|
حــــــــــبّ الفصـــــــاعين P:
يحرق حريشي شو بيخطرلي شغلات .. :lol:
هلأ البني آدم .. لابد وأن يكون أزعرا ً إلى حد ما .. وأنو هيكـ متل مالي شايفكون .. شايف أنو كل شخص.. أو شخصة فيكن كان عندو .. ميول للجنس الآخر .. من وقت اللي كانت عصاية القشاطة (السلاتة ) أطول منو بشي شبرين . كنت أنزل عالمدرسة .. مسبسل شعراتي .. حاطط ع فولاري جوزة شكل كل يوم .. أنو نوع من الجغلنة .. وكنت علئ لعوبات ع شنتايتي ..شنو كانت موضة هدليكـ الايام .. محايتي هي الكبيرة ام العشرة .. وبرايتي حديد .. ومقلمتي أم الخمسو تلاتين ليرة .. يعني حابكها . هلأ كلو هاد كان مهيصة .. وزعرنة .. ومحاولات جزب .. :o وصايرة مع الكل .. اجا يوم وما حسيت غير الحب دق بابي .. و عرفت ميس بنت آنستي الرياضة . ميس يا شباب .. حبيتا كنت صف رابع .. (بعز زهوتي يعني ) اقعد عالمقعد والعالم عم تقراا درس القراءة .. و الخيالات عم تتنطط قدامي .. وعم اتناوق عليها بالمقعد اللي جنبي .. حاطة هالربانات الملونة .. وقاصصة شعرها كاريه :fnail:.. وعيونها عم يغزلوا غزل وهيي ترفع ايدها .. (انسة انسة ) :cry: كانت كلمة انسة .. متل قلم رصاص مبري تدخل على قلبي .. اخ شو كانت ضرب هالبنت .. اييييييييه .. ما علينا . اعترفتلها بحبي لما كنا بالفرصة ..العالم كلها بالباحة .. وأنا وياها مناوبين بالصف.. شنو أنا كنت عريف الصف .. وهي باعتبار بنت أنسة أنو مدعومة .. بدها تنزل عالفرصة بدها لأ .. كنت جايب معي كيسين بطاطا الأبطال .. ضيفتها واحد وأخدت أنا واحد .. هون حست لحالها بالحكي اللي بدي قولو .. وتوسطت بعدين عند الانسة منشان تقعد جنبي بالمقعد وتحججت بأنو رفيقتا لمى اللي جنبا عم تنقل منها . وكانت قصة حب عاصفة ... يا شباب .. كان لما يجي دورها بمسح اللوح أمسحو عنها... :lol:شهم كنت أنا .. لما ناوب أنا بالصف .. كنت قللها للانسة (أنسة أنسة ميس بدها تحل معي رياضيات خلي حمودة ينزل عالفرصة منشان نعرف نحل رياضيات) وكانت الأنسة الهبلة تسدق:p كانت لما تاخد تسعةونص من عشرة .. يطير برج مخي من راسي .. أأأأأأأأأأخ .. ولما تاكللها شي عصاية من الأنسة . كنت شاغب منشان أنا كمان أكل عصاية .. وما تحس حالها لحالها .. وكان في واحد كسلان أسمو محمود .. بيحباا .. هاد محمود كنت اكرهو كتير .. قام مرة .. دعسلي ع شنتايتي بالغلط .. قمت استغليت الفرصة وهجمت عليه وشديتلو شعرو .. وشكيتو للأنسة .. هو فهم أنو هي مسج مني (أنو باعد عنها) .. ما كزب خبر المسكين .. وصار يحب وحدة تانية .. اسمها دعاء .. انتهت القصة .. بعد خمس شهور لأنو ميس وامها انتقلو ع مدرسة تانية .. :( ايييييييييييييييييييييه .. يلا احكوولنا .. عن أول حب بحياتكون .. بس يكون من نفس القياس ها :oops: والله الحب شغلة .. يا عالم |
هههههههههههه يعدمني ياك الهي..
ضحكت لدخت على قصتك .:lol: اما عن قصتي: أنا كمان وأنا صف خامس كنت حب بنت اسمها روان والله هالروان كانت تحبني مصلحة شنو لأنو أنا أكتر واحد جيب مصروف ومصاري وهيك شغلات.المهم ما لكون بالطويل مرة من المرات كانو البنات عاملين جمعية ومصاري بياخدا كل واحد فينا اسبوعياً. والله وهالمصاري انسرقو من شنتة عمكون بشوق :cry:. قول أنا رحت لعند الماما وهي عوضتني عن هالسرقة الي اكتشفت عن طريق شريهان وهي عريفة الصف انو روان حبيبة القلب خططت مع نور للسطو على الشنتة الي فيها المصاري. بيوم من ايام الشتا كانت البلدية كالعادة حافرة حفرة ومخليتا مفتوحة وهالحفرة صايرة مسبح وكنا مروحين من هالمدرسة وقدام بيتنا تمام كانت هالحفرة. مزحنا أنا وروان و اشتد المزح عنفاً لحتى زتيت شنتتا بالمي قامت هي هجمت وشلفتني كلياتني بالمي والله وكيلكون طلعت متل الصوص المبلول وأكلنا قتلة من الوالدة. حكيت لامي القصة وامي حست انو تعلم على ابنا المدلل قامت استنت البنت تاني يوم الصبح حاكم كانت تجي يومياً على جارتنا تروح معا ع المدرسة ومسكتها امي و بلشت فيها بهدلة لحتى صارت تقلل ادب على امي قامت امي ناولتها الي في النصيب (كم بوكس وكم رفسة وكم شدة شعر دهبي مجدول :sosweet:) البنت ما عاد تطيقني يا جماعة وحاولت اتقرب وخلصت السنة وتفرقنا. ومؤخراً سمعت انو هالبنت صارت بأميركا وعندا ثروة كبيرة. ما بئول غير الله يسامحك يا أمي :cry: |
نهفات انتو والله :o
|
أنو إضرب أنا شو كنت جفصة .. :fthink: بس بجد ولاد الآنسات كان سوقهون ماشي .. و كل البنات تتمعشق فيهون .. / شو السر يا ترى / ؟؟ :? و بالمناسبة .. >> - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - من بعد إذنك شوش :oops: |
انا اشطر منكم ما كنت احب الفصعونات ما كانو يعجبوني :lol:
لما كنت بالخامس كنت احب مرة خالي كتير كانت عروس جديده:lol::lol::lol::lol::lol: بس حب من طرف واحد:cry: |
انو يا عالم في حد بحب بصف رابع يا ربي :lol:.. ليش انا بهداك العمر كنت هبله عالآخر :?
|
انا كنت ولازلت متوحشي :p
|
اقتباس:
|
اقتباس:
قلتلي خلينا واقعين؟ |
اقتباس:
ينعن ديبك وخالك اش كان عبساوي ؟ يازلمة شلون طلع من نفسك :lol: |
اقتباس:
أنا لأ كان الموضوع ألطف شوية .. :lol: اني واي .. ألله يحضيكـ فيها . :lol: |
اقتباس:
|
اقتباس:
قلتلك حب من طرف واحد:cry::cry: |
اييييييييييييه حب الطفوله ...
كنت صق سادس بالضيعه :oops: ... وكان معي واحد بيالصف اسمو رامي :oops: (هلا صار ملازم اول قد الدنيا :adal:)... اي كان كتير شاطر ... وبيرسم كتير حلو ... كان دايما يرسم ع مقعدو .. ويخطط كلمات ... واحيانا كان يرسملي ع مقعدي :oops:.... وينزل معي بالفرصه :oops:..بس الاحلى انو كان بيتي جنب بيتو .. وفي بين المدرسه والبيت مسافه شوي .. مشكلتها انها كلها طلوع (من المدرسه للبيت ...طلوع = من البيت للمدرسه نزول ... عرفتو كيف :p) انو كان دايما يا حرام يحملي شنتي من باب الصف لباب البيت وبتذكر كانت الشنته كتتتتتتتتتتير تقيله ..ويحمل شنتايتي وشنتايتو ..وانا امشي مع رفقاتي وهوي لاحقنا :oops:... قال وكنت لما اطلع عالسطوح فورا بس يشوفني يطلع ع سطوحهن :sosweet:..بس ما يحكيني شي ;)... وهلا بعد ما كبرنا صار بس يشوفني يقلي مرحبا وحاطط راسو بالارض :? كتير خجول كانو :p.... وبيضل لهلا كل ما يشوف خالتي يقلها شو اخبارا ريم :sosweet:...وبالمناسبه اسم اختو ريم كمان :hart:.... ما بعرف يمكن لهيك انا بحب اسم رامي كتتتتتتتير :cry: |
اقتباس:
عم قزل ليش مشي سوقي بالسادس .. ونسيت ميس . معلومة منيحة . :lol: |
اقتباس:
لما كنت صف أول .. كنت حب أنستي . .كان اسما مارلين .. متل فلقة القمر .. أأأأأأأأأأأأأأأأخ بيصدمكـ هالحكي لما لأ ؟ :lol: |
اقتباس:
|
اقتباس:
D: خاصة أنو .. كتير مكترة سمايليات .. من هالموديل :oops: مين قال .. أنو الحيا مو ز ينة للصبية ؟؟ :lol: |
| الساعة بإيدك هلق يا سيدي 09:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون