|
طفولتنا
هاي كيفكن
انا اليوم عندي اقتراح يمكن يعجبكن شو راييكن كل واحد يحكي عن موقف حلو صاير و نحننا صغار يعني شي شغلة مضحكة صايرة و نحنا صغار فهمتوا كيف؟ يلا بدي شوف ردودكن :gem: :gem: :D :D :D :D :D :D :D |
طيب شو رأيك تشجعينا وتبلشي انت ؟
|
اقتباس:
|
طيب ...
ما الها إلا رجالها ........ :gem: :gem: :gem: احم احم ... هادا يا سادة يا كرام ... هادا أنا لما كنت صغير وعندي شغلة 3-4 سنين .. كنت شوي نسونجي ... :angel: الله وكيلكون كنت معذب كل بنات الحارة والضيعة ... مرة اخدني رفيق ابن عمي معو عالسوق ... وهنيك ضعت ... بعد شوي رجعت لعندو وأنا عم شد صبية حلوة من شعرها ... وكنت عم قلو هاي حلوي ... هاي حلوي .... ومن أفا هالشغلة اتعرفوا عبعض ...وصاروا اسرة سعيدي ... شفتوا ما أحلاني .... :oops: :oops: :oops: :angel: |
:lol: :lol: :lol: :lol: :lol: :lol: اما هالقصة حلوة كتير توت
طيب دوري احم احم :angel: هي وقت اللي كنت صغيرة شوي يعني شي 3- 4 سنين كنت ساكنة ببيت جدي بحمص واهلي ساكنين ببيت جدي التاني بالضيعة ( ماحدا يسأل ليش لانو مابعرف ) المهم جدي التاني - تبع الضيعة - كان يجي كل اسبوع نهار الجمعة مشان يشوفني ( مدللة كتير :P ) ويجبلي كتير كتير كتير شغلات من شوكولا وهيك شغلات تبع ولاد يعني وكنت كل مرة اهجم عليه وجدو وحبيبي ومابعرف شو لمرة اجى ولا ستي عم تعيطلي انو تعي اجا جدو ابو شعلان و انا سمعت هيك وبلشت الركيد لاطلع لبرا وشوفو طلعت ولا في زلمي تاني بيشبهو كتير لجدي بس مامعو كياس شوكولا وهيك قصص . اتطلعت فيه هيك من فوق لتحت ودرت ضهري وفتت لجوا لحقني هيك شو في ليش ماسلمتي عليي قلتلو فكرتك زدو ( جدو ) بس مانك هوي جدو بيجبلي معو سوتولا :P اجى قللي ياجدي ياعيوني اليوم جمعة والمحلات مسكرة وماقدرت خلص مرة الجاي بجبلك لاتزعلي وانا راسي مية سيف انو هاد مو جدي لحتى راح خطي ضل يفتل ساعتين لحتى لقى محل فاتح جبلي شوية غراض ولما رجع مرة تانية هجمت عليك وياحبيبي ياجدو :P :P :angel: :angel: :angel: :angel: |
عجبني هل الوضوع و يمكن كون اكتر واحد رح شارك فيه .....ولي شو عندي قصص بس بدي مين يسمعني :lol: :lol: :lol:
مرة سهرانين انا ورفقاتي عند رفيقنا .....المهم الزلمة من اقد مو تعبان نام و نحنا عندو اسنيناه لحتى يغفل تمام ....... طفينا الاضوية ....و سودنا شاشة التلقزيون و علينا الصوت ع الاخير و بلشنا نعيط ع اساس عم نلعب شدة و ضربناه بمخدة وقت فاق ........انفلج و بلش يعيط :cry: :cry: :cry: فكر انو صار معو عمى .....المسكين دراسة الطب اسرت عليه و ضل عم يهلوس يومين بعد القصة و ما كان يقتنع انو نحنا ساويناها فيه .................................................. .............. :confo: |
حلوة ابو طريق :lol: :lol: :lol: :lol: جود لقلك انا بموت على هيك قصص
يللا بدنا الكل يشارك :gem: :gem: :gem: :gem: :gem: |
اقتباس:
اسمعو هاي احم احم احم احم احم احم احم احم علقت السعلة هلق برجع بكتبلكن القصة :P :P :P |
هاي ياسيدي كنا مرة نحنا وصغار يعني شي 3-4
سنين قاعدين كلنا سوى كنت أنا غار كتير من أخي اللي أصغر مني يعني كان عمره شي سنتين مرة منشان ماغار أمي قالتلي أنو هادا حمار شو بدك فيه اتركو آم أنا رحت لعندو وعبيت فيه هداك الكف صار يبكي أجت امي وقالتلي لك ليش ضربتو آم قلتلها مو أنتي قلتيلي أنو هادا حمار :lol: :lol: :lol: :lol: :lol: :lol: لسا في كتير شغلات من قاموس الطفولة ما في أحلى من الطفولة :D :D :D :D :D :D |
اقتباس:
|
اقتباس:
يخرب بيتك شو حما .................... :angel: موتتني من الضحك الله لا يوفقك ... :P :P |
اقتباس:
|
اقتباس:
|
اقتباس:
:P :P :P :P :P :P :P |
اول عملية اعدام :cry:
و آخر وحدة عملتها 8) كان عمري شي اربع سنين :oops: ....كنت عند خالتي :angel: ....و قاعدين و مبسوطين و عم نتفرج مع ولاد خالتي ع الصيصان يلي جايبينون :D المهم فجأة صرت لحالي مع الصيصان :wink: .....كان في صوص عم يشرب مي صحن 8) .....مسكت عصاية و بلشت نزلوا راسوا بالصحن 8) اعترف ولاه ..... 8) .بقققققققققققق :mrgreen: :mrgreen: اعترف ولاه ..... 8) .بقققققققققققق :mrgreen: :mrgreen: اعترف ولاه ..... 8) .بقققققققققققق اعترف ولاه ..... 8) .بقققققققققققق اعترف ولاه ..... 8) .بقققققققققققق ما كان يعترف ....العمى ضربوا شو عنيد :evil: اعترف ولاه ..... 8) .بقققققققققققق اعترف ولاه ..... 8) .بقققققققققققق اعترف ولاه ..... 8) .بقققققققققققق اعترف ولاه ..... 8) .بقققققققققققق اعترف ولاه ..... .بقققققققققققق اعترف ولاه ..... .بقققققققققققق المهم ما لأيتلكم غير ه الصوص الب ع ضهروا .......مات ! :cry: و منشان اخفي اثار الجريمة :confo: هووووووووبللللللللللللللل ا زديتوا من على البرندة :dr: بس أجا بمكان ع الطابق التاني كل العالم بتشوفوا :cry: :cry: و اكلت نصيبي ! :cry: :cry: :cry: شرح المفردات : بقققققققققققققققققق عم يختنق الصوص :lol: :lol: |
:lol: :lol: :lol: :lol: :lol: :lol:
أنت مهضوم أنت وصغير هه بس مشاكس يعني شو بدك فيه للصوص عم تتقاوى عليه :lol: :lol: :lol: :lol: :lol: :lol: :gem: :gem: |
كنت بدي ضيف قصة حلوة بس بعد ما حطيتها شلتها لانوا مي من الطفولة
على كل حال موضوع حلوا و رح شارك فية |
ههههههههههههههههههههههههه ههههه
كتير زريفين واللا والله انا طلعت من بطن ماما وانا كبير يعني ماعندي طفولة.... رح ادخول مرا تانية لحتى ئلكوون... :sosweet: :lol: |
| الساعة بإيدك هلق يا سيدي 12:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون