|
هل أنت فخور بما كتبت هنا
من البديهي أن الوقت سيمضي وسوفا يأتي الجيل القادم تصور نفسك أنك أصبحت جد أو جدة وجاء حفيدك أو حفيدتك وسأل جدي ماذا كنت تكتب على الأنترنت هل ستطلعه على أخوية مثلا وأي المواضيع تفخر أنك شاركت بها أم ... ؟ |
اقتباس:
بشِدة وراح ورثهم اسمي في المنتدى كمان |
اقتباس:
ما احلاهن وهنن عمنادولي جدو ميدو:gem: اي منجي للشقفة التانية من السوال انو شي طبيعي مثلا قلهن هي اخوية اللي كنت اكتب فيها وبكل ثقة وفخر لانو لو هالشي مو نابع من صميم قلبي يا قلبي انت ما كتبت بالاصل بس بالنسبة لاكتر المواضيع الي بفتخر فيها ما بعرف لانو معظم مشاركاتي ردود بس بنصحهن اد ما جار فيهن الزمن لا يفكرو بحياتن يعلقو مع فراشة او يستفزوها بأي شكل من الاشكال:pos: وبعد عن المشرفين والمنسقين ولا تغنيلهن حتى بس بعد بعد بعد بعد بعـــــــــــــــــــــــ ـــــــــــــــــد ودمتم:oops: |
ههههههه........بس لما اكون جدة رح تكون ذاكرتي انتيكة....وانا رح اكون خرفت :p
بس انا فخورة بالاشياء الي تعلمتها ولو كانت بسطية |
بدلهم على موضوع عازار حبيب :lol:
هي اذا الأخوية مستمرة حتى صير جدّ |
اقتباس:
أنا رح كون فخور ..... كوني شاركت بمنتدى عاش عشرات السنين :larg: |
اكيد فخور بكتاباتي .. !
بس يجوز اصلا بعد عشرات السنين اذا بقى اخوية الغالي ........ يتغير الاسم و يجوز يلزموه غير ناس و يصير منتدى بغير طابع و يحذفون مواضيعنا لان ما تتناسب مع افكارهم :p بس كلنا نتنمنى يبقى اخوية مثل ما نحبو ! |
أنا الصراحة ما بعرف حالي بعد عشر سنين من هلأ كيف حيكون أسلوبي بالكتابة
هل حيتطور هل حتصير أدواتي الفنية وتعبيري عن أفكاري أفضل أم أسوأ وهيك شغلات وبالتالي الإنسان بعد عشر سنوات لم بيتطلع وبيشوف الكلام اللي كتبه قبل سنوات سيلاحظ الفارق في أسلوبه وتعابيره وطريقة تفكيره وأحكامه على الأشياء وهذه الحادثة حدثت معي فقد كنت أدون خواطري وبعض المذكرات أثناء الثانوية وبعد مرور عشر سنوات أو أكثر شوي عدت فوجدت هذه الكتابات وقراتها بشغف أحياناً كنت أضحك على جهلي وحماستي لبعض القضايا التي أراها غير ذات أهمية الآن وآسف أحياناً على أشياء ربما لو وعيتها في ذلك الوقت كان أنفع لي وهكذا فأنصح من كتب بأنه سيكون بالتأكيد فخور بما كتبه في أخوية وخلاف ذلك أن يراجع كلامي ويعيد التفكير في كلامه الكثير من الأدباء بالمناسبة قام بإخفاء أعماله الادبية التي أنجزها في فترة شبابه أو أول فترة ظهوره لعدم رضاه عنها بعد تطور أسلوبه وتخصصه في بعض المواضيع أو شيء من هذا القبيل |
ههههههههههههههههههههههههه
ذكرتني بفترة مرت علي قبل خمس سنين. كنت اي كلام امي تحكيلياه بغضب او اي بهدلة من حدا اروح ابكي واكتب مذكرات واقول ما حد فاهمني :oops: ههههههههههههههههههههههههه يوم تمسكه اختي وتقراه.....ظلو اهلي يضحكو علي لحد الان.....الدفتر مزعته وحرقته. :lol::lol::p |
اقتباس:
انو فخورة بجزء كتير من اللي كتبتو .. في أشيا كتبتا اوقات بانفعال .. اوقات بضيقة خلق .. اوقات بعاطفية زيادة :oops: بحس اني مدري كيف وقت بقراها بضحك على حالي بكـــ ل الأحوال فخورة .. بأخوية .. وراضية عن حضوري فيها :mimo: وفخورة بميمو أفندي :mimo: |
يعني برأيي ما كتب في الأزمان الغابرة يمكن أن يتعامل معه الشخص كتاريخ شخصي له وتطوره الفكري والعاطفي والخ ........ من هذه التعبيرات العظيمة
ممكن تكون أسرار أفكار قصص مضحكة الاحتفاظ به يرجع الإنسان إلى ماض لن يرجع إليه أبداً يسقي أيامه بدموع حرى وزفرات مرة ويضحك ملء أشداقه منه تارة أخرى على أي حال كل شيء كتبته فيه خير ودعوة إلى إصلاح وهداية سأكون فخوراً به وسأرفع به كتاب حسابي لدى رب الملكوت لأجزى به واما إن كنت كتبت غير ذلك فإني أندم عليه وأستغفر الله عليه وأسأله العفو والصفح والسلوان |
اقتباس:
يلا زاتو مشي الحال :p |
اقتباس:
اقتباس:
يعني لو استمر لصير جد ... أكيد بكون عاش عشرات السنين أو يمكن مئات السنين :p |
اقتباس:
لقضية طالما الكل رماها خلف ظهره لفلسطين الحبيبة وأقصاها المبارك لمقاومة كانت الأسطورة بكل تاريخ نضالات الشعوب وليشهد بأني لم أقف لحظة متفرجا وراقصاً على جراح شعبنا وقضية امتنا ولأورثهم من بعدي حب الأرض والوطن والدين وكل فخراً بقضيتي فلسطين وبمقاومتها الباسلة التي لم تعرف الخيانة والخنوع والبيع والتنازل |
اليوم قرأنا خبر عن وفات الأخ راضي المرجي
وقد كان وقع الخبر صدمة للجميع على ما أعتقد ومن البديهي أن الجميع لاحظ أن الأخ قد ترك إرث بعد رحيله ألا وهو الكلمات التي كتبها في منتدانا كم هو عظيم أن تترك خلفك شيئ يذكر تستفيد منه الأجيال القادمة و تثمنه و تعمل به ما أردت أن أقول لنا عبرى في أخينا راضي المرجي لقد ذهب إلا أن كلماته حية بيننا |
اكيد وكتير كمان
ولو بقدر خليون يشاركو باخوية ويبحبشو بالمشاركات القديمة ما بقصر كمان |
دخيلك بنفسجة لا تجيبي سيرة البحبشة و النكوشة
اخر مرة بحبشت ونكوشت كم موضوع حلوين الو طلعت غبرة واغرقت المنتدى بمواضيع اثريه المهم ما علينا سؤال كتير حلو خي حلبي بس المشكلة انو سؤال افتراضي ولازم الواحد يتكهن الجواب لبعد 30 او 40 سنه على الأقل فا مهما الواحد تمنى ان يكون الوضع بعد هل الفترة الطويلة حيكون الجواب ناقص و فرضي و مانو صحيح لذالك انا رح اكتفي بهل الجواب ياهلا من يعيش |
بتعرف شو
يمكن ما كون فخور بالشغلات اللي كتبتا ,, على اعتبار ما بحب الفخر بحالي بس بفخر بأخوّية ,, بفخر بالشغلات اللي تعلّمتا من أخوية ,, بفخر بكتيييير شغلات تعلّمتا من أخوية ,, بعتبر أخوية حياتي ,, اللي عشتا بكل فتراتا ,, بالحزن ,, و بحب أخوية لأنو فيه كل شي ,, وما فينك تتركو شو ما كانت توجّهاتك بتحب الشعر شي شهر زمان عالخواطر والخربشات ,, بتحب السياسة بوجهك عالمنبر ,, أحيانا في شغلات ما بتكون بتحبّا أو ما بتكون مهتم فيها ,, بس بعد المواضيع بتوعّيك عليها سأموت انا ,, وتبقى أخوية أذا أفتخر بأخوية |
| الساعة بإيدك هلق يا سيدي 22:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون