|
حدد موقفك...مع أو ضد؟؟؟؟
انتا مع هالقمة العربية اللي رح تصير عنا...._هون بالشام_؟؟؟؟
طيب ياترى برأيك شو رح يطلع مع كبارية الوطن العربي يا بهالقمة؟؟؟؟ يا ترى مين رح يغيب عن هالجمعة الحلوة ....شو رأيكن ......معئول تنحل قضايانا بهالتلات ايام ...؟؟؟؟؟....قضايانا اللي الها 60 سنة ما انحلت؟؟؟؟ شو رأيكن انتو؟؟؟؟؟؟؟؟؟؟؟؟؟هاتو لشووووووووووووووووووووووو ف |
والله انا شايفة هالقمم يلي عم تصير صايرة متل المهرجانات السنوية يلي بتتسلى الناس فيها
يعني تقليد لابد منه كل سنة منو ليسلو الناس ومنو زيادة مصاريف وطق صور انا برايي مارح يطلع معون شي على الاطلاق الا زيادة قسمة وتفرق اي هني بقمة بيروت وكانو على وفاق الله يرضى عليون وما طلع معون شي فكيف هلا الدم واصل بينون للركب انا اعتقد جازمة انو السعودية ومصر مارح تحضر القمة الباقي مو كتير بياثر باستثناء القذافي بعتبر حضورو الو وقع منيح بس بقضية اغتيال مغنية بدي قول نقطة اذا ثبت تورط اجهزة عربية فيها بالدليل القاطع فممكن بطريقة او باخرى يتم الضغط باتجاه حضور الدول يلي متورطة للقمة باطار صفقة مع اني مابرجح كتير هالفرضية بس هيي موجودة اما انو شو رح يطلع منون اممممممممممممممم رح يصافحو بعض وممكن يلعنو شوارب بعض يفتلو شوي بالشام القديمة ياكلو بوظة من بكداش وكل واحد يضب غراضو ويتكل:pos: |
ما في فرق بين هالقمة .....و القمم السابقة
بس اللافت ( و المقرف ) بهالقمة .... هو محاولة بعض القادة العرب ابتزاز سوريا و طلبهون أثمان ليقبلوا يحضروا هالقمة ...........مع أنو حضورهون و عدمو نفس الشي |
والله أنا بقول إذا فادتنا شي هالقمة هو أنو حسنو الطرقات شوي وعملولهون شوية شغلات منيحة لتحسين وضع البلد وهادا بيكفي
|
اقتباس:
بهي معك حق اخيرا لقينا حسنة:clap: |
أنا متفائل بأننا سوفا نسمع نكت جديدة من طراز المضحك المبكي
|
أنا مع هالقمة جدا جدا.... بدهون يصلحو مطار الشام و يوسعو اتوستراد المطار و يصلحوه مشانها :lol:
|
وفي شغلة منيحة كمان أنو مدينة دبي الإعلامية قدمت عرض للتلفزيون السوري ومنحة مابعرف كم مليون دولار وعمل دورات مجانية للكوادر ومديري غرف الأخبار ومراسلين لتحسين أدائهم ورفع كفاءتهم في نقل الأخبار ووقائع القمة
بس جماعة الإذاعة والتلفزيون اشتغلت بيناتهون القتلة مين بدو يروح ومين بدو يضل وبالنتيجة يمكن ما حدا راح أو اللي راح هو صاحب النصيب وبتصور بيعملو عطلة شي أسبوع زمان للجامعات ودوائر الدولة الرسمية والمدارس منشان سير أعمال القمة وبيقطعو الشوارع خاصة اتستراد المزة طول الأسبوع كرمال المواكب الملكية والأميرية والرئاسية ووووووووو عداكم عن العجقة يلي بالبلد أساساً أهم شغلة على الإطلاق أنو رح نشوف موديلات سيارات جديدة وشبحات ونملات وغواصات جديد لأصحاب النيافة والفخامة والسمو والماعععععع |
قمة متلا متل غيرا.
مسخرة منظمة لا أكتر ولا أقل. مناسبة للحكي والحكي ببلاش. بس أنا كوني صرت اتنبأ فعم اتنبئ بشوية أكشن بهالقمة لو حضرت السعودية وازا ضلت لبنان بدون رئيس ومين رح يمثل هالبلد ؟:shock:. الصراحة أكيد الحلو والمميز بهالقمة انها بسوريا فهي فرصة متل ما تفضلو الشباب لترقيع فضايحنا قدام القادة مع انو عم اتنبئ بأزمة مرورية لم يشهد لها التاريخ مثيل. بالنهاية لما اتطلع بالقادة العرب بضحك وبقول سبحان مين نقا هالطقم شو مزوء لأنو في تناسق بشكل مو طبيعي لدرجة بتثير الضحك. |
:aah:
:metal: :eat: :sleeping: :hashish: :zen: :willi: :krimbow: :dabeek: :na3san: :cs: اكتر من هيك مارح نشوف بالقمة  |
اعترض اشجب استنكر .. :clap:
ما بظن رح يصير اكتر من هيك :pos: |
اقتباس:
hik yle ra7 y7sl blzbt ;) اقتباس:
:pos: |
يعني شو رح يكون رايي بالله
كالعادة اكل وشرب واحتفالات واجتماعات وبالاخر بيان ختامي ;) |
والله انا كنت ضد هالقمة :pos:
بس بصراحة بعد ما قرأت ردود عمر الحسيني وياسين غيرت رأيي مليون بالمية ..:lol: انا ساكن بمنطقة جنب الصالة الرياضية بطرطوس حلو الحكي من فترة كان في بالصالة البطولة العربية الأفريقية لكرة الطائرة من الجلوس لهون الحكي عادي شي ست دول من اسيا العربية ومن شمال افريقيا مشاركة بالبطولة " العدد مو زيادة " بس كانت السيدة الأولى جاية تفتح البطولة سعدو لا يفرجيكن كيف صارت حارتنا جنة ركبولنا دوار بيومين بس زرعوا الأرض وزعوا سيارة ع كل ساكن مشان تبين مظاهر رفاهية على المنطقة :lol: وهيك رح يصير بطريق المطار .. تحياتي الحارة ظل جيفارا |
ستكون قمة استثنائيه كثيراً جداً جداً جداً جداً كومايات
والسبب هو أن أبو عكال وكفيه الأمريكي المتسعدن لن يحضر القمة وكذلك حال الــ نص نص بتاع مصر وحال بقية القطيع الذي تقوده أمريكا وهذا ما يميز القمه ويجعلها إستثنائية . أما بالنسبة لنتائجها فهي معروفة مسبقاً كالعادة تحمل تعابير الشجب والندب والعويل والإدانه والاستنكار والاستضراط . وكما يقول المثل : تيتي تيتي متل ما رحتي جيتي وياريتك عملتي كعكع وما حكيتي . As you went, so you came back |
امممم
حكي ماد ماكس مزبوط وانا معو بالنسبة الي بيهمني سوريا وبس الوطن العربي اللي هو مو وطني مالي علاقة فيه اذا صار انا معو من مبدا انو منكون يفترض افضل اكتر من هيك لا وفخار يكسر بعضو مايسترو |
أنا مع القمة بكل الأحوال رغم انو نتائجها معروفة ، وسمعت كمان من فترة في شخصيتين سياسيتين عم يناقشوا بالنتائج الختامية للقمة :shock: ، بس كمان انا ضد انو في بعض القادة مابدن يحضروا بحجة رئيس لبناني او ما شابه رغم انو حضورهم لا بيقدم ولا بيأخر :shock: ، وبتوقع كمان انو إذا القمة رح تكون شبه فاضية ، فصاحبنا الليبي رح ياخدراحتو كتير بالحكي :o ، كتير كتير :shock:
|
ممممممممممممممم:shock:ما حدا متفاءل بشي ؟؟؟؟؟؟؟
بتعرفوا ؟؟؟؟معكن حق .....يمكن .....ما بعرف......المهم :غيرو؟؟؟؟؟ |
| الساعة بإيدك هلق يا سيدي 00:10 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون