|
همتكم أخوية.. شو هي تقاليد عيد الفصح؟!!!
هلا بكل الشباب والصبايا..
بعرف أنو سؤال غريب ويمكن سخيف بس حابب أعرف .. من شان ما ننفضح .. يستر عليكم ... يعني بصراحة أنا معزوم عند رفيقتي - لا يروح فكركن لبعيد - بيوم الفصح ... وقالتلي أنه حنلون البيض.. هي ما فهمتها.. حاكم أنا ما لي مراء بهيك شغلات... صحيح إني علماني .. بس شوية احترام للمخلوقة واجب ... مو هيك ولا لا!! على فكره هي من طائفة البروتستانت ... وبالمشرمحي ألمانية بروتستناتية لا حدا يتفلسف علي أنه ما بعرف ..اصلاً القصة مو فايتة بمخي... بس شو نعمل؟ |
انو شو المطلوب.
روح بارك وكول خبز العيد ولون بيض شو هالشغلة العظيمة ؟ :shock: |
اقتباس:
|
بعد ما تلونوا البيض شوف منو بكسر بيضة الثاني ...
لما فتت كان ببالي غير اصور عن غير اسئلة :D |
اقتباس:
ياما مكسرين بيض بزماننا بس بيناتنا ......... كنا نغش كتير  |
مشكورين للردود...
طالما هيك.. شو رأيكم كل واحد يحكي عن هذه المناسبة وشو بيصير فيها ... على فكرة لحد الآن ما فهمت شو علاقة الأرنب بالفصح.... |
اقتباس:
ياما و ياما كن لونت البيض ما كسرت بس مرة وحدة و خسرت :cry: بس الظاهر وقعت بيد ناس غشتني في وقتها :larg: |
اقتباس:
بعد ما نروح للكنيسة .. نرجع للبيت و نشوف القرايب ... و نتغدى سوا نسلق البيض و نلونو قبل يوم و يكون اللون احمر عادة ! اما بالنسبة للارنب .. هي عادة اوربية رح دورلك على معانيها ... و تشبه شغلة الديك الرومي بالكريسمس هلا و غلا فيك اخي :D |
مع انو عندي رفقات كريستيانز بس ولا مرة خطرلي سألون ليش بتلونوا البيض
فبما انكون فتحتوا هالسيرة ... حابة اعرف شو هو الهدف من تلوين البيض ..? |
تلوين البيض ... هو نوع من الاحتفال الشعبي و الديني ...
اللون الاحمر يرمز الى الفداء و البيضة ترمز الى الحياة ... ( كرمز فقط ) |
اهااا تقريبا وضحت ..
ثانكس..suryoyo |
وبهالمناسبة العظيمة سلفا بقول كل فصح وانتو بخير
تحياتي :D |
رافقت الاحتفالات بعيد الفصح تقاليد وعادات مدنيّه مأخوذة من تقاليد الشعوب القديمة وصارت جزءا لا يتجزأ من طقوس الاحتفال به.
رمز الارنب اللي بيرافق الاحتفالات بالفصح ليس تقليدا حديثا وإنما يعود للقرون المسيحيه الأولى. كانت شعوب الساكسون في أوروبا تحتفل بعيد بدء الربيع وتجدد الحياة وترمز إلى الارنب ، وعيد الفصح "تجدد الحياة" دايماً بيكون بهالفترة من السنة إي بداية الربيع مع اختلاف التورايخ . و منهم تسربت تلك الطقوس الى احتفالات المسيحيين الاوائل بعيد الفصح. أما كيف انتشر هالرمز فحسب معرفتي قام المهاجرون الألمان بجلب رمز الارنب لأميركا وخاصة لولاية بنسلفانيا و ظل استعمال أرنب العيد محصورا في المجتمعات الالمانيه حتى نهايه الحرب الأهليه الامريكيه حيث شاع استعماله بين بقيه المهاجرين وبعدها انتشر لكل العالم ...... أما بالنسبة لرمز بيض الفصح فهو متل ما ذكر سوريويو وعلى فكرة أنا كنت دايماً أربح بلعبة كسر البيض :yahoo: ويا هلا :mimo: |
اقتباس:
شو الطريقة الي كنت تغش فيها اسا لليوم ما كنت اعرف غش حابة اتعلم شي خدعة حاجي يكسبو عليي كل سنة :p |
اقتباس:
|
احنا عنا بنعمل نوع من الحلويات بنسميه كعك و معمول
الكعك بكون شكلها مثل اكليل الشوك الي كان على راس يسوع المسيح وقت انصلب و المعمول بتكون شكلها مثل الاسفنجة الي وقت طلب المسيح يشرب حطوها بالخل و سقوه منهاا اما البيض الملون بدل على بدء حياة جديده بموت و قيامة يسوع المسيح |
اقتباس:
كل واحد بياخد بيضة مسلوقة وبيشتغل الضرب بين كل اتنين لنشوف أي بيضة رج تبقى صامدة والمعلمية هي بطريقة مسك البيضة ;) أكتر من هيك ما رح قول مشان ما اكشف سر المهنة :p |
| الساعة بإيدك هلق يا سيدي 02:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون