|
شباب و بنات عالموضة
مرحبا شباب كيفكون
انا حابب ناقش و شوف شو ارائكم يا ريت كل واحد يحط الرد بكل جراءة !! شباب انا دايما لما بكون مالل بنزل اتمشى لحالي او مع رفقاتي المهم كل ما انزل بشوف شباب عالموضه و على فكرة انا واحد من اللي بحبو الموضه والستايل بس بشوف احيانا شباب على الموضه بس بكونو مبالغين بالموضوع كتير مثلا واحد حاطط حلق بدانو او بحواجبو او بشفايفو او بلاقي شباب لابسي جنزات سرج ساحل وبكونو مبالغين في المنظر لدرجة تثير الاشمئزاز !! او بنات نفس الموضوع او احيانا بشوف شلة مجتمعه وبيقعدو يصرخو بالشارع او يغنو او بثيرو شغب يا ريت تحطو رايكم بكل جراءة بهالموضوع .... |
والله كنت ناقشتك بس بمدينتي مافي هيك شكالات :p
و يعطيك العافية :D |
أكيد مافي مشكلة ..
عادي .. وأنت إذا بتشمأز من منظر إنسان .. فـ العلة من عندك .. لو شو ما كان لابس ولو شو ما كان حاطط ع حالو .. أنت مجبور تتقبلو .. وإذا ما قدرت تتقبلو فـ بعّد عنو وريّح حالك وخليه مرتاح .. هو حرّ باختياراتو وتصرفاتو .. وأنت حرّ بتقبك ألو .. :D |
أنا برأي الموضة مش قلة احترام و مش بالصراخ بتثبت حريتك أو تعبر عن رأيك و ياريت الشي بيوقف عن اللبس و الصراخ في الشراع :frown: و شكرا.
|
قريبا كنت بالشام ... ولفت ناظري رؤية قلة من الشباب وضعوا انفسهم رهن الموضة الغربية ... الخارجة ...
لما اشوف شب ومعلق حلق بأذني أو واخز جبيني او لسانو وشفايفو ..... بهذا الظاهر يفقد الكثير من الاحترام والتقدير... من دون التعرف على شخصيته .... يعني يمكن يكون شخصية مرحة ومهذب ولكن وضع نفسه في اطار وشكل يؤثر عليه بشكل مباشر وقيس على هيك ... اللي عامل شعرو كـــدش ... واللي عامل دنب ورابطو واللي حاطط طوق لشعر راس موضة جريئة وغريبة ... بالطبع لا أؤيد هذه الموضة ... وليست هي اختياري وعندك كمان موضة اللو ويست {للجينز} وهي الموضة منتشرة بين الجنسين ... وكل الغرض منها ... شو ... ان يبين شو لون البوكسر اللي لابسو هالشب .... والله مسخرة وقلة فهم ... وليست حرية شخصية ... حرية شخصية تكون في بيتك مو بالشارع ... الطريق له احترامه دون خدش لحياء العموم ... وللحديث بقية ،،،،، |
والله يا سيدي اهنا الموضعة عنا غير
الى بده يشخص بيلبس بنطالون جيب نفخ و بيقفز ويحمل كلاشن كوف ع ظهره وشو احكيلك لمه احكيلك التشخيص ببلدنا غير كله عسكر ولبسه اسمر وبيمشي نافخ حاله وكانه ما شايف حد قدامه يا سيدي كل بلد والها طريقتها بس اكيد المبالغة ما هي حلوة ابدا تحياتي |
انو الواحد لما يكون ستايل ومو دقة قديمة حلو
لكن كل شي بحدود واللي بيلبق لغيرك مو شرط يلبقلبك يعني مو بالغصب شي نزل جديد قوم طبقو عحالي يعني القصة قصة زوووووووء وانا يالله شوووو بكره وبشمئز من هالمناظر ال يحط حلق بحواجبو البنت استحت تعملها :frown: لانو كل شي بيزيد عن حدو بينقلب لضدو :D |
اقتباس:
إذا كل إنسان رح يرضي جميع الناس بحياتو ما بيعيش .. الشخص الموضجي عم يلبس لفئة معينة بتعجبو هالشكل من الموضة .. متل ما أنت بتلبس ستايل معين لـ تخلّي فئة معينة تعجب فيك .. :D اقتباس:
عم يحط الحلق بشان شخص تاني بيعجبو هالستايل .. أنت مو عاجبك هالشكل .. غيرك عاجبو .. مثال: متل ما واحد ضيعجي إذا شاف شب شعرو عليه "جيل" فـ كمان ما رح يعجبو هالستايل .. :D |
اقتباس:
هالموضوع كل واحد حر بيحكي وجهة نظرو في ورأيو فما في داعي تعلقلي على كل حدا اي ومثالك هاد بينطبق على الناس اللي مابتحترم حالها ولما تشوف حدا محترم مارح يعجبو ;) وكل واحد حر بزوئو فما في داعي لهل التعليقات :pos: |
يعني هالئ دارجة موضه الجينز الخصرو ساحل للشباب
عادي و لابقى يعني مش شي over بس بالنسبة للحلق هادي انا ما بحبها للشباب و حمد الله عنا ما في هيك شباب بعملو بحالهم يعني الواحد حلو يلحق الموضه الي بتطعطيه new look و style جديد بس الشي الي بيكون زايد عن حده بخلي غصب عيون الناس عاليه و بالتالي الحكي عاليه بطريقه مو حلوة |
الظاهر البنات العرب ما بيحبو الـ Piercing للشباب
شو بيحبو للشباب لكان.! أنا من وجهه نظري اذا كان حلق للإدن زغير مو مشكله, أما Piercing عالحواجب و الشفايف بظنها بشعه. |
اقتباس:
وطبعاً وجهة نظرك لحالك .. بس أنا عم فرجيكي أنو هالأنسان الموضجي ما عم ينتهك ولا عم يجرحك بشي وأصلاً مو هاممو إذا رح تحبي موديلو وللا لا .. لأن ببساطة بشان فئة معينة عم يساوي هالستايل .. بس كمان مو حلوة انو تكرهي بني بشر متلك متلو .. صح وللا لا ؟ فيكي تتجنبي الشخص بس بتصير كارثة لما بتقولي بشمئز من شخص ما لمجرد أنو لابس شي معين .. :D |
بتكون فترة مراهقة وبتعدي المهم مايكون فيها خدش للحياء العام او قلة ادب او منظر فاضح او استهزاء بالاديان او شغب . يعني اذا الزلمة قاعد بأدبو عم يشرب كولا وعم يضيف اللي حواليه مو مشكلة
|
يعني انا صراحة بحب الموضة
بس مش اي موضة تنزل الانسان بروح يقلدها متل ما حكيت انت هدول تبع الحلق و التاتوس وما بعرف شو يعني صراحة بصيرو يقرفو و بصيرو عم يتشبهو بالغرب ما كأنو الهم هوية و كمان ما حكيت عن هدول يلي بخبصو بشعراتهم ابصر كيف بتشوفلك واحد عامل شعراتو كأنو ديك يعني انا مع انو الواحد يكون وسط بكلشي يلي بتحس انو يلبقلك بتلبسو مش كلشي بنزل بنلبس |
الموضة حلوة بس بالحدود...;)
|
محمد اول شي انت وين ساكن بفرنسا؟ لانو كاتب فرنساوي لالابد؟ منشان اعرف شو جاوبك
تاني شي ليش في بسوريا شباب حاطين حلئ بلساناتون..... و الخ:? تالت شي و هاد رايي اذا الانسان حب يحط حلئ بادانو و او اي مكان اخر فيا هو بيكون قنعان بمنظرو او في فكرة بمخو حابب يوصلا ليلي حوليه و حتى ليلي حاطتها بلا سبب فهاد الشي بيرجع ئلو هو عم يقلي ليكي انا هيك حبيتي تتعاملي معي اوك ما حبيتي انتي حرة و ما بظن حدى بيجبر حدى يتعامل مع التاني بالزور . اهم شي ما يئزي الناس يلي حوليه او يكون انسان من جواتو انسان عاطل و افكارو شريرة . و النا رجعة و الحلق على فكرة بل شفايف او بل حاجب احلى من الانف:pos: سيريان شو ئصتك كانو حاططت حلقة:o عم دافع كتير شنو :clap:;) |
اقتباس:
ما المفروض كل انسان بيحط حدودو لحالو و مو كل انسان بيشوف الحدود محل ما انتي بتشوفيها او انا بشوفها:D |
اقتباس:
|
| الساعة بإيدك هلق يا سيدي 01:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون