|
نحنا منحب نقلد ولا فعلا مثقفين؟
مسيكم بالخير
مابعرف ليش خطر ببالي اكتب هاالشغلة يلي هلىء فكرت فيها لما وصلتني مسج على الموبايل باللغة الأنكليزية السؤال هو ليش نحن منكتب مسجاتنا باللغة الأنكليزية ؟؟ حتى لو كان الأمر عادي وحتى الأيميل!! يعني حتى انا مثلا بدي اتأخر عن الشعل شي ساعة ببعت رسالة لboss وبقول اني بدي اتاخر بكتبها بالانكليزي رسالة لرفيقتي انو مثلا وينك ليش ماعم تردي مابلاقي حالي غير كتبتا بالأنكليزي انو ليش؟؟ شو المقصد او الفكرة ؟؟ ومتلي متايل ياترى بامريكا او البلدان الأجنبية اذا بدهم يبعتو مسج بيكتبوها باللغة العربية؟؟ ليش نحنا شو عرب ولا شو؟؟ فظاعة نحنا العرب شو منحب نقلد مو معقول؟ او منحب نورجي الناس انو نحنا مثقفين وفهمانين متل يلي بيحكوا خمس كلمات عربي و3 انكليزي انو ليش يعني ممكن نمرق كتير كلمات انكليزية ادام ناس كتار ممكن مايفهموها ويسكتوه من خجلهم انو نحكي عليهم انهم مابيفهمو لاء والمصطلع تبع اللغة الأنكليزي ممكن يتحول لمصطلح عربي بينجمع وبيتأنث وبيتذكر مثل shift بالمصطلح العملي بينجمع بسهولة وبيتأنث بسهولة بتاء التأنيث لما منقول انو الشغل بها الشركة ممكن يكون شيفتات:? شو رايكم بالفكرة ككل:adal: |
الحمدلله .. انا ما بستعمل الا اللغة العربية ..
لاني مطلقها للانكليزية .. ههههههههههههه |
يمكن تكون عند الواحد احيانا سوسه الكتابة بالانجليزي
او بيجوز فكرو انو شغلة حلوة بالنهاية هي بترجع للشخص وللي عم تصلو هالرسالة عن نفسي اجدا متعة في الكتابة بالعربي الفصحى والعامي والانجليزي والخلط بينون كمان |
برزت هالمشكلة لأول مرة بالموبايلات يلي ما بتبعت عربي أو ما بتستقبل عربي متل موبايلي
مضطر كل الأسماء والنظام والرسائل يلي عندي بالإنكليزي حصراً أو بالكوري حليها بقى |
اكتب عربي بلغة انكليزي احرف يعني
لكن لشو اخترعنا 2 3 4 5 6 7 8 9 لكل منها رمز لحرف باللغة العربية |
بدك ردي بكلمتين ؟؟؟
نحن منسوي هيك لأنا متخلفين ليش لأن الواحد بحب يعبي النئص الي فيه بشي مانو فيه اساسا اولتك فهمتي شي |
هوه تقليد لغيرنا ومشان نبين انو مثقفين
لا والحجه لح تكون مشان نضل متواصلين مع الغة الانكليزيه على طول وما ننساها |
انا برايي انه هاد مو تقليد
هي عادة يعني احيانا بتلاقي وقت بتتعرفي على حد جديد وكون بيحكي بطريقة معينة بتصيري بتحكي متله بدون شعور يعني القصة قصة تعود مو اكتر هيك رايي :D |
بالنسبة لي بتوقع هذا وباء
ويجب التخلص منه مع أنه في كتير ناس بتعتبره أني عادة لكن التطبع بطباع غير فكرنا وفكر أجدادنا حتى لو ظلمونا أهلنا بأن غيرو طريقة نقل تربية أجدادنا وأجداد أجدادنا يجب أن نخرج من القالب الجاهز الذي أتانا من أيا كان وتصحيحه |
سؤال يفرض نفسه
لبست بلوزة بادي قصيرة وجينز دييق مكحوت وشراشيب وسترسات ومطرز ونزلت انا على باب جنين منشان أشتري برتقال جيت عند البياع وقلتله كانيو تحطلي 4 كيلو أورنج بلييز بالعلم أن البياع مابيعرف يقرأ ويكتب عربي شو بدها تكون ردة فعل البياع ؟:o |
يعني انا مش عم افهم اذا مفكرين انو اذا بنعرف لغة يعني نكون مثقفين غريب هالفكرة
اللغة ما الها علاقة بقصة االثقافة وخير دليل خريجي الادب الانكليزي والفرنسي عنا اسم الله عليون:jakoush: |
هلاء انا لما بكتوب لا اخواتي ماسج طويل انو بدل ماسجين بالعربي بفضها بي واحد بال انكليزي
او مثلا رفقاتي اجهزتون ما بتستقبل عربي ببعتا بالانكليزي اما الايميل فا لا بالعربي كلو وفي عندي رفيقتي لبنانية بكتب احرف انكليزي بس اللفظ عربي هي اسرعلا وكتييير بطيئة بالعربي لهيك بتستهون الاحرف الانكليزي وحتى بالماسجات فا لا تقليد ولا لها علاقة بالثقافة وانما تعويد وشكرااا لموضوعك |
اقتباس:
|
ماحدا فاضي..
|
طيب يفضوا حالهم شوي
|
انا بشوف الموضوع من جهة تاني
ما رح احكي عن الي بيتبجحوا بين كل كم كلمة عربي تنتين انكليزي عم احكي عن فكرة الايميل او المسج او حتى تعليق هون بالاخوية.... انو في كتير اوئات بحس انو الانكليزي بيعبر عن الشي الي بدي احكي بطريئة اسهل على عيني و راسي اللغة العربية .... بس احيانا ما بتحسو انو اغنية او قطعة موسيقية او لوحة ممكن تعبر عن الشي الي بدكن ياه بدون كلمات حتى ....؟؟؟ (عم احكي من هالمنطلق بس) :D |
اقتباس:
بس استخدامها مشان تورجيني حالك انك بتعرفي كم كلمه انجليزي انا بعتبر ها الشي سفاهه ونقص في الشخصيه بعدين الغة العربيه اشمل واوسع و اغنى لغه في العالم بمفرداتها وهاد الحكي بشهادة علماء الغة بس عدم المامنا بكل خفايا الغه العربيه ما بيعني انا غير معبره والدليل انك لما بتكتبي الشعر بالعربي كيانك بيختلج من الكلمات المعبر الي فيها:D |
اقتباس:
بئلها لك انا الي كان ما رح تلائي غيري بكل السوء كان ومازال و سيظل:o و اذا كان كيلو الأورنج ب 100 ليره بيعطيها ع كل كيلو 100 ليره :p |
| الساعة بإيدك هلق يا سيدي 09:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون