يا عيب العيب
 

تحية وطنية سورية حرة

اليوم الصبح و انا عم أقرا الأخبار على أنترنت دخلت عالموقع السيرين نيوز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و ياريتني مادخلت , لأنو فوق رفعت الضغط يلي عم اتعرضلها يومين من قرأت أخبار سوريا الحبيبة من قرأت اضطراب النظام البعثي , من قرأت أخبار النظام المريض المسوس , كان لح يتسكرلي شريان من كتر التعصيب
و بظن اذا انتو بتفوتوا و بتقروا خصوصا الخبر المتعلق بالولد يلي دخل المستشفى مشان يداوي ايدو المكسوره طلع مشرح
الخبر كتير بيزعل بس الشغلة ما وقفت عند هادا الخبر , الشغلة ذكرتني بكتير حوادث تسيب و استهتار و محسوبيات و رشاوي و فساد و فساد و فساد و فساد حتى يمكن نوصل لمرحله يصير اسمنا الجمهورية الفسادية السورية
يا عيب العيب , والله استحوا جزر القمر أو بنكلادش يكونوا متلنا
يا عيب العيب شي بيوجع القلب
بس في كلمه بقلبي و بدي قولها
يا عيب العيب على كل واحد فينا , والله لينكتب اسمنا بمزابل التاريخ
يا عيب العيب على كل سوري و سوريه
لك يا عيب العيب اذا ما كلياتنا نزلنا عالشارع و ألنالهون كش لك كش لك بــــــــــــــــــــــــ ـــس , لك يــــــــــــــــلا
يلا عالضيعة , يلا لورا البقرة

والله مشتهي ارجع عسوريا و جيب معي كيس زباله و مكنسه و أشهم كلياتهم

لاتواخذوني اذا انفعلت كتير بس والله الحرقة بقلبي كبيرة و بعدي عن سوريا ما عم يزيدني غير تصميم و ارادة و رغبة بالعودة مع أني عرفان أنهم لح يضبوني من المطار بس واللهي و متل ما آل جبران
من يركب الموج لا يخشى من الغرق

بقى كيف و لو كان هالموج هو بلدنا , هو شرفنا , هو أمنا
و الله اذا ما غرقلوا كم شب و صبيه وطنين بعمرنا ما نخلص من هالمافيا

أهلاً بالسوري و نتطلع الى مشاركتك دائماً


نحنا معك و مع كل الوطنين الغيورين ع البلد


بس كبر الكيس :wink:


.............
ملاحظة صغيرة الرابط لا يعمل ؟!

وجعتلي ألبي يا زلمة :cry: :cry: :cry: :cry: :cry: :cry:

ولا تعليق :cry: :cry: :cry: :cry: :cry:

والله يا سوري فتحتلي جروي :cry: :cry: :cry: :cry: :cry: :cry:


كلامك مزبوط أذا ما ضحينا وما نا ضلنا

هل أوباش الحثاله جماعه المافيه الأسديه و البعثيه ما رح نخلص منهون

:dr:
:cry:
لا تعليق :cry: