|
بلييز من الي كانوا بالمدرسه زعران وغشاشين
مرحبااا كيفكم ؟؟ عنا هلأ امتحانات ومو راضي يفوت لراسي معلومه حدا بيعرف طريقه للغش بدون ما ننكشف انا ورفقاتي ؟؟ وشكرا مقدماااا :D |
واللهي بقلك شغلة صارت معي ,,,
هلأ انا الحمدلله ما بتنقل ولا مشاغبة بس مرة بنت عمي كانت قيعدا حدي واحتاجت مساعدة وبما اني كنت مخلصة امتحان بدلنا الوراق يعني ورقتي صارت معها وورقتها معي كرمال حل اسئلتها ... بس منيح لي ما اكلنا هوا لانو على ثانية كنا كلنا هوا :p يعني هي بدها مغامرة هالطريقة ... واذا بدك تنفذيها لا تكتبوا اسمائكن على وراق الامتحان قبل ما تسلموا وتخلصوا انتي والطرف التيني... كرمال اذا مرقت المعلمة او المعلم ما يشوفو اسم رفيقتك على ورقتك او اسمك على ورقتها :pos: او استعملي اسلوب الموبايلات ولا مو مسموح عندكن؟؟؟ :shock: اي بسيطة كمان هون مو مسموح :p وعاد ما رح اقدر فيدك كتير لاني ما استعملت اساليب نقل وغش من حدا وحياتك ;) يمكن مادماكس يساعدك ههه :p شكلو محترف غش بالمدرسة والله اعلم :p |
انا متلك ما عمري استخدمت اسلوب للغش والله
بس بسمع كتيير بنات عنا عن طرق للغش بما انو كلنا هلأ بنمر بفترة امتحانات رح قلك بس حبيتي تنفذيها نفذيها ما تحكي بعدين اذا ما زبطت معك مني هااا بقى انتي وشطارتك اول شي اتفقي مع البنت اللي بدك تغشي منها قربي درجك منها لأقرب ما يمكن وبس تشوفي المعلم/ة مانها منتبها عليكن حاولي انك تضربي ع الكرسي اللي قدامك بس اوعك حدا ينتبه..... او اذا شاطرة بحركة الشفايف وبتقريها هاي احسن طريقة وعندك الممحاة حلوة بس بأسئلة الاختيار المتعدد واللهي اذا زبطت معك بيكون منيح ومرة تانية بقلك انتي وشطارتك اي لا تروحي تفكري انو انا بغش لا وحياتك بخاف....الله يوفقك وادعيلنا بقى انا باقيلي 4 امتحانات سلام:D خبريني بالنتيجة اي بستناكي:clap: |
تسلميي بس لا موبايلات مسموح وما بنقدر بنبدل لانه مسافه بينا :cry:
|
اقتباس:
وشكرا الك كتير :D:D:D ومن عيوني رح احكيلك العلامه انا بس خايفه من الحساب :sick: |
وهج قلتيلي متلي ما بتعرفي تغشي؟!!:p
هجورا عزيزتي شو مشان انو ليش بدك تعرفي كيف تغشي؟!! مشانك ولا لغيرك؟!!:p |
اي وحياتك ما بعرف غش
هاد لأنو من الاساس ما فيّ التفت لا يمين ولا شمال من المراقبين:lol: منشان اساليب الغش اللي عطيتهن لهجورا بسمع البنات بيحكو فيها منشان هيك نقلتلها ياهن ولغة الشفايف هي بشوفها كتير وقت الامتحان فقلت بلكي بتنفعها بعدين اي هجورا ماحكيتيلنا ليش بدك تعرفي تغشي ؟؟ شو مايتا بتوافقيني ولا؟؟:p |
اي وحياتك ما بعرف غش
هاد لأنو من الاساس ما فيّ التفت لا يمين ولا شمال من المراقبين:lol: منشان اساليب الغش اللي عطيتهن لهجورا بسمع البنات بيحكو فيها منشان هيك نقلتلها ياهن ولغة الشفايف هي بشوفها كتير وقت الامتحان فقلت بلكي بتنفعها بعدين اي هجورا ماحكيتيلنا ليش بدك تعرفي تغشي ؟؟ شو ماتيا بتوافقيني ولا؟؟:p |
اي ما انا سألتها قبلك يعني انتي اللي موافقتيني :p منيح ما بتغشي..ليكي للامانة انا مرة غشيت لاني ما كنت عيرفا انو عندي امتحان فـ اضطريت غش...جبت 100% اعلى علامة هههههه وقال المعلم شوفوا اللي عم تتعب وتدرس كيف جابت العلامة العالية وما حدا متلها قمت سدئت حالي ههههه لهلأ ما طلعنا عن مضمون الموضوع صح؟:p |
:lol:لا ما طلعنا
:pانا ما غشيت بس غششت |
انا بدي اغش واغشش لانه انا شاطره بماده وصاحبتي شاطره بماده تانيه
اول امتحان حساب :sick: بتوافقوا على خطه البراشيم ولا لأ ؟؟ |
لا خيتوو بلاكي البراشيم
بلا ما يزبطوكي وبعد هيك بتروحي فيها خليكي ع اللي اتفقنا عليه قبل احسنلك:p:D |
تكرم عينك ولو بدنا خدمة تحرز ...
خيو بتجيب دهان بخاخ أسود ... بتبخ منه المقعد يللي بدك تقدم عليه الفحص .. وبس ينشف الدهان .. بتكتب شو بدك معلومات بقلم رصاص .. وكل مادة بدك ياها ... انت اكيد راح تشوف الكتابة لأنه في ضوء بالقاعة ... أما مراقب الفحص ما رح يشوفها لأنه لمّا بدو يوقف حد المقعد رح يحجب الضوء وما رح يشوف شي طبعاً هاد الحكي عن تجربة شخصية :larg: :gem: |
نحنا زعران اه :oops: غشاشين لاااء :lol:
ليكي انتو ما في حواليكو هيك شي مطبعة بتحوّل الوراق لوراق زغيري كتير كتييييير..اه زغيري كتير كتير كتير! بتصير ورقة التاريخ الكبيرة كمشة بايدك :o نحنا في بالبلد عنا هيك مطبعة! وقال السنة اللي فاتت جربوا ولاد صفي يغشوا بهالطريقة..بس على مين؟! على هامان يا فرعون؟!! اي تفتشوا وتنضفوا منيح :lol::lol: خلص اختي هجورا توكلي ع الله وادرسي اعملي متلي :gem: |
يسلمووو loskov رح احاول بس احنا عشان الصفوف بتكون مقفله ممنوع حد يفوتها :cry::cry:
ومروى شكلوا ما في غير هيك بس رح نحكي بالشفايف يصوت واطي ونقرب ورق بعض |
اقتباس:
بلاها معناتها ... روحي عالامتحان واتكلي على زملائك :larg: |
اسمعي هجورة هلأ LOSKOV انا كنت بعمل بطريئتو بس بدون بخاخ ولا شي
ازا كان الدرج خشب والله كنت قبل الامتحان بحصة بنسخ الكتاب كامل هلأ في طريئة متلا لسؤال الضعي دائرة هو بكون اربع خيارات ازا بدك سؤال بتعمليلها بأصابعك اي سؤال وهي بتجاوب عليكي متلا الخيار التاني بتكح كحتين يعني الجواب التاني وهيك امشو كمان فيكي تكتبي على ايدك غش بس إلبسي كفة واللي بدك ياه بتطلعي على ايدك واكتبيه كمان شغلة هلأ المريول تبع المدرسة اكيد شوية طويل لزئي وراق غش على بنطلونك من فوق بس يكونو صغار هي الطريئة عندي ابداع فيها. واخر طريئة المقلمة تبعت القلام اكتبي جواتها او صفطي وراق الغش جواتها بالترتيب هي بحبها:hart: يلا ان شالله بكون فدتك لانو هدول بس الطرق اللي بستعملهم |
شو وين الشباب ولا كنتو بتدرسو عالامتحان:p
|
| الساعة بإيدك هلق يا سيدي 16:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون