|
مشهد قد لا يحتاج للكثير من التعليق
1 ملف مرفق .
سنة 1955: الرئيس السوري المنتهية ولايته هاشم الأتاسي (يمين الصورة) يستقبل الرئيس المنتخب شكري القوتلي (يسار الصورة) في القصر الجمهوري ضمن مراسم تسليم المنصب دستوريا.... لماذا يا ترى نفتقد لمشاهد شبيهة في واقعنا السياسي العربي؟؟ مصدر الصورة: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
بكل صراحة لانو الواقع العربي من ناحية الشعب ملتهي بامورو المعيشية وبيانات القاعدة الجهادية...(باعتبار انو ازا الحالة بدنيا فطسانة...خلينا نطلع ع الجنة..بمعية هدول الجماعة..)
ومن ناحية الحكام والزعماء... صعب كتير..لانو الكل عم يستخدم قانون الطوارئ ونظام البيعة بدل نظام الانتخابات والترشيح... واخر مسمار..انو النظام الجمهوري اللي اعتمادو ع الشعب تحول من زمن غير بعيد إلى نظام توريث وولاية العهد.. |
اقتباس:
بس الصورة الوحيدة اللي ما اتكررت هي انو رئيس دولة عربية يتانازل بارادتو عن الحكم لشخص غيرو (لتحقيق حلم) هالشخص هو شكري القوتلي , اتنازل عن الحكم بارادتو لعبد الناصر . الحلم هو العروبة , استطيع ان اقسم ان العكس ما كان ليحصل على الاطلاق شكري القوتلي اعظم من ناصر مليون مرة . *سنة سعيدة عليك يا ياس وعليك هادي وعلى الجميع |
اقتباس:
يحرق حريش يا ياس بضلك تفتق جروحاتنا وبتذكرنا وقت كانت سوريا بلد قبل ما تصير مزرعة انا مع محمد ابراهيم القوتلي بيسوى 1000 من عبد الناصر وهو باعتبار كتير من الناس افضل وانضف رئيس سوري مر بتاريخ سوريا الحديث. لو انو الوحدة تمت وكان القوتلي هو الرئيس مو عبد الناصر كانت الوحدة استمرت يمكن لهلق. بس عبد الناصر كان ديكتاتور كبير وهو من اسس لدولة المخابرات اللي اصبحت قاعدة للحكم في عالمنا العربي بس شغلة وحدا بحكيا انو عبد الناصر كان نظيف اليد ويحب مصر مو متل مبارك ورفقاتو. |
بصراحة ايام الخمسينات كانت العصر الذهبي لسوريا ما بظن باي دول عربية مجاورة بهداك الوقت ولا لهلق كان في تداول سلمي للسلطة بهالشكل ولا في اي رئيس عربي تنازل عن الحكم بارادتو وراح يقعد ببيتو متل شكري القوتلي بس اخ اجى عبد الناصر وخربها وهو من اسس لدولة القمع والمخابرات بسوريا واعطى نموذج عبادة الفرد التي طبق بسوريا وبالعراق وب ليبيا
بس للاسف هلق راحت علينا الشعب هلق غير الشعب وقتها 40 سنة قمع كانت اكتر من كافية لتدمير كل شي |
اقتباس:
ياريت ترجع هديك الايام الحلوة :cry: |
اقتباس:
تحية |
اقتباس:
انا ظللت اتمعن في هذه الجملة وقلت في نفسي بالمستقبل هل سنرى زعماء سوريين يقومون بالعمل الرائع الذي قام به هاشم الأتاسي لااظن ذلك لأن زعماؤنا عبيد للكراسي ,,, هاشم الأتاسي بتسليمه لمنصبه كبر بعيني كتير لأنه ماتمسك بالكرسي وعمل مجازر وانهار من الدماء ووافق على قرار الشعب بانتخاب شكري القوتلي ,, وسلم السلطة بشكل دستوري ... اي شو بدك احلى من هيك يارجل:cry: |
اقتباس:
في كتير ناس ما جاوبوا على الفكرة الأساسية : لماذا نفقتر إلى مشاهد شبيهة في واقعنا السياسي العربي انا برأيي نفتقد هيك مظاهر لإنو ما في شعب عارف حق المعرفة لحقوقه وكمان في مرحلة صار فيها متغيرات دولية كتير ساهمت سلبا وبرأيي السبب الأساسي انو جمال عبد الناصر الله يرحمه فوت الديكتاتورية على سوريا لما مارس حل الأحزاب بسوريا وفرض هيمنة دولته على دولتنا بحجة العروبة وكان ان وجد الزعماء حجج مماثلة لفرض السيطرة بس المعلم الأساسي كان عبد الناصر . تحياتي الحارة ظل جيفارا |
اقتباس:
كيف برايك رفيق ياس؟؟ مايسترو |
لا تزعل بلكي منشوف بشار عم يسلم الراية لرئيس منتخب و تتم عملية استلام و تسليم حضارية .....
|
ليش بنفتقد؟؟؟؟؟؟؟؟؟؟؟؟
سؤال صعب ممكن الأستعانة بصديق |
اقتباس:
لدينا الكوادر و الخبرا و الكفاءات اللازمة لنكون دولة راقية و حضارية و متطورة...لا شك لدي في ذلك.... تحية :D |
كيف ما عنا هيك مشاهد ,
في في عنا بس المشكلة المرحوم ما لحق يسلموه لأبنوه قبل ما يتوّفا , إجاه الموت فجأة ً و لا كان سلّموه المنصب و بكل روح رياضيـّة .. :lol: |
اقتباس:
|
اقتباس:
|
| الساعة بإيدك هلق يا سيدي 03:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون