|
تقليد اعمى
كلاكيت
المشهد الاول ليلي نهاري ديكور بيت مبهدل اضاءة جاهزة 5 4 3 2 اكشن بنفوت على الغرفة بنلاقي صور تشي معبية الغرفة والكوفية واغاني الشيخ امام ومارسيل خليفة وعبارات مكتوبة على الحيطان بيفوت الشب وهو هوي عم يلعن حالة البلد وبدي اعمل وبدي ساوي واسمعلي هالقصيدة وسمعني شو بدي قول قدام الدنيي كلا ما شاء الله الزلمة مبين عليه شغلة بس تعوا لقلكون وخلونا نشوف وشوف شوف شوف يا حبيبي شوف الرف مليان كتب عن الشيوعية والراسمالية والتحرر وحقوق الانسان اذا سالنه فيها بيطلع الاخ ما بيعرف شي طب لشو حاططون ؟. ما بعرف طيب شو بتعرف يا صديقي عن الحالة هون؟ يبدا الحكي عن الدورية والشعب والجبهة واللمابعرف شو وبتحس حالك قدام ثائر خطير للغاية طب عمي المثقف حطلي خطة انو شو فيك تعمل ولا شي بس شاطر جعجع انتهى المشهد المشهد الثاني المكان : اخوية بفوت بدي سجل حلقة ببرنامجحي او ابعت برايفت يستوقفني تعليق او توقيع او اللي بدكون بتلاقيه واو شغلةيا اخي طيب نقنتع ونقرر نتعرف عليه والله يلعن ابو الساعة اللي فكرت فيها بتلاقيه هوي بوادي وكلامه بوادي تاني وما اله علاقة فيه بنوب المشهد الثالث المكان: شي قرنة من هالكون ولا قلكون بلاها بس بدي اسال سؤال انو اللي عم نحكيه او نخطط اله نحنا قده ومن جهة تانية ليش عنا هواية التقليد الاعمى من دون ما نعرف شي بس هوايتنا نقلد البشر هيك على عماها واحيانا نصل لنتائج وخيمة :D |
شلون يعني اذا الواحد ما حط خطة خمسية للبلد لازم ما يحكي يعني؟؟ مافي انو احكي رأيي بشي معيّن لازم خطة؟؟
|
قبل ما انسى
لا اقصد اي شخص في موضوعي مهما كان وباي شكل من الاشكال منعا من روحان فكركون لبعيد |
اقتباس:
مو هيك ياسين قصدي انو شاطرين بعض البشر تتفلسف وتحكي بطعمة وبلا طعمة طيب يابي عود قللي شو الحل بيعطيك جعجعة بلا طحن قطعا من حق الواحد يحكي رايه بس مو يجعجع |
اقتباس:
في شي اسمو "حق الاستماع"... الكلام اللي ما بيعجبك ما تسمعو أو ما تقراه و انتهى الامر. بعدين في شغلة, انت ما فيك تعطي لحالك سلطة فكرية في انك تعتبر كلام فلان من الناس جعجعة.... طيب يجوز كلامو اللي انت معتبرو جعجعة غيرك عاجبو و يجوز هالغير بيعتبر كلامك انت جعجعة (عم احكي بشكل عام مو انت بالذات) |
الموضوع تعميم يا عمي تعميم...
بالمحصلة مافي شي أهم من وجود طبقة (اصطلاحاً) بتحمل أفكار ممكن تغير المجتمع.. المجتمع اللي ما فيه ناس مجانين وطامحين للتغيير بيموت.. بغض النظر عن مدى صدق أو تزييف هدول الناس، بيضل مهم كتير وجودهن أما ثانياً فيا عمي مو صحيح أنك تعمم بهي ةالطريقة، كتير من اللي بيحطوا صورة غيفارا و الكتب بغرفتهن بيعرفو مزبوط شو حاطين عالرف أو عالحيط.. ولما بيكونوا بيعرفوا كتير وبيحكوا متل الكتب منقول نظرجية أو علاكين... وخود بقى تعا قيمني.. |
اما بعد .....
يا صاحبي ما فينا نحكي بهالطريقة في ناس رح تضل تعاني من عقدة النقص وتعبر عن الموضوع بطريقتها في ناس رح تلبس جيفارا برقتبها في ناس رح تحط " كوفيات " في ناس رح تلبس فانكي وهانجز كل انسان بيعبر عن عقدة النقص بالخروج عن المألوف بطريقته وما فيك تلومه يعني بالنهاية انتا بتقعد معه اذا شفت انو الزلمة ما بيعرف عن جيفارا إلا شوية اقوال عم يرددها ببلاهة خلص ما في داعي ترجع تقعد معه والكوفية انقى من انو تنضر من وراءه وتحياتي الحارة ظل جيفارا |
المشكلة عندما تسأل بعض الشباب اللي حالق مثل جيفارا (مو الكل)
ليش حالق هل موديل ...... ؟ يقلك مودا ! |
اقتباس:
تحياتي الحارة ظل جيفارا |
اقتباس:
اكيد الكل يعرف حلاقة جيفارا ... معروفة اللحية الرفيعة كثير على حافة الوجه ... سلام :D |
اقتباس:
بدك تقول لإنو انا شوي ما بهتم بدقني لهيك نسيت انو الواحد ممكن يحلق دقنه . انا اسف كتير على السؤال تحياتي الحارة ظل جيفارا |
موضوع ظريف
يعني حقيقة وواقع عم نعيشو ومو بس هيك حتى عم بيصير بالعكس يعني مثلاً الشخص ممكن يتغير و يبلش يعتنق أفكار جديدة بس الطرف الأخر ما بيقبلو و بيعتبروا أنو مقلد يعني الناس بتخلق مع أفكارا هيك لازم عند البعض مع انو الشغلة هي اكتساب هلق صحي عنا بسوريا كتير دارجة قصة جيفارا وعتجد كتيررررررررر ناس ما بتعرف مين هوي و لا شو عامل بس موضة :jakoush: هلق القصة مش بس مع جيفارا مع كتير أشيا بس جيفار مثال واضح وحي عن الموضوع هلق دارج تامر حسني :o طبعا ما قصدي تشبيه بس كمان ما منقدر نقول شي إلا أنو هالشي نوع من الحرية :D |
اقتباس:
حبجيفارا او اي شخصية هو الاتمام بفكرو مثلا و اتخاذو مثل بناحية او بكل النواحي من حياتو اما التسريحة و الذقن و غيرو ...... لا تعني شي كثير شكرا حبي :D |
لا تغيروا السيرة
|
| الساعة بإيدك هلق يا سيدي 11:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون