أخوية

أخوية (http://www.akhawia.net/forum.php)
-   عناوين الأخبار (http://www.akhawia.net/forumdisplay.php?f=71)
-   -   شركة "زين" الكويتية تعلن عن رغبتها في شراء حصة مسيطرة من "سيرياتيل" (http://www.akhawia.net/showthread.php?t=95160)

yass 10/03/2008 21:12
شركة "زين" الكويتية تعلن عن رغبتها في شراء حصة مسيطرة من "سيرياتيل"
 
أعلنت شركة الهواتف المحمولة الكويتية "زين" عن رغبتها في شراء حصة مسيطرة في شركة سيرياتيل للهواتف المحمولة.

ونقلت وكالة الأنباء "رويترز" عن الرئيس التنفيذي لمجموعة "زين" سعد البراك أن المسألة لم تصل إلى مرحلة المفاوضات وأن المنافسة مازالت مفتوحة وليست مقتصرة على شركة زين فيما يتعلق بالمفاوضات.

وكان رجل الأعمال رامي مخلوف الذي يملك 69% من شركة سيرياتيل قال إنه يجري مفاوضات مع شركة تركسل التركية لبيعها أكثر من 51% من شركة "سيرياتيل" للهاتف المحمول التي يملك منها مخلوف 69%.

وتقول شركة سيرياتيل إنها تستحوذ على أكثر من نصف سوق الهواتف المحمولة في سورية والذي بلغ حجمه حتى شهر آب الماضي 5.8 مليون مشترك منهم 4.6 مليون من مشتركي الخطوط المسبقة الدفع, ويشكلون أكثر من 25% من سكان سورية.

وتسيطر شركتا "إم تي إن سورية" و"سيرياتيل" على خدمات الهاتف المحمول في سورية العامل بنظام "BOT"، إلا أن العقد الموقع بين الشركتين والحكومة يسمح بدخول شركة ثالثة لهذا السوق في عام 2009.




المصدر: سيريانيوز

MadMax 11/03/2008 00:51
منيح ...... على أمل تهتم هالشركات بشغلة الانترنت بسوريا


بس بيناتنا .... حاسس أنو رامي مخلوف بدو يبيع حصتو بسيرياتل مشان يفوت السنة الجاية عالسوق بشركة تالتة

yass 11/03/2008 01:05
اقتباس:
كاتب النص الأصلي : Madmax (مشاركة 936865)
منيح ...... على أمل تهتم هالشركات بشغلة الانترنت بسوريا


بس بيناتنا .... حاسس أنو رامي مخلوف بدو يبيع حصتو بسيرياتل مشان يفوت السنة الجاية عالسوق بشركة تالتة
أي ما بستغرب شي أبدا, كل شي وارد

عم دوّر على معلومات حول نمط الاستثمار BOT لأنو ما كتير زابطة معي انو تنباع الشركة.. يعني مزبوط انو اللي يرجع للدولة بعد عدد محدد من السنين هو البنية التحتية, الشبكة يعني و ليس الشركة... لكن يفترض لما الدولة تتعاقد مع حدا تتعاقد معو لعدد من السنين, عم تتعاقد مع جهة محددة... ما بعرف.. بلكي حدا الاقتصاديين يحكيلنا ياها

Roaa 11/03/2008 01:23
ياريت .. حتى يصير في منافسه بينها وبين ال94 ..


وخصوصي بالاسعار .. والعروض ..:pos:.. بدنا نعرف ناخد راحتنا بالحكي ...


او انوو نجرب نطبق حدا غير رامي مخلوف:p.. يعدمني ياه ما عم يتطبق :lol:

yass 11/03/2008 01:28
هاد شرح لنظام بوت ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


بس لا تقولولي محجوب.. بغينيا الاستوائية

MadMax 11/03/2008 01:39
اقتباس:
كاتب النص الأصلي : yass (مشاركة 936905)
هاد شرح لنظام بوت ...

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


بس لا تقولولي محجوب.. بغينيا الاستوائية
معروف نظام البي او تي ...و كانوا يستخدموه كتير بلبنان بعهد رفيق الحريري


بس ما بعرف ليش .... بحس ما بيستخدموه .... غير لما بكون في جو نصبة بالموضع

yass 11/03/2008 01:42
اقتباس:
كاتب النص الأصلي : Madmax (مشاركة 936913)
معروف نظام البي او تي ...و كانوا يستخدموه كتير بلبنان بعهد رفيق الحريري


بس ما بعرف ليش .... بحس ما بيستخدموه .... غير لما بكون في جو نصبة بالموضع
أي هو كان عندي معلومات عامة عندو... بس عم دوّر عالأساس القانوني لحتى يبيع الشركة...عندك معلومات حول هالشي؟

MadMax 11/03/2008 02:04
اقتباس:
كاتب النص الأصلي : yass (مشاركة 936916)
أي هو كان عندي معلومات عامة عندو... بس عم دوّر عالأساس القانوني لحتى يبيع الشركة...عندك معلومات حول هالشي؟
يللي بعرفو انو المشروع بيتسلم بعد مدة معينة للدولة
يعني يللي بينباع هو حقوق الاستثمار ( ضمن نفس الشروط ) للمدة الباقية
و يللي مبين انها مو طويلة .. لأنو المبلغ المعروض هو مليار دولار .....و هاد بتطلعو الشركة بأقل من سنة

yass 11/03/2008 02:08
اقتباس:
كاتب النص الأصلي : Madmax (مشاركة 936931)
يللي بعرفو انو المشروع بيتسلم بعد مدة معينة للدولة
يعني يللي بينباع هو حقوق الاستثمار ( ضمن نفس الشروط ) للمدة الباقية
و يللي مبين انها مو طويلة .. لأنو المبلغ المعروض هو مليار دولار .....و هاد بتطلعو الشركة بأقل من سنة
أي هاد اللي كنت فهمانو... اللي كان عندي فضول اعرفو هو انو حتى بحقوق الاستثمار اذا لازم يكون في رأسمال وطني أو حتى للدولة, يعني هالبند بدون ما يكون بي أو تي, بدول أوربا في قطاعات "استراتيجية" متل شركات الكهربا أو المياه لازم يكون في 30% اسهم بالبلد... فمستغرب انو مافي هالبند عنا.. يعني العرضين من شركات أجنبية

MadMax 11/03/2008 02:19
اقتباس:
كاتب النص الأصلي : yass (مشاركة 936933)
أي هاد اللي كنت فهمانو... اللي كان عندي فضول اعرفو هو انو حتى بحقوق الاستثمار اذا لازم يكون في رأسمال وطني أو حتى للدولة, يعني هالبند بدون ما يكون بي أو تي, بدول أوربا في قطاعات "استراتيجية" متل شركات الكهربا أو المياه لازم يكون في 30% اسهم بالبلد... فمستغرب انو مافي هالبند عنا.. يعني العرضين من شركات أجنبية
لا بظن أنو في ... بس ما بعرف قديش النسبة .... لأنو دايماً كانت تنذكر قصة حصة الدولة .... كلما انطرحت فكرة تخفيض اجور الخليوي ..
عموماً ...... بظن أنو يللي مطروح للبيع هون جزء من حصة رامي مخلوف و يللي بتبلغ 69 %
بس بظن أنو رح يحتفظ بجزء منها ... و عالأغلب رح يبيع 51%

yass 11/03/2008 02:23
اقتباس:
كاتب النص الأصلي : Madmax (مشاركة 936938)
لا بظن أنو في ... بس ما بعرف قديش النسبة .... لأنو دايماً كانت تنذكر قصة حصة الدولة .... كلما انطرحت فكرة تخفيض اجور الخليوي ..
عموماً ...... بظن أنو يللي مطروح للبيع هون جزء من حصة رامي مخلوف و يللي بتبلغ 69 %
بس بظن أنو رح يحتفظ بجزء منها ... و عالأغلب رح يبيع 51%
أي هيك النسبة اللي قريتها.. 51%..

يعني حلو كتير.. بس تدخل بورصة دمشق.. من أول يوم, قطاع الاتصالات الخليوية بسوريا راح يكون مسيطر عليه من قبل رأسمال أجنبي.... بدون تعليق

MadMax 11/03/2008 02:32
اقتباس:
كاتب النص الأصلي : yass (مشاركة 936943)
أي هيك النسبة اللي قريتها.. 51%..

يعني حلو كتير.. بس تدخل بورصة دمشق.. من أول يوم, قطاع الاتصالات الخليوية بسوريا راح يكون مسيطر عليه من قبل رأسمال أجنبي.... بدون تعليق
بشكل عام .... ما بيقدر يبيع أقل من 51% .... لأنو أكتر الشركات بتشترط أنها تشتري حصة مسيطرة




بعدين ما بتعرف ..... يمكن هون بالذات ... يكون الرأس المال الأجنبي أفضل من الوطني

yass 11/03/2008 02:36
اقتباس:
كاتب النص الأصلي : Madmax (مشاركة 936949)
بشكل عام .... ما بيقدر يبيع أقل من 51% .... لأنو أكتر الشركات بتشترط أنها تشتري حصة مسيطرة




بعدين ما بتعرف ..... يمكن هون بالذات ... يكون الرأس المال الأجنبي أفضل من الوطني
أي هو من حيث المبدأ انو و الله يكون في رأسمال أجنبي عندو حصة مسيطرة بقطاع حيوي بدولة ع اساس اشتراكية شي بيضحك, يا بيبكّي... ما بعرف اي وحدة بالضبط.. عدا قصة الاشتراكية.. انو اجنبي مسيطر على قطاع حيوي مو أمر جيد أكيد مبدئيا

بس سوريا غير... دايما غير و راح تضل غير


الساعة بإيدك هلق يا سيدي 12:54 (بحسب عمك غرينتش الكبير +3)

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02337 seconds with 10 queries