|
أعلمك الأدب!! او أتعلم منك قلة الادب؟؟!!!!!
رجل كان يذهب كل صباح ليشتري الجريده----ويلقي بالتحيه علي البائع ---الذي لم يفكر يوما في رد التحيه----وكان يراقب هذا المشهد اليومي بغيظ --رجلا اخر --وفي يوم من الايام --نادي هذا الرجل المغتاظ--الرجل الذي يلقي بالتحيه علي البائع --وقال له بغيظ----لماذا تلقي التحيه دوما علي هذا البائع الغير مهذب الذي لم يفكر يوما برد التحيه عليك---لو كنت مكانك لما القيت عليه التحيه أبدا----فنظر اليه الرجل الذي يلقي التحيه علي البائع بأدب وقال للرجل المغتاظ ----------------وهل تريد مني ان اتعلم منه قله الأدب --أم الأفضل ان أعلمه الأدب __________________________________________________ _ الخيارات موجودة أمام كل إنسان فينا فنحنا مخيرين و لسنا مسيرين وطبعا الأخلاقيات بمجتمعاتنا منتشرة بين الشباب فبيبقى على كل واحد فينا انه يتأثر بالمحيط العايش فيه ليكون قليل الأدب أو يكون مؤدب وبالتالي بتأثر من حوله فيه سؤالي لكل واحد فيكم لو صادفك إنسان قليل الأدب هل راح تعامله بالمثل يعني اجاك واحد بين كل كلمة و أختها بحطلك مسبة وأسلوبه بالكلام تهجمي ومستفز هل أنت راح تخاطبه بنفس الطريقة؟؟!!! أو راح تعلمه الأدب؟؟ وهو بأنك ترد عاليه بأدب و بظن راح يستحي على دمه لأنه راح تصغر من شأنه بهاذي الطريقة و ترفع من حالك فا أنت أيا منهم؟؟؟؟ من إلي بعلمو التانين الأدب او الي بنشرو قلة الأدب للي قبالهم .............................جويس:larg: |
هاد الموضوع لازم ينوضع من زمان في
عنا هون في الاخوية اناس متربين في مدارس لقلة الادب والجعجعة والكلام الفاضي الذي لا ينم الا عن فراغ في عقولهم فلن يجدو غير السب والشتم الله يفرجها اختي |
شخصيا بحاول كون مؤدبة ولبقة معه قد ما بقدر حتى على حساب صحتي وراحتي (لانو فعلا شي بتعب القلب لما تكون منيح واللي قبالك شرير :cry:)..بس انو احيانا الانسان بنفجر وما بعود يقدر يتحمل وممكن يحكي كلمة تزعج اللي قباله!
بس انو بكل الاحوال الانسان لازم يتعلم يتحكم باعصابه ويكون مؤدب..وازا ما قدرنا نكون مؤدبين مع قليلين الادب (اللي هني بشكل عام اغبيا مع احترامي الهن يعني :lol:) فمن الاساس ما نرد عليهن ولا نحكي معهن يعني نسكت وهاد احسن حل الهن..وهون تزكرت مقولة قريتها بالتوراة بتقول انو ازا حكيت مع الجاهل ورديت عليه بتكون عم تساوي نفسك الو.. يسلمو جويس عالموضوع :D |
انو اول شي ميرسي جويس عالموضوع الحلو
تاني شي انو مشان قليلين الادب بالمنتدى فما بعرف انا عم بحكي يمكن كون واحد منهم:shock: بس هني عبارة عن نفس الناس قليلن الادب اللي بنشوفن بالشارع فهدول بينرد عليهن بالسكوت اللي بيقتلن او بالكلمة الحلوة هوي والسكوت احسن لانو ازا رديت عليهن بالكلمة الحلوة رح يتمو يحكو واخر شي اكيد رح تجن منن وتبلش حكي شكرا مرة تانية عالموضوع |
لك يا عمي احيانا ما بتنفع
واذا خاطبهم الجاهلون قالو سلاما...... :zen::krimbow::willi: |
سلاما :o
:سمايلي عم يتسائل ازا هدا الحكي الو: |
اقتباس:
البعض بفكر اذا انا غلطت معناها انا قوي ما بعرفوا انه الغلط يدل على ضعف الشخصيه انا فيني اناقشك و اكون مخالفة الك بالاراء بس بالاحترام لانه اولا و اخرا انا بكون عم احترم حالي وبهيك بجبرك تحترمني :Dومشكور على مرورك |
اقتباس:
نورتي الموضوع بمرورك:D |
اقتباس:
اقتباس:
أدب يما لا:Dبس انا شفتلك كم رد و انا بمر على المواضيع شفتك حباب و ملتزم الادب:larg: وتسلملي على مرورك |
اقتباس:
هادول يا خيي بطلعو الروح فخلص الواحد يختصرهم لانه اذا صار يلاحق بكل كلمة راح يوصل لمرحلة ينزل لمستواهم ويحاكيهم بأسلوب أوقح من اسلوبهم |
اقتباس:
|
يا سيدتي الكريمة انتي حطيت ايدك على الجرح صدف امبارح كنت عما تابع على قناة الرسالة برنامج كتير عجبني الإسلوي تبع المقدم الذي كان يتبع الإقناع والدخول الى القلب عن طريق المنطق بعيد عن الحدة والوعيد والفتاوي المبتذلة التي للأسف صرنا نجفل مما تحوي ثنايها
المهم وكي لا أطيل عليكم كان موضوع الحلقة موضوع سب وشتم أمريكا وكيف أن احد ائمة المساجد يدعو على الأمريكان اللهم شتت شملهم ورمل نسائهم ومن هذا الكلام ويعرض البرنامج كيف أن احد القنوات الأمريكية تعرض دعاء ذلك الشيخ وتترجمه الى اللغة الإنكليزية وفي الأخير يقول المقدم أي اسلام واي سلام وقدوة العرب يدعون علينا بهذا الكلام. العبرة من الموقف وما تطرق اليه الداعية حينا لماذا لا ندعو على أمريكا بأن اللهم أصلح أمريكا وإهدي أمريكا بدلا من شتت شملهم . اولا لما ترك لهم حجة أن يستشهدو على أننا دعاة دمار لهم وثانيا لعل أبواب السماء مفتوحة فيستجاب الدعاء ام آن لنا أن نقتدي برسول الله ص أحسن الى من أساء اليك اللهم علمني الأدب وحسن الخلق فو الله ما فتحت الدنيا لنا الا بأخلاقنا وانسانيتنا مع الشكر للموضوع الرائع مع تحيات ماس:D |
اقتباس:
بتعرف خيو عجبني كلامك كتير وبجد انت عم تعرض شي بنسمع فيه كل يوم طيب ليش فكرك احنا بندعو على اعدائنا بدل ما ندعي الهم و بالذات الشيوخ لازم يكونو قدوه حسنه للناس ليمتثلو فيهم ما بعرف ليش وقت نكره حد لانه مسببلنا اذى معين بندعي عاليه وعلى الي خلفوه بدل ما ندعي اله و بهيك بنكون احنا الكسبانين بالنهايه ومشكور بردك الي نور الموضوع:D |
والله يا صديقتي انا برأيي انو هيك مواضيع ما بتجيب نتيجة لإنو تغيير من هالنوع الغرائزي وخصوصا بمجتعنا مستحيل يصير
خلينا نركز على الأدب نوصل كلمة فنية ادبية لهلشعب بركي بيصحى " عالهامش لحنا ما في متلنا بالموسيقى :sosweet:وهون شي هيك شي هيك مو .. ولا شو رأيك بالإقتباس اللي وهيدا من فوق شو بلشنا غيرة ... ههههههههههههههههههههههههه اقتباس:
ظل جيفارا |
اكتر شي ممكن انو يقهر الشخص الغير مؤدب و قليلين الحيا انك تبقى تتعامل معهم بكل هدوء
ما بدي اقول باحترام بس قد ما نقدر ما تطلع منا كلمة غلط نندم عليها و تخربلنا نظام معين و اسلوب عودنا حالنا عليه اي انسان غير محترم دواه اما تتجاهله او تعامله بطريقة منيحة مو لانو راح يحس حالو صغير او شي بس حيمل و هو حيتجنب يتعامل معك اساسا... بس في انو الانسان يرد عقليلين الحيا بطريق استفزازية(شوية لؤم مع أدب:p) و يسلموو جويس عالموضوع الحلو:D |
اقتباس:
بعدين صديقك من يصدقك لا من يصدّقك :) اقتباس:
حباب وملتزم الادب :$ خشلتيني ظل سكوت حاج غيرة شوف صحتك نورت مان انا حبيتك من صورة مارسيل على فكرة :) ومستحيل حدا يكون بيسمع مارسيل يكون قليل ادب :) |
اقتباس:
مافي شي بيجبر نتــعامل او نحتكـ مع هيكـ ناس بالمختصر النجئ حـــلال |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ولك ع راسي يا صاحبي حبيب القلب وتحياتي الحارة بشدة لعيونك ودام مارسيل وعوده وكلاسيكياته توحدنا اما مشان مستحيل يكون حدا بيسمع مارسيل وقليل ادب والله يا صاحبي انا هيك كنت قول بس من يومين تلاتة اقنعني ابو سليمان العزيز الغالي بشغلة جديدة اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وتحياتي الحارة ظل جيفارا |
| الساعة بإيدك هلق يا سيدي 06:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون