|
بحبكن ...
اي ليش لا ؟
يعني عنجد كل هالناس الي موجودين معنا بالاخوية باختلاف ثقافاتهن وانتماءاتهم الي طازة والحركين لحد الزعما والمشرفين كلمة بسيطة كتير بس دائما تفلت من قاموسنا ,مرات خجل ومرات خوف من ان بتنفهم بشكل غلط بحبكن,بحبك وبحبك متخيلين لو كل يوم الصبح عالريق محل مابنقول مع السلامة او باي بنقولها عالماشي يعني ملاحظين كل يوم كم مرة بنسب وكم مرة بنكفر وكم مرة بنعلك بس هالكلمة بتظل مابتطلع طلعوها متلي,عنجد بترتاحوا لاتنطروا حدا ,هالحدا يمكن بيطول ليجي او يمكن بنوب ماراح يجي اذا ماحسيتوها لكل رفيق ولكل الرفيقة باخر كل ايميل كل مسج اكتبوها وراح تشوفو ما احلاها وانت عم ترجع تقروها الله ماحوت الجبال ولا السهول ولا حتي كل الكتب الي بتنسب لالو قدرت تعطي ماهيتو وهل كلمة اختصرت ب 4 احرف ,سر الاعظم وبيت الي بينحج اليه واسم الي بيستحق ان يتقدس بحبكم اممي :D |
شو هالموضوع المعبر
خاص انا رح حط الكلمة بالتوقيع تبعكون كرمالك احلى اممي اثرت فيي بجد |
يعني انت برئيك كلمة بحبك بتنقال لأي حد!!!
بتعرف ايممي لانه كلمة بحبك بطل فيها مصداقيه صارت كلمة عاديه كتير ما عم نحس فيها وقت تنقال صارت متل مرحبا اقتباس:
|
اقتباس:
يسلموا علي احساسك الرائع , بس يمكن هالموضوع طلع من كل قلبي لكل انسان موجود معنا او مو معنا بريئ كان ام مجرم عم يانبو ضمير ..بكل واحد منا في شي من روح الله ,ناس عندن منو قطعة ثياب والبعض عندن من نظرة فيها ابتسامة لصغير وناس عندن وردة حمرة من الحبيب مخباية تحت مخدة خايفة وناس اتجلو الله فيهن لنصهروا فيه وصاروا رماد ليزهر للانا ولولادنا احلام يعيش اجيال كاملة عليها... بحبك كل تجليات الله لتحتي اني هلق حابب هالحجرة الي قدامي لان يوم من الايام لابد ان انعكس عليها نبضة بتخفق لحدا اممي:D |
اقتباس:
هي بحبكم يلي عم تحكي عنها هي كلمة من اللسان اممي قصدو على احبكم القلبية يعني يلي طالعة من القلب فعلا هي دوا وبتشفى كل ما في الروح من الالام الناتجة عن الحقد والكره:D |
اقتباس:
اذا هيه هيك بقلبك ,فياريت فيني وصلك شي من الي حاس هلق ماذنب هالكلمة اذا الناس مع عاد عرف يطلعوها صح او حتي مرات تاجروا فيها بس حتي هدول الي بيجرح فيها لابد ان في شي بشي مكان فيهم لسات بيدق وخرج يوم من الايام ان نقول لالو بحبك بحبك اممي:D |
اقتباس:
|
أنا كمان بحبكووون كلكون بحب أخوية صارت جزء من حياتي من زكرياتي كلمة بحبكون قليلة حتى الي اختلفت معهون بحبون أكتر لأنو بلاهون ما بعرف أخطائي ولا بطور أساليبي ولا بيكون لحياتي شكل ولون وطعم بحبك اممي بحب مواضيعك بس الحزن عم ياكلني ويقتلني الله يصبرنا :cry: |
شكراً أممي :D
مع إني ما بعرفك اقتباس:
بتجي كمان من المحبة اللي بتربط الناس مع بعضها :hart:وبظن هاد اللي قصدو أممي |
اقتباس:
بالظبط ...كل المحبة باي شكل ولاي شي كلشي عكس هالكره وهالشر وهالحقد الي مالو معني لو فكرنا فيه بلا حروب وبلا اطماع وبلا ماحدا بياخد حق التاني ...بحبك عالبساطتها بتربطنا فليش لنخبيها او نتظر عليها ...اطلقوها بهالسما خليها ترفرف لتكسر هالحيط الي بيفصلنا عن الله الحب هو اصدق صلاة اممي :D |
عل هيك معناها حتى انا بحبكم
وهادا الحب اقوى من اي حب تاني على الاقل عم احكيها و حاسه فيها ما عم نافق و لا عم خادع بكلمة بحبكم:D |
موضوع حلو كتير ..
كلمات الحب ما بقدر قولها لـ أي حدا .. ما بقدر لشخص ما بيطيقني قول "حبيب" أو ما بقدر أعممها أنو "بحبكم" .. كلمة "حب" كلمة مقدسة .. ما بتنقال غير للحبيب الحقيقي + للرفقة العزيزين كتير + للعيلة لـ يللي بيحب عيلتو .. ما بعتقد الواحد قلبو يدق بقوه عند كل إنسان فرحان وحزنان .. رح يدق عند الغاليين بأفرحهون وأحزانهون .. :D |
:lol: بحبكن ..
واللي ما بحبن .. عالأقل عم حاول حبن ... :oops: انا كتير بقول بحبكن ... ولكتير كتير اشخاص من اخوية ... :mimo: اللي ما قلتلو يعرف حالو :flala: معناتا ما بحبو |
أنا من أي صنف برأيك بترفلاي؟ :oops: |
اقتباس:
وانا بحبكن كتييير..... |
اقتباس:
رغم ان انا مابعرفك كتير ولا انك من عيلتي يارامي بس بحبك وعرف ان في كتار بهالمنتدي بيحبوك ويمكن ان فلبك ماعم يدق للكل لانك بتشوف العالم من الجهة الي انت بتتعامل معن فيها يعني بتخب الي بيحبك ويمكن بتبغض الي بيبادلك هالشعور انا بحاول ان اقتل كره الي قدامي بحبي لالو ...قالاقل انا لو شفت هالزلمة الي مابطيق لما كان صغير فكنت راح الغب بشعرات واضحكل كلنا بيوم كنا اطفال وكلنا في شي من هالطفولة لسا فينا :D |
اقتباس:
:cry::cry: |
اقتباس:
بس رح قول شغلة .. أنو أنا بعامل الكل بحب .. بس ما بقدر قول بحبك لأي شخص كان .. :D |
| الساعة بإيدك هلق يا سيدي 22:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون