|
فشة خلق مو اكتر.....
قاعد عم فكر باخوية شو عم يصير فيها قامت طلعت ع بالي هيك مجموعة افكار مخربطة رح اكتبلكن ياها حرفيا متل ما خطرت ببالي: انا شايف الناس باخوية على الشكل التالي ناس ما في احلى من لمساتها السحرية بتلاقي ناس همها الوحيد تتسلى و ناس همها تفوت تحمل شي شغلة (اذا ما عندها مشكلة بالمرفقات طبعا)و تضل طالعة و السلام و ناس همها تتفلسف و تصرع ربك بالحكي و ناس همها تستفيد و تفيد اذا كان بالاراء او بالفعل وناس همها انو تنكوش وتحرقص العالم و تهرب وتعمل مشاكل و ناس خيو ماسكة كل شي من قفاه ان كان الدين ولا السياسة ولا غيرو و غيراتو و مبلشة عم تخبط يمين و شمال و مو عارفة الله وين حاطتها و ناس بتكره حالك وقت بتشوف انو رد على موضوع لانو شاطر بس بالفلسفة و طرح النظريات و الشعارات و الحكي اللي بطعمة وبلا طعمة و غيفارا و الشيوعية و هالمنجل الاحمر و العمال و الثورة وبيقلك انو نحنا و نحنا ونحنا و الحرية و الديمقراطية و والكرامة ربحت عالحجيش والاتحاد ربح عالحرية وليييي لا هيك طلعنا عن الموضوع منرجهع منرجع اي حاجة يوووووو تخنت بعرضي طلعت روحي من المجاملات و طق الحنك عالفاضي والمليان عاملين شلل و احزاب هون المحاربين القدامى و السياسيين و المنتمنطقين و الادباء ما شالله و اللي همو المسابقات و بس يجامل هاد و يغازل هي و اللي ما بعرف شو اي صحي لسى في شغلة حسيتها اول ما سجلت باخوية انو لازم الواحد يحترم القدماء و بالصرماية و اغلب الاحيان اذا مو دائما بيخجل الزلمي من حالو و بيسكت غصب عنو وقت بيشوف حالو جديد بالمنتدى و و بيغلط بشغلة صغيرة و بيلاقي الكل بلشو مسخرة عليه و باجماع او وقت شي حدا قديم هون بيعلق مع شي حدا جديد بشي موضوع بتلاقي التحيز واضح لربو لسعدو هي فشة خلق بس يعني اسف بس انو هيك شوية ملاحظات و شوية شغلات عم تزعجني دائما باخوية بس بتعرف شغلة هاني: لما كتبت بالاحصائية انو انا نشاطي بالمسابقات كبير بشرفي استغربت من حالي يعني اول ما دخلت اي بس بعدين نسيت انو في هيك قسم يا رجل سيدي مو مشكلة على قولة مدري مين انتو الحكومة و هو احنا حنعرف اكتر من الحكومة تركني يا خيي تركني :hashish: |
الله يستر انا من اي ناس؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟:cry:
اناوحدة منهم شي وسييييييييييييييييييييم؟:c ry: |
اقتباس:
و ملحد بقا يمكن مالو رب |
و ناس خيو ماسكة كل شي من قفاه ان كان الدين ولا السياسة ولا غيرو و غيراتو و مبلشة عم تخبط يمين و شمال و مو عارفة الله وين حاطتها هدول :x لازمهم تقصف رقبتهم هدول صدقت اخي وسيم:p :deal: |
اقتباس:
اقتباس:
شمست سعدو يا زلمي :pos::pos: اي بسيطة حتى سعدو بيغلط :p |
هيدي انا :lol:
اقتباس:
|
اقتباس:
و فوق كل هادا طلعت ريحة الزعتر :o:o |
والله يا حج وسيم الاخوية بدا تعزيل منيح
اني ارى اعضاء قد اينعت رؤوسها وحان قطافها صح ؟ |
السلام عليك يا اخي الكريم
هل لك ان تفسر ما تقوله "اينعت رؤوسها" و جزاك سعدو كل خير --------------------------------- المرسل :: أبو وليام الاصدار الديني 3,5,8 |
ليش يا ترى حاسه انو إنجابت سيرتي بالخير :lol:
ولو بالعاطل مو مشكله .. كل شي من وسيم مقبول :D |
اقتباس:
اينعت اي طلعلها صوت و صارت تحكي و مشكور عالاتصال:p |
اقتباس:
اقتباس:
شوفي كيف سحرتي الموضوع هون  |
اقتباس:
|
لاء و الاحلى هالعالم اللي بتحش حالها بكل كبيرة وصغيرة و بتعمل حالها فهمانة بكل شي :lol:
|
اقتباس:
اينعت وبس؟؟ لك اينعت و استوت و طقت كمان و لازمها قطف مدري نسف ربك اعلم |
اقتباس:
للاسف طلعتي براءة :pos: اقتباس:
|
اقتباس:
|
اااااااااخ اخ و في شغلة كمان حارقة قلبي يا جماعة
انو مثلا واحدنا بيشوف بس اخطاء غيرو و ما بيرضى انو حدا يقلو خيو انت غلطت هون بيفكر حالو ايما هو الصح و ما حدا بيتقبل النقد من الاخرين :krimbow::krimbow: |
| الساعة بإيدك هلق يا سيدي 11:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
