل السلبيات في المجتمعات العربية و الاسلاميةليش مش عارف؟؟؟يعني سياسة امريكا المتخبطة في العراق مالهاش تفسير الا انهم بلعبوا لعبة ( بس الحالة عندها اكتئاب لسة ما استقرتش ،يمكن بتحب!!! (بعدين بحكيلكم)، سهلة اعطوها مضاد للاكتئاب بتنحل ولا جيبولها روسيات شقر حلوات بحلين مشكلتها) مرة مع الشيعة ومرة ضدهماحكولي السياسة اللي بدكم اياها تمشي في العراق مسبقا وشوفوا ان شاء الله كيف رح تمشيبس لا حدا يحكيلي جماعات اسلامية لانه هدول لعبة (زي ابن لادن والزرقاوي والله يعلم من اللي جاي لهالمنصب الشاغر واللى يمكن يظهر من الموصل - مش شرط عراقى المهم سني ملتزم- بس اكيد ساذج أو اهبل أو داهية أحمق)هي فعلا مؤامرة وفعلا مشاكلنا من عندنا و غالبية الناس ما بتعرف ، بس الغرب اله دور لانه هو اللى انشا ومتابع مثل هيك امور لانها بتصب في مصلحته
|
اخي اذا بتريد بلا طلعة عن الموضوع
مو كل شي بيقوله بوش بدي صدقه قال حرب صليبية قال |
| الساعة بإيدك هلق يا سيدي 01:27 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون