|
هل اسم المرأة عورة؟؟؟
نلاحظ دوما فى النعى اذا ماتت سيدة ... هى زوجة فلان ام فلان حماه فلان
حتى ولو كانت بناتها اكثر شهرة وتميزا من بنيها الا انها لا تقرن الا بالذكور وعند تقديم سيدة فى حفل او خلافه يقال زوجة فلان الفلانى اوووف ,,, دلونى على فلان الفلانى هذا كى اقتله ,, الذى جعل من اسم المرأة عورة الى هذا الحد :x |
مابعرف بس بحسك زعلانة مني دائما .لك شو عاملك انا
|
لك لحقوووووووووو شفتو من شوي بالصالون:shisha::shisha: لحقووووووووووو واذا مسكتو دلني عليه ههههههههه
اي بدي العن ........:o معك حق خيوووووو ايمان صحي مدري ليش؟ اولك شو السبب؟؟ |
واحيانا ما برف الا انو زوج فلانة :o
لك وفي كمان شغلة قال لما تتزوج المرا بلحقوها في عيلة زوجها :jakoush: |
أنا بدلك عليه التخلف المقرف الي ما في أمل يحل عن أمتنا الي قدرها تعيش فيه وقدرنا نتحمل نعيش فيها ومعو :cry: |
لك هي اسما عادات مو تخلف و مو بس عنّا بكل العالم نفس الشي من هيلاري كلينتون لعند جارتنا (مرتو لجاري)
و مشكووورة عالموضوع :D |
لاا كل مره اسمها شي ..
عندك انا رؤى .. وغيري سهى .. وفي ريمي .. وريم وفوفو وسرسووره وريتا انو لكل مراه اسم :lol: |
كلام حلو كتير.
فعلا معك. بس العرب متخلفين شو بدك تساوي. الشغلة مو شغلة عورا. بس هاي كلها بترجع لذكورية المجتمع. يعني الذكر هو كلشي بالمجتمع العربي. |
بظن العرب بينسبو للرجل او الاب
و إلي حابب ينتسب لوالدته مو مشكله بس بتكون أخت رجال يعني قوه و هيبه و عقل و حكمه .. كمان هاد موجود عند العرب. و الا انا غلطان. |
هادا الشي تكريما لفلان وليس نقصا أو عورة باسم فلانة.....
يعني من الطبيعي أن تفخر الزوجة بأنها زوجة فلان أمام الناس والا فأن اختيارها للزوج كان خاطئا ومن الطبيعي أن تفتخر الأم بأنها أم فلان لأنها ربتو وتعبت عليه لتشوف حالها فيه ومن الطبيعي أن تفتخر البنت بأبوها لأنه هو مثلها الأعلى ..... أما أن تنسب البنت للأخ أو للصهر أو للعم أو للخال.... أو حتى للجار مثلا... فهادا الشي نادرا مايكون وبيكون في حالة انو هادا الأخ أو الصهر أو العم أو الجار صاحب سمعة ومركز مهم بالمجتمع..(مثلا بتسمعي أنو تعى شوف أجت أختو لدكتور الجامعة فلان الفلاني بينط التاني بيئلو بزمتك..... الخ , أو مثلا واحد بيئول للتاني هالبنت ماحتظبط معك لأنها بنت أخو للوزير فلان الفلاني بينط التاني بيئلو اي والله مبين من لبسها بس أنا لها........ أو مثلا بتسمعي انو هي الفلانة بتكون جارتو بحوران لرئيس ضابطة المرور اللي بتوئف عند شارع بغداد فلان الفلاني مثلا.... كل هالحكي مثلا) وبالتالي كمان لما بيكون هالشي صح بيكون مفخرة للمرأة أنو بتمد بصلة لهيك أشخاص وبتفتخر أنو تنسب اليهم... الخلاصة أنو المفروض أنو المرأة هيي اللي تسعى لهالشي وتجد رجل تفتخر به مولشي بس لتشعر بأنوثتها وأنها امرأة والرجل برجولته وأن الامرأة تعيش بحمى رجل تنتسب اليه (فلان) يعني مثلا صاحبة الموضوع كاتبة اسمها ايمان عادل دليل أنها تفتخر بعادل الله يخليلها ياه... يعني حتى الكثير من الرجال يفضلون أن ينادى عليهم أبو فلان (وعلى راسي أب فلان حول) بدلا من أسمائهم.. هل هادا يعني أنو أسمائهم فيها نقص أو عورة؟؟؟؟؟؟!!؟؟ بس طبعا لايقال أبو فلانة (أبو سوسو مثلا) لأنو يوما ما فلانة حتروح تتجوز والله يستر عليها وتصير زوج فلان اللي حيسعدها... وشكرا:D |
هااااااد هبل وبنعرف كتير ناس لو بصحلها تنفي النسوان من الحياة ما بتقصر شو بدنا نعمل لسه عايشين بالعصر الحجري
لما يوصلهم التحضر وقتها بنكون متنا واجا مية جيل بعدنا الدنيا ما بتخلى من التخلف |
النسوان صاروا تلات رباع عدد سكان الوطن العربي وحتى سكان العالم ..ولسا ... :o:lol:
|
اقتباس:
صح كلامك انا افتكر شعر لنزار قباني صوتها من خلف ثقب الباب عوره .......... او كلام شبه هيك :ss::ss: |
نطالب بإدراج اسماء البنات في النعوات ....:pos:
و صورهم ايضاً حتى نعرف مين مات ..:gem: هذه العادات الجاهلية مازالت مستمرة ...بسبب الموروثات الدينية الاجتماعية ..:cry: |
اقتباس:
و غالبا لا يتم الحاق الزوجة بالزوج او الاخ او الاب الا اذا كان شخصية مرموقة في المجتمع مثال لنعوات تبين غلط كلامك . إنا لله وإنا إليه راجعون انتقل إلى رحمته تعالى كل من: الموقع .: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - أم حسن شكرية أبو سعد أرملة بشير أبو العلا إم حمد غزله مزهر حرم الشيخ قاسم مزهر أبو حمد أم أيمن نهاد صعب حرم أبو أيمن فوزات أم حمد جدعة علي أبوعسلي أرملة أبو حمد شريف الحضوي أم فادي يسرى شفيق أبو حمدان أرملة اسماعيل أبو حمد الشابة ميسون سالم ملاك23/5/2007 لاحظي انه في هذه الحالة لم تلحق المرحومة باي رجل الموقع .: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - أرجو من الجنس اللطيف الا ينجرف و ينساق و راء الكلمات و الشعارات دون تبين و تحقق لاحظت انكن بسرعة وجهتن اصابع الاتهام للمجتمع و اتهمتموه بالذكورية و ان اسم المرأة عورة لا ادري من اين تطلعون بهذه الافكار هذا من جهة من جهة ثانية ماذا يضير الشاة بعد ذبحها؟؟ بعدما تسلم روحها لربها ماذا يفيد ذكر الاسم او اللقب او النعي؟؟؟ |
اقتباس:
لا ادري لما يتم اقحام الدين في كل الامور ؟؟؟ هل هناك نص ديني يحدد طريقة كتابة النعوات ؟؟ على حد علمي الصحف التي تنشر النعي لم تكن تتواجد في بداية اليهودية و المسيحية و الاسلام |
اقتباس:
 اقرئي هذه المدونة ... قال الدين ليس له علاقة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
|
| الساعة بإيدك هلق يا سيدي 01:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون