|
مابيعجبنا العجب نحنا البنات
الحالات النفسية التي تنتاب فتاة بقرب شاب في سرفيس
السلام عليكوووووووون يا جماعة .. بكل وقت و بكل ساعة ... سمعتو آخر إشاعة ؟!!  هدا يا شباب و يا شبيبة .. و من محاولة ابو الحس لسبر الحالات النفسية للبنت و هي راكبة جنب شب بالسرفيس و عن طريق الاستشعار عن بعد ( تفكير و تنظير يعني ) .. استنتج ما يلي : لنتخيل المشاهد سوا . بنت قاعدة جنب شب بسرفيس . الشاب محترم و قاعد ضابب حالو و لازق رجليه جنب بعض : رأي البنت فيه : اي شو شايفني دالقة حالي عليك يا بعدي حتى مبعد كل هالتبعيدة !! .. أما على اساس مو عاجبتك و مفكر حالك شغلة كبيرة و البنات مو بعينك ؟ ... اما لقللك : انت واحد حيييييييط و لبخة و معقد .. تضرب انت و اللي بتقعد جنب واحد متلك . الشاب عادي و من فصيلة لا أبالي : يعني لا كتير مضبضب و لا عم يتحركش .. قاعد عادي .  رأي البنت فيه : لك اشبك لك خيو ؟؟ .. تحرك شوي .. العمى شو دمك بارد .. يعني اذا كنت شوي غليظ ما رح نقول عليك شي .. حلو الشب يكون حرك و نشيط و بيفهمها عالطاير .. لك هففففف منك .. الي طول القعدة جنبك عم اتحملك و صابرة على برودتك .. بس مو الحق عليك .. الحق على اللي بتقعد جنب واحد متلك . الشاب من النوع اللي بيمتلك شوية جرأة و شغل جس نبض و حكللي لحكللك : رأي البنت فيه : ههههه يا حبيبي .. لسا كل فترة بينقرني نقرة .... شباب آخر زمن ... يعني يا شاطر شاطر شو ناطر ؟ .. أني أنا اجي لعندك و الزق فيك يا فهمي ... أي لاء هدا بعدك .. و هاي رح بعد عنك .. حتى تعرف قيمتك و ما تفكر هيك ولا هيك .. حليق و نعم يا قلبي . الشب من النوع الجريء جداً و مو مدور و لبخة . رأي البنت فيه : لك من وين الله بلاني بهالدب عند هالمسا .. صحيح اللي استحو ماتو ... هدا ما عندو خوات كنو ؟!! .. اف شو غليظ و دبقة و ما بيحترم حالو ... شلون رضيان على حالو يلزق فيني هاللزقة .. يعني مفكر حالو كتير مهضوم و محبوب حتى واثق من حالو و ملزق ... أي يضرب و تضرب الساعة اللي قعدت فيها جنبو ... عندك لو سمحت .. نزلني هون . و هكذا .. نصل للمعلومة الخطيرة ... البنت ما بيعجبها العجب و لا الصيام برجب .. و كل طلعة سرفيس و الشباب بخير بعيدا عن أراء البنات السلبية بمختلف الحالات الإنسانية . لقيت هالموضوع فعجبني فشو رأيكن بسرفيس هالايام (قصدي شباب هالايام ):D |
طيب شفتي كيف
والله العظيم نحنا مظلومين بالسرفيس يا اخي البنت على قد ما عم نلز عليها عم تطلع من الشباك :o هههههههههههههه تحياتي لشوفيرية السرفيس كلها |
اي شو نصيحتك يساوي الواحد :larg:
|
ههههههههههههههههههههههههه ههههههههههههههه
اذا انت بتعرف انا بعرف:lol: |
احس الشي نبرك جنب الشوفير :clap: وشغل المسجلة ورحلاااااااااااااااا
|
ههههههههههههههههههههههههه ه
فكرة رهيبة على فكرة:lol: ياحرام على اساس انتو بدو مين يلائيلكن حل :p |
اقتباس:
|
ههههههههههههههههههههههههه ههههههههههه
وولي شو هالرد المستكين ياحرام شو مساير :p |
هلق تركتو كل تصرفات البنات الغريبة ولحقتو السرفيس
والله ما عم افهمكن |
هلق نحنا تصرفاتنا غريبة متل شو ؟ ;)
له ليش هيك من كم يوم كنت عم تمدح المرة شو صار ؟؟;) وينكن يابنات مالكن موجودين ؟ |
يستر على عرضك
طولي بالك خلص والله مافي متلكن انتو النبات وما منقدر بلاكن خلص لا تجمعيلي البنات |
ههههههههههههههههههههههههه هههههههههههههه :clap::clap::clap:
ايوا هيك صحي مابتجوا غير بعينكن :p:p:p |
اف يا شو هل بنات
|
يعني و الله احترت اينا و احد من بيناتون لازم اكون..
|
لا تحتار كون متل ما انت طالما هيك هيك لح تسمع حكي
عنجد ما بيعجبكن العجب مالي طايق جنس حوا هاليومين مايسترو |
:lol:
هاي النفسيات لا تتجمع في وجدان فتاة واحدة بعينها يعي لكل وجهة نظر فتاة معينة بالاخير عنا بغزة سيارات الاجرة بتتسع لاربع ركاب 3 خلف السائق و 1 جمبو يعني اذا كان في 3 ركاب واجت صبية بيرجع الركاب ال3 ورا وبتقعد البنت لوحدها عشان ما نضايقها وهيك |
خيتو احسن شي البنت
تركب تكسي وامتو خلصت |
اقتباس:
شو أكل كم عاطفي قوي شكلك :shock: |
| الساعة بإيدك هلق يا سيدي 13:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون