|
رياضة شعبية شامية هامة
بمناسبة حديثنا عن رياضتنا الشعبية , علينا أن نلقي الضوء على رياضة هامة بل
> >هامة جداً لأنها تتعلق بفصل من فصول العام بل إنها ،فصل ناقص قائم بحد ذاته , > >وهي رياضة مزعجة نوعاً ما لأنها عنيفة > >ولكن الجميل فيها أنها تمارس من قبل الجنسين ولا تتطلب عمراً معينا للاشتراك > >بها، الرياضة المعينة هي رياضة الصعود والهبوط من الميكرو صباحاً و > >ظهراًوعصراً ومساءً > >حيث تبدأ صافرة البداية عند اجتماع الناس على الموقف ونظرات التحدي والوعيد > >التي يتبادلونها , وعندما يبدأ ذلك الشيء الأبيض أو الأصفر من ماركة آيسوزو > >على خط جوبر- مزة أستراد حصراً بالاقتراب من > >الجموع الغفيرة يقوم اللاعبون بالتأهب للانطلاق كما في مسابقات ألعاب القوى. > > > >و ما أن يبدأ الميكرو بضرب فراماتو حتى يبدأ الرياضيون بالتفنن في عملية > >التدافع كل حسب طريقته ( و تربيته) وبيئته والمنتصر هو من ينجح برفس العدد > >الأكبر ممن خلفه والصعود رغما عنهم و يتقنْزَع في صدر الميكرو مجهّزاً > >الخمسة(يعني المصاري) بكل فخر و اعتزاز. وبنفس الطريقة تكون المباراة على > >الجهة الأخرى من طرف الفريق النازل من الميكرو , حيث يقوم أعضاء هذا الفريق > >بكل ما آتاهم الله من قوة بلبط ولبج ولكم لاعبي الفريق الخصم محاولين النزول > >وبكافة الطرق وأكثر الإصابات تكون من نصيب لاعبي هذا الفريق لأنهم ينْزلون إما > >بالورب أو بالقفز العشوائي بدون مظلة أو يعلق أحد أعضائهم الجسدية بالميكرو > >وينشحط معه لمسافة لا تقل عن عشرة أمتار وذلك لأن الشوفير يكون قد > >انتبه لوجود شرطي (كاليميرو) لاطي عالسوكة فيفز بالميكرو وبشكل مفاجئ تجنبا > >للمخالفة > > > >وإن هذه اللعبة فريدة من نوعها , و من المستحيل على أي شعب أن يقوم بالتفكيرفي > >ممارستها لصعوبة قواعدها وما تتطلبه من تدفيش وعدم توافر الملاعب المخصصة > >لها إلا عنا!!! |
قريباً جايتكون الباصات الداخلية الصينية
بس ما بعرف اذا رح تحل الأزمة ........ ولا تزيدها .... |
فكره حلوه ..رح تحل الازمه انو بتخف العجئه على المكاري:)
|
لك يا هيك الرياضة يا بلا عنا هالقصص كمان باللادقية وخصوصا ع الباصات ( التايتانيك)
|
ممكن اعرف شو التايتانيك موجه
على كل هيك باصات صارت من تراثنا وما منقدر بلاها يسلمو |
الانسان وقت بيطلع على الميكرو بيطلع موطي راسه وبينزل منه مدفس مقلع تقليع
رياضة حلوة وموسمية كمان المضوع كتير عجبني وقيمته 5 كمان |
ايه بس انو عندي اعتراض بسيط
هي اللعبة سورية وليست شامية فقط:jakoush: تانيا الموضوع بعتقد مكرر هيك حسني قلبي اني قريانو هون تالتا الموضوع حلو بكل الحالات مايسترو |
الموضوع كتير حلو يسلمو ايديكي :D
بس مو بس باصات المزة تعي شوفي باصات ميدان شيخ او مهاجرين انا دايما محاضرات الساعة 8 لاغيتها من قاموسي لانو بحياتي مالحقت الباص او قدرت اركب :adal: :hart::hart::hart: |
اقتباس:
يعني انا اكره شي عندي لما اطلع على الشام المواصلات والسرفيس الله يكون بعون هل شعب على هل زحمة حتى احيانا بيكون في مساعادات يعني باصات غريبة بتنقل الركاب وبتاخد 10 وبيمشي الحال |
للتوضيح التايتانيك هيي باصات البلدية البرتقالية والبيضا الله يديمن يا حق هنن ودخانهن وصوتهن وزحمتن
|
:o
اقتباس:
قلتيلي دخان هدول الباصات يا بابا من تراث سوريا مشان السياح يعرفو انن بسوريا:o |
قصة على الهامش مروية من والدي :
جاء بعض السياح على حلب وتصورا بجانب باصات الهوب هوب |
| الساعة بإيدك هلق يا سيدي 02:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون