|
العنف في مجتمعنا..
والله لورجيك لامسح فيك الارض لالعن سماك لنسيك حياتك لخليك تطلع من هون تحكي مع حالك خود لقلك انت ما بيمشي معك الكف والكفين افتح ايدك حطولي ياه على الفلقة لشوف لخليه عبرة لمن اعتبر طب والله ما عملت شي اخرس واشلح من رجلك لك انت ما بتفهم انزل لقلك مشية البطة تعا لشوف وقف هون ...................... آي حرقتني اي بدي طفي هالباكيت فيك والله لعلمك التربية من جديد حبيبي ليش ظهرك محروق هيك ؟ بابا حرقتني ( جوز ماما) وبشو حرقك بالمكواية حبيبتي ليش عيونك هيك ؟ مرت ابي ضربتني بالخرطوم الساعة 4.00 وش الصبح ( لا تسالوني شو عم بعمل وقتا) صوت حدا عم يبكي بالبلكون فوق من ؟ انا ..... شو عم تساوي هون؟ محبوس ليش من حبسك ؟ بابا وماما الحصة الرابعة بالمدرسة الاستاذ فات والصف فيه ضجة افتحوا ايديكون لشوف وهات هالخيزرانة افتح ولاك ما رح افتح ايدي ولاك مالي عامل شي والضرب ممنوع اي واه انا بورجيك ( اساسا ما عاد يشوف شي من الضرب والرفس والركل ) سؤال : هالمشاهد تتكر ر يوميا من المسؤوول ؟ هي ظاهرة طبيعية ؟ لا والله طب من المسؤول ؟ ما بعرف طب شو الحل ؟ هي الكون |
هلق هي هواية ما بعرف بس اللي بعرفه انو نحنا هوايتنا نعذب بعضنا لنستقوي على بعض
ويستمر التعذيب وياخذ اشكالا كتيرة من السوط للكف للفلقة للكلب البوليسي للجوع للحرارة للبرد للتجريح والحيوانات المسعورة والجلد على فكرة نحنا مش بمعتقل نحنا بالبيت وتستمر الامور الى ما هو افظع وما بدي اذكره |
:oالعنوان غريب شوي بوديك على تفكير تاني
اي سيدي هاي هي الدنيا فيها ناس بحبو العنف التعذيب الضرب يشوفو اطفال ببكو الف طريقه و طريقه هلئ اذا سألتني ليش راح احكيلك no ra7me يعني خلصت من اقلوبهم الرحمه و الاحساس بالذنب اما الحل للقاصر ما فيه يعمل شي اله الله اما البالغ فيه ياخد قراراته و يغير محور معيشته :Dوثانكس على الموضوع |
ما فهمت !!!!!!!!!!!!
عم تطرح العنف المنزلي .... او.... العنف بالمدرسه .... او.... عنف المجتمع ككل ؟؟؟؟ :shock: |
كل العنف بالبيت وبرا البيت
يعني عنف المجتمع |
اقتباس:
في دول وقت بيصير هيك بينسحب الولد من الاهل لانو خونة بنظر المجتمع لانو عم يحرموا المجتمع من فرصة ممكن تككون شي كبير للبلد |
كــ..العاده مافهمت.......!
|
لك بالمشرمحي عم نحكي عن العنف بحياتنا عن التعذيب بحياتنا من دون ما احصره بوقت او مكان او ظرف معين
وضحت؟ |
اقتباس:
|
لك بدي قول انو حرام نعذب البشر وين ما كان عم نظلمون ونظلم حالنا معون وتحت شو ؟
التربية ؟ ايمتى كانت التربية هيك الاستقواء؟ ايمتى كان هيك طب لشو التعذيب ؟ |
والله با صاحبي هالمجتمع كلو عنف بعنف يعني الاب بيتمرمط كل اليوم وعلى اهانات من رئيسو بالشغل من الشرطي بالشارع من عناصر المخابرات اذا الله وقعوا بين ايدين وبيرجع على البيت ما بلاقي غير هالمرة والاولاد يفش قهرو فين وهالمرة بتفش قهرها والعنف اللي عم تتعرضلوا بالاولاد و الاولاد ببعضن وحالة عم قلك مجتمع كلو مقهور ومدمن على استخدام العنف
من فترة بالمانيا عملوا استفتاء بين المسلمين اللي عايشين هنيك اكتشفوا انو يمكن شي 40 بالمية بتأيد العقوبات الجسدية كوسيلة عقاب يعني ببساطة استخدام العنف متاصل في نفوسنا بس حلوة وملعوبة هي انو الشباب فهموها غلط :lol::lol::lol: |
هو في حل يعني
هي المقولة تابعة لزياد الرحباني: ما في حل غير انو نموت هالبشر هي.. ونلعن **** اللي خلقن ونرجع نخلقن من جديد لانو عندك شعب انت هون يا طارق شغلة كبيرة عرفت مايسترو |
كتير دراسات بينت أنو العنف عبارة عن سلسلة... يعني غالبا الشخص العنيف عانى سابقا من هالمشكلة بشكل أو باخر..
و ردود الفعل بتختلف من شخص لاخر حسب درجة وعيه و حساسيته كانسان.. يا بيتحول لمدافع عن المعانين من هالمشكلة يا بيتحول بدوره لمجرم لينتقم بشكل أو باخر لمعاناته... و الحل الامثل لهلاشخاص هو اللجوء للمختصين النفسيين للعلاج لانو غالبا الحديث عن معاناتهم السابقة بيخلي الشخص يستوعب كانسان ناضج و بالغ مشكلته..و هالشي بينطبق عالعنف بالمنزل و بالعمل.. طبعا في أسباب تانية للعنف المنزلي .. متل الكحول و فقدان الشخص السيطرة على أفعاله .... أو المشكلة الأكثر شيوعا و تواجدا بمجتمعنا.. الضغط الاجتماعي..الفقر ..البطالة.. الظلم خارج المنزل.. و هون دور المجتمع و المنظمات المختصة يلي بتقدر تأثر بشكل كبير في حال قامت بدورها بشكل صحيح.... و قدمت للظالم و المظلوم الحلول المناسبة..... ياسمين.. |
ما العنف عم نتعلمه من ونحنا صغار بالبيت والمدرسة بكل صفوفها وحضورها
وبرا المدرسة العن والعن ولسا الخير لقدام هلا الجزء التاني من العنف اي التعذيب ببقى بحكي عنه بوقته |
| الساعة بإيدك هلق يا سيدي 05:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون