|
تسقط كل مشاريع التخاذل ...ولتحيا فلسطين
مابعرف ليش هلق بهاللحظة تحدديا اتذكرت فلسطين
هالجرح الي ماتسكر بس زاحوا من الشاشة وحط بالظل مابخفيكن ان انا حاسس ان زمن الشعارات ولا ..بس ياترى بس الشعارات ماتت حاسس كتير شغلات ماعادت موجودة لك مبادئنا قيمنا كل شي حلو سموه شعارات وكبو بالمزبلة لك الي كان حاملين القضية امبارح صار عم يبوس الصرامي وبنفس الوقت اتحولت بندقيتهم لاخواتهم احزاب اليسار صارت انتهازية والعرب الي قاطعوا السادات امبارح اليوم عم يتملقوا الصغير والكبير مشان علاقاتهم مع اسرائيل ياتري راح نرجع نسمع بالاخبار كلمة فلسطين المحتلة والكيان الصهيوني وياتري ليش مافينا نشوف بفلسطين الي صار بالجنوب اللبناني ... لك الشعب الفلسطيني قدم تضحيات وكان الو شهداء فشو المشكلة ؟ كتر خير الله ان لسا فيه سوريا ولسا فيه ايران وحزب الله ,عم يذكرونا ان القضية لساتها موجودة وان القصة مو بس شعارات وتظل القدس قبلة لكل الاحرار والثوار ... ذات يوم سوف تكنس المدينة كل المغين والطبالين وسترجع ريتا الي بيتها |
كل الاحترام الك " اممي " على هيك موضوع ..
بس للاسف .. شو بدو يعمل الواحد .. كل العرب نايمين .. وما في ولا دولة بتستجري ترفع راسها وتقول " لا " .. بوجود حكام بخافوا على كراسيهم .. |
اقتباس:
انا ماعم اسال عن الحكام رفيقي انا عم اسال عن الشعب لك ماعدت بتسمع حدا جاب سيرة القضية لك اذا حكيت عنها بينطل واحد بيقلك هاي الق  ناة الاولي ولا تانية ؟او غيرلي هالموجةصارت حبر علي ورق ...و المشكلة هالحبر كان بطعم الدم والورق كان بلون التراب |
يا سيدي انا كمان من الناس اللي لساتهن لهلأ عم يبكوا انو وين ايام النضال الثوري اللي كان يلفت نظر العالم كله للحركة الفلسطينية الثورية هلأ كلشي عم يلتفت العالم لفلسطين مشانه هو الحرب الأهلية ...
يا حسرة فلسطين ... ما بتوقع ضاعت انا مؤمن بعدالة الطبيعة انو كل حق رح يرجع لصحابه ..اكيد طالما في كيان صهيوني رح يضل في ناس تناضل ضد هالكيان او على الأقل رح يضل في ناس مؤمنه انو هيدا وضع ما رح بيدوم وطالما هيك القصة اكيد في ناس رح ترجع القضية بس مشان نضل نتذكر انو هيدي قضية لازم يضل ينحكى عنها وينشغل مشانها لإنو بتعرف انو الخطاب غير المقرون بممارسة سلبي اكتر ما هوا يجابي ومشان هيدي الناس اللي عم تذكرك بفلسطين مرة كنا ناويين نعمل انا وصحابي اعتصام مشان فلسطين اول ايام الحرب الأهلية قاموا بهدلونا بأحد فروع الأمن تبعهن يا صاح هيدا اللي بسميه خطاب بدون ممارسة تحياتي الحارة ظل جيفارا |
نعم تسقط كل مشاريع التخاذل ويسقط المتخاذلين وأكيد النهاية قربت وما تخافو فلسطين والأمة أقوى من كل الحاقدين
|
اي قضية واي عدالة واي فلسطين؟؟؟
بيشعرني بعمق المأساة كل شي عم يصير... هاد خدلك مثال بسيط...من يومين كنت ماشي بالجامعة والحطة الفلسطينية على كتافي كالعادة...وكل ما يمر من جنبي حدا بيقلي على راسي الفلسطينية بمسخرة ونظرة شزرى...ومريت من جنب جروب شباب والا بقولولي طب روحي حاربي بركي رجعتيها وخلصتونا....كتير لحظتها تدايقت بس مو علي ولا على فلسطين ...بس كنت متدايقة لانو في ناس ما عاد يهمها غير حالها..لانو بعدنا مو عايشين كاخوان!!!لانو هدول الشباب كانوا فاتحين اغاني باعلى صوت ومبسوطين على حالهم وبيقولولي روحي حاربي...لك مالن قضية المشكلة ومانن عارفين انو متى صار عنا قضية ساعتا في روح لتدب بالجسد...ممكن مو هالفايدة بس كتير ارحم ما نكون صفر عالشمال... اممي القضية رح تضل عايشة وفلسطين برغم الموت يللي بتعيشو عم تنخلقلها روح جديدة... شكرا عالموضوع اممي ومية وردة الك |
صديقي
وداعا لا اكتر ولا اقل وفهمكن كفاية انا من ناحيتي فاقد الامل يعني صحي حزب الله عمل شي كتير حلو بس.... المكتوب مبين من عنوانو وشكرا لاستضافتكون النا اليوم مايسترو |
تحيا فلسطين أبية عربية
|
لانو اسرائيل لعبتها صح حب كرمال هيك ما عاد في ناس تحكي بقضية الشعب العربي الاولى
تحياتي لالك ع الموضوع الرائع |
اقتباس:
ثم ليش هالتشائم رفيقي القصة قصة ان شعبنا فقد الايمان بقدرت مو بس علي تحرير هالارض بل بكلشي الو معنا وقيمة نحنا اليوم فوضويين حتي بمشاعرنا بهواياتنا واعمالنا القضية قضية ايمان بشي يعني متل ما صار بالجنوب نازم يصير بقلب كل الانسان بيتهموا قضية انسانية بعمق الجرح الفلسطيني اقتباس:
اعتقد غياب الفكر او اي دافع عند الشباب العربي هوه الي وصلنا لهالشي اعتقد الشباب بايران ماعندن هالتردد والتشائم الي عند شبابنا ,والشباب السوري اليوم عند ارتباط بهالقضايا اكتر من اي شباب عربي اخر يمكن لان سياسات بلدنا لساتها قومية ويمكن الايرانين عند هالارتباط من مبدا ديني بس ياترة الشباب بالخليج ماعندن دين يعني او الرفاق الي بالاردن مو سالانين عند الضفة الي هيه جزء من ارضن شبابنا مانسي الجولان ويوم راح ترجع لان هالارض لساتها بذاكرتنا بس ياتري شو مشان الضفة الغربية والقدس كان انسوا انن هدول اراضي عربية محتلة عند ابناء شعبها؟ وبترجع بتقلي اسرائيل ... |
رفيقي بيني وبينك كتبت سطر برواية قلت فيه
انو نحنا تربينا على الخوف من كل شي حتى فقدنا الثقة بالوطن وبنفسنا و حتى بالله كيف بدك يانا نعمل شي وتحت اي منطلق بدك تقنع الشباب انو يحطوا فلسطين ببالون؟ انو على عيني وراسي فلسطين وانا واحد من الناس اللي معلق العلم الفلسطيني و الكوفية عندي بالغرفة ومع هي القضية للموت بس...... فهمك كفاية رفيق اممي واخوية منورة فيك وشكرا.. مايسترو |
| الساعة بإيدك هلق يا سيدي 14:13 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون