|
كل سنة وانتو سالمين بمناسبة شعانين الغربي
ينعاد على الجميع غربي وشرقي كل سنة بالخير طبعا انا مو من باب انو بدي عايد وفرحاني بطولي وحاملة الشمعة عم احكي كل سنة وانتو سالمين بس والله الي شفتو اليوم بالقصاع وباب توما خلاني قول لازم حط هالخبر بأخوية ... :clap:
اليوم بما انو الطقس كان حلو والشمس طالعة نسيت العالم انو لسا الدني آذار ولبسو احلى ما عندهن ويمكن حتى بالصيف ما لبسوه بس والله ومع اني تفاجأت :?... الحق يقال انو كانو حلووووووووووووووين اوييييييييي :oops: الله جميل ويحب الجمال وكل سنة وانتو سالمين وبشوفكن بشعانين الشرقي :p |
يسلمو لوليت وشعانين مبارك للكل
:mimo: ......... أحلى شي الشعانين للولاد الصغار وهنن شايلين الشموع المزينة بالورود |
هوي صحي انا ما بعرف شو هاد الشعانين
بس انو على حكي رفقاتي انو حلو كتير ما بعرف شو بدي قول:? مممممم خلص كل شعانين وانتو بخير:mimo: |
شعانين مباركة للكل...
انو عنا مابتحسو بطعمة الشعنينة ولو:cry: بدي ارجع شعنن بسوريا ع شعنينتنا:cry: |
اقتباس:
الشعانين هو ذكرى دخول المسيح لأورشليم وبوقتها استقبلوه الناس وهنن حاملين أغصان الشجر والمسيحية بهاليوم بيروحوا عالكنيسة وبيحضروا القداس الاحتفالي وبعدها بيعملوا متل تطواف من التقاليد أنهم بيحملوا إما شموع مزينة (خاصة الأطفال) أو أغصان الزيتون أو سعف النخيل ببعض المناطق :mimo: |
لأ ولو لا تزعلي ولا شي بس انو هيكي عم نخفف دم بتعرفي انتي
ما علينا ميرسي عالتوضيح بدي اتسائل عليكي :oops: شو يعني تطواف:? |
اول شي شعانين مبارك للكل :D
بما انو فتحتي عحالك هالباب ساندرا :p شو يعني اسم شعانين ... يعني ليش اطلقو هالاسم:? |
اقتباس:
والمشكلة إني حالياً ما عم لاقي مرادف الها بس يعني بتجي بمعنى المسير حول مكان ما هيك بتصور معناها اللغوي  |
اقتباس:
اقتباس:
احيانا بيدورو حوالي الكنيسة من جوا احيانا حوالي اسوار الكنيسة بحمص منعملا حوالي الحارة هيك عملناها من كم سنة :cry: |
ينعاد ع الجميع اسلام ومسيحية بالخير والصحة
:D:D:D |
اقتباس:
كلمة شعانين مأخوذة من كلمة "هوشعنا" أي خلّصنا وهي كلمة عبرية لما دخل المسيح إلى أورشليم، التفت حوله الجموع يفرشون ثيابهم في الطريق ويقطعون أغصان الشجر ويفرشونها في الطريق أيضاً،وكانواعم يهتفوا: " مبارك الآتي باسم الرب، هوشعنا في الأعالي". ومن هنا جاءت فكرة عيد الشعانين، وأصبح المؤمنون يحتفلون قبل الفصح بأسبوع، بعيد دخول المسيح إلى أورشليم. .......... طبعاً أنا عم أجاوب اعتماداً على معلوماتي المتواضعة جداً :oops: |
اقتباس:
بلا انشالله السنة الجايي بتحضري الشعانين مع أهلك ورفقاتك بحمص وشعانين مبارك |
اقتباس:
اقتباس:
اقتباس:
|
اقتباس:
 |
اقتباس:
اقتباس:
سوري تغالزنا عليكون خلص سويت لا تزعلي بخلي شي رفيق او رفيقة من عندي من المدرسة يشيلو شمعتين ويفتلو فيها بالحميدية كلياتا وبحمص كمان:deal: |
:Dان شاء الله ينعاد على الجميع بالخير
حبيت احطلكم صورة من شوي صورتها للشعانين...  |
اقتباس:
|
شعانين مباركة للغربي و للشرقي و لو بعد مدة !
بس ما حطيتولنا صور لاغضان الزيتون و للسعف و للدورة ...... لان الشرقي بعيد |
| الساعة بإيدك هلق يا سيدي 20:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون