|
عندما تحب الفتاة،،هل يعتبر خيانة لأهلها
الســـــلام عليكم ورحمة الله وبركاته
اخواني وأخواتي .. عندمـــا يـ ح ـب الشاب ويصرح بذلك الحب لأهله او أصدقائه فلا أحد يستطيع ان يعيبه او يقول له خطأ .. وبالمقابل .. عندما تحب الفتاه لا تسطيع الافصااح عن حبها الا لفتاة مثلها اذا كانت لديها الـ ج ـرأه للإفصاح عن ذلك الـ ح ـب ..! سؤالي لن يكون اعتيادي ولماذا التفرقه في مجتماعتنا ... ولكن ... مايدور بـ خ ـاطري../.. هل يعتبر الـ ح ـب للبنت جريمه بحق الاهل او نوع من الـ خ ـيانه ..؟ وهل الـ ح ـب الشريف في مجتمعنا العربي عيب ..؟ انتظر ردودكم واذا كنت تعتبر حب الفتاه خيانه لأهلها ارجو توضيح وجهة نـظـرك تـ ح ـيآتي لكــم نور قلبي:sosweet: |
هي خيانة الي شلون ماحبتني انا مثلا
عم بمزح لاتاخدي على كلامي يعتبر خيانة اذا تمادت في حبها ولم تعرف كيف تحافظ على نفسها اما اذا كان حب مبني على العقل والتعقل شو عليه :sosweet: |
مشااااااااااان الله ماحدا يفتح هالسيرة لانها بتنرفزني...........
يعني اش معنا الشب بحب وبعيش حياتو والبنت ازابتفكر مجرد تفكير؟؟؟؟؟؟؟؟فيا ويلها ياويل اهلها:x |
اقتباس:
عم بمزح لاتعصبي |
اقتباس:
لالا عصبت امسكوني امسكوني:x:frown::frown::frown::frown::frown : |
اقتباس:
شب ولا بنت مو فرق اي انسان اذا كان عم يعمل شي ومابيقدر يواجه الناس كل الناس فيه هو خاين لنفسه اولا والحوار هو الوسيله الارقى للتفاهم بمعنى لما حضرتك راح تستطلفي شب بعقلك اولا وتكوني انت مقتنعه اولا وعندك القدره انو تاخدي قرار وتتحملي نتائج قرارك ثانيا وشرط اساسي كتير كتير يكون هالشب معك قلبا وقالبا راح بتقدري ع ط ت تخبري وتواجي الكل بما فيهون الختيار الكبير مو بالسهوله يلي عم بكتبا بس تاكدي انو اطيب الثمار تلك الاصعب منال مع خالص حبي:D |
اقتباس:
بعرف والله بس برضو حضل معصبة من هالموضوع لمابنفتح بتنرفز:x بس هو اناطبعا مو مع العلاقات هاي الي خبط لزق بحبو اهلي مابدهم اياه وهالمسخرة..... انابقصد العلاقة الجدية الي مافيها اي تجاوز للحدود بتجي الناس تحكي معك بالاخلاق والعيب كانك عامل مصيبة وبكبرو الموضوع اكتر من اللازم طبعا هم معهم حق يخافو يعني اهل وهاد شي طبيعي بس لما تكون ردة الفعل مبالغة هون بكون الاختلاف طبعا وجهة نظر بس:oops: |
هذا انا ورضيان بحالي وبجنن ويلي مو عاجبو يشرب البحر وبعرف الصح من الغلط وعقلي بيوزن بلد ومتل ماقلت الحوار العقلاني ثم الحوار هاد يلي راح يبعدنا عن التخلف والتعصب
مع خالص حبي |
اكيد مش خيانة
شو الله خلق الحب فينا للشاب يحب بس يعني البنت حقها متل حق الشب تحب و تعيش قصص ليش لا ع اساس اهالينا ما عاشو هيك يعني ليمنعونا هلأ بس اكيد كلشي بحدود المعقول يعني مو ترمي حالها ع الشب هيك ما بتكون عم بتخون اهلها هيك بتكون عم بتخون حالها و شرفها كمان يسلموو :D |
| الساعة بإيدك هلق يا سيدي 05:10 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون