|
المعارضة تحيي ذكرى الوحدة في حلب اليوم
في هذا اليوم كانت قد قامت اول وحدة عربية في تاريخ العرب الحديث
واليوم قامت المعارضة بأحياء هذه الزكرى يتزعمها حزب الاتحاد الاشتراكي العربي الديمقراطي بتجمع ومسيرة سلميين بدأا من جامع جمال عبد الناصر في محلة الكلاسة وانتهت في ساحة جمال عبد الناصر مقابل البنك المركزي في حلب والغريب في الامر انا اين من جهات الامن لم يتعرض للتجمع البسيط الذي كان يقارب ال 100 شخص وقد كان الجمع يحمل اعلام سوريا والعراق ولافتات تحيي زكرى الوحدة وصورا للرئيس الراحل جمال عبد الناصر وقد جاء هذا الحشد بعد انقطاع لحزب الاتحاد الاشتراكي العربي الديمقراطي في سوريا بعد انقطاع جاوز السنتين تقريبا المصدر : عطر سوريا أحد الاعضاء المشاركين في هذا الحشد |
اقتباس:
وهاد التجمع فاد النظام .... مع احترامي للوحدة وذكرها .... ما شافت سوريا منها الا كل شر |
حبيبي كل انسان بيغلط وكان غلط عبد الناصر بالوحدة هو عدم وجود حرية احزاب في هداك الوقت
|
لا سمحلي ماكان هاد غلط عبد الناصر
عبد الناصر كان غلطو انو ما اخد سوريا كشريك اساسي اخدها ك اراضي كسبها وصار بدو يوفر لشعبو الخبز منها هي حقيقة تاريخية معروفة هاد غير باقي الاشياء مايسترو |
ذكرى الاحتلال المصري
|
اقتباس:
الاسدي ايمتى رح ينتهي على الاقل كان الاحتلال المصري اول وحدة في تاريخ العرب مو احتلال وسرقة موارد وعلى فكرة اغلب اغنياء سوريا هم من عائلة الاسد :jakoush::jakoush: ملاحظة اشرافية تم تعديل الرد لمساسه شخص عضو آخر |
اقتباس:
|
شو هالذكرى الخرائية اللي عم يتحفلو فيـّـا و أينو معارضة عم تحتفل بهيك ذكرى ؟!
|
اقتباس:
|
اقتباس:
أي أحسن .. مزبوط يا سيدي هون معك حق, بتعرف ليش؟ رغم كل كل كل شيء, و رغم رأيي بانو الوحدة كانت خراب بيتنا رسمي... لكن قرار الوحدة أتخذو آخر رئيس منتخب من قبل الشعب بشكل دستوري و هو فخامة الرئيس شكري بيك القوتلي أنصف التاريخ عظمته... لهالسبب احسن, فقط. وشغلة تانية... خير انشالله أخي اللي مو معك نازل فيه رقع؟ عمي قول رأيك بكل حرية و احترام و ما لك علاقة بالاعضاء... مافي داعي لألفاظ و مصطلحات ضد الاعضاء |
اقتباس:
المهم انها كانت بقرار شعبي ليس من احتلال سلطوي عليها :D:D ومشكور على مرورك الحلو يا غالي منور حبيبي |
يعني على حسب علمي عندما تذمرى السوريين من الوحدة مع مصر أخذو كل الضباط والأداريين المصريين و وضعوهم بالطائرات و البواخر و أعادوهم الى مصر و أنتهت الوحدة بغض النظر عن الأيجابيات أو السلبيات
لم تسفك الدماء و لم تهدم البيوت على ساكنيها و ياليتنا نتعلم من الماضي بحيث نكون عقلانيين لا عاطفيين أخوكم حلبي |
اقتباس:
يعني عيب على أي واحد بعتبر حالو معارضة و بتهمو مصلحة البلد يحتفل بهيك ذكرى ..!! |
أحسن شغلة عملها جمال عبد الناصر أني أمم
هالتأميم رجعنا 7000 سنة لورا وكل الصناعين هربت إما على المغرب أو على لبنان ولسا بتقلي معارضة مشيت ومية شخص فيها خلينا نفوق بقا |
اقتباس:
لاتفيق وتقول انك ضد شغلة صارت من 50 سنة فيق وئول انك ضد شي عم يصير وبدو يصير |
اقتباس:
عمي... الناصرية خربت بيتنا كسوريين. اجراءات الناصرية و النسخ الممسوخة عنا (أسوء شي بعبد الناصر- اللي بحترمو كشخص لكن ليس كسياسي- انو طلعلو شي 22 مقلّد... ) بقلك ليش خربت بيتنا؟ لأنو التأميم الغير مدروس هاد اللي كان شبة حق يراد به باطل دمر الطبقة الوسطى بسوريا اللي كانت الطبقة المتعلمة و المثقفة بالبلد... التأميم اللي صار (ما عدا تأميم قناة السويس.. هاد كان سياسي) كان بهدف الافقار و فقط الافقار... و ما فيك بدون ما تشرحلي تنزل رقع باللي حاكمين هلأ لأنو قوانينهون الاقتصادية كانت بحرفيتها قوانين عبد الناصر, و ما عدلوها غير آخر كم سنة لما رادو يعملو اقتصاد السوق الاجتماعي (كمان شبه كلمة حق يراد بها باطل) أما حسن عبد العظيم و صحابو.... فالمي تكذّب الغطاس, و التاريخ يضع كل واحد في محلة... و بتمنى الحكي اللي عم ينحكى هلأ بكتير أوساط ما يكون حقيقي.. اللي عم يعملو هلأ بيذكرني بظهور القوميين السوريين بنهاية التسعينات... و بتوقع جدا لو الحكي صحيح يكون حسن عبد العظيم بمجلس الشعب الدورة الجاية, أو حتى بالجبهة... و ليش لأ... وزير بدون حقيبة |
شكرا حكومة على الاستجابة السريعة
انا ما عندي شي ضد عطر سورية , ولا حكيت ضده , كل واحد عندو حرية رأي وهوي اذا بيكره الرئيس فهي الشغلة بتعود الو مافي داعي يهاجمني |
اقتباس:
أوكي خلص انحكى بالموضوع و بتوقع عطر سوريا تفهّم هالمسألة... مافي داعي لتخصيص الحكي, عم نناقش أفكار و في حرية مطلقة بسرد الافكار بشرط عدم التعرّض لشخص الافراد و عدم مخالفة قوانين أخوية |
| الساعة بإيدك هلق يا سيدي 09:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون