دمشق: لا إطلاق لمعارضين, ولا نقاش للشؤون الداخلية مع مسؤولين أجانب
 

دمشق: لا إطلاق لمعارضين, ولا نقاش للشؤون الداخلية مع مسؤولين أجانب
دمشق: من غير المسموح لأحد التدخل في الشؤون الداخلية السورية


دمشق



نفت سورية اليوم صحة التصريحات التي أدلى بها النائب الديمقراطي الأمريكي باتريك كينيدي حول عزم القيادة السورية إطلاق سراح عدد من المعارضين السياسيين الذين تمَّ اعتقالهم الشهر الماضي.
وزار النائب كيندي يرافقه عضو مجلس الشيوخ الجمهوري آلرلين سبيكتر دمشق يومي الأحد والاثنين والتقيا الرئيس بشار الأسد ووزير الخارجية وليد المعلم.
وقال كينيدي للصحفيين بعد لقائه الرئيس الأسد إنه حصل على تعهد بالإفراج عن المعارضين السبعة الذين اعتقلوا الشهر الماضي بعد أن حضروا اجتماعا يهدف إلى إعادة تفعيل إعلان دمشق. وطالب الإعلان الذي وقعته أحزاب وشخصيات معارضة في 2005 بدستور ديمقراطي ورفع لحالة الطواريء والقيود الأخرى على الحريات العامة.
وأضاف كنيدي "الرئيس (بشار الأسد) قال إنه سيفرج عنهم إذا لم يكن ذلك قد حدث بالفعل."
إلا أن مصدر اعلامي مسؤول نفى ما ذهب إليه النائب كينيدي "من أنه طرح خلال لقاءاته مع المسؤولين السوريين مؤخراً موضوع بعض المعتقلين في سورية"، وقال المصدر في تصريح لوكالة سانا "إن سورية ترفض بشكل قاطع مناقشة شؤونها الداخلية مع أي مسؤول أجنبي".
ولفت المصدر الى "أن أكثر ما يستطيع أي مسؤول اجنبي طرحه هو أن يسأل عن الأوضاع بصورة عامة وأن يستمع إلى الأجوبة بشأنها" مؤكداً أنه "من غير المسموح لأحد التدخل في الشؤون الداخلية السورية".

نقلا عن سورية الغد، سانا

شو كل هالحضارة ..

أنو عمي طيب ما بدكون تفرجوا بلا الإعلانات ضروري الفضايح .. :lol:

لا وعم يتباهو فيها.
فعلا... خلينا ساكتين احسن.

انو له له له
ما بتعرف الحديث يلي بيقول الساكت عن العق شيطان اخرس :sick::sick::sick::sick:

يعني برايكن مين اللي كذب هون كندي لما قال انو بشار وعدو يطالع المعتقلين ولا بشار لما انكر كل هالحكي؟؟؟؟

الجواب هو يا صاحبي
اسئل روحك اسئل ئلبك ئبل ما تيجي يوم وتلومني

خلص وصلت ما رح نحكي اكتر من هيك :lol::lol::shisha:

لا نقاش في الشؤون الداخلية مع أجانب؟؟؟ طيب أوكي حكي حلو

اليوم اعتقلوا المزيد من ناشطي اعلان دمشق.... يعني الحكي ما زال نفسو


الحرية لمعتقلي الضمير في سوريا

الحرية لمعتقلين الحرية طبعا وكلنا معهون بس كمان لا لاي تدخل اجنبي في البلاد

طيب ما اختلفنا ما دخلها هاي بهاي طبعا

يعني شي طبيعي

انا رايي انو النظام دايما عندو وجهين وجه براغماتي خارجي يعني بيعمل اي شي وبيحكي مع المسؤولين الاجانب بكل شي وبيفاوض على كل شي مشان يرفع الضغوط الخارجية عنو

والوجه الداخلي تبع الصمود والممانعة والشعارات والحكي الفاضي وعدم التدخل في الشؤون الداخلية اللي بيضحك في على الشعب المسكين مشان يضل حاكمو

مو مشان يضل حاكم على هالشعب بالعكس
مشاااااااااااااااان يضل راكب فوء هالشعب

يا سيدي والله احترنا
لا بدنا اعتقالات وسجناء رأي ولا بدنا تدخلات اجنبية بأي شكل من الأشكال شو بنعمل ؟
تحياتي الحارة
ظل جيفارا

انا برأيي نعمل شاي احسن ما يعتقلونااااا :yahoo::yahoo::yahoo::larg:

رد
 

اااااااااااااااااايه يا وطن في مصطلح بيقول غريب عن وطني بس الأصعب هو غريب في وطني سمعان بهيك شي؟
تحياتي الحارة
ظل جيفارا

وفي مرة نزار قال :
وقرت اغتيالك يا وطني في السفر

بس اذا بنذكر بنفس القصيدة بقول انو ما قدر يغتال الوطن
ولا رح نقدر
تحياتي الحارة
ظل جيفارا