|
سمعتو بهيك شي ؟
امس كنا عمنحكي انا ورفيقي ..
المهم من جملة الحديث قلي ان وع سيرة المدرب الايطيالي كابريني انو بعد ماتم التعاقد معو وكلشي تمام ومشي الحال قال مابعرق شو صارت مشاكل وقصص .. وعلقوا معو وصلت معن للشيطان الرجيم :shock: وحلقولوا وماعاد بدن يا :? فشو رأيكن بهالحكي مزبوط ولا اشاعات ؟ وعلى ما اظن هالحكي رفيقي جابو من منتدى الكرامة |
اقتباس:
كانوا صرعوا ربنا بهالخبر عالجزيرة الرياضية |
اقتباس:
بعدين يمكن الخبر ماستوى ع المزبوط او بلشت الفضايح تطلع حتى يوصل للجزيرة بس انو ياريت يطلع كزب واشاعات لسه لانو عيب |
نعم بالفعل هيك صار.
بس مو مشاكل معو. المكتب التنفيذي تبع الاتحاد الرياضي العام. قال عندو اعتراض عالبنود تبع العقد!!! انو يا ولاد الحرام هلق فطنتو؟؟ بعد ما وقعتو عالعقد!! وقال شو؟؟ قال ما كانو عرفانين فيه من قبل:? يعني لهون وصلت الكذبة؟؟ انو الرئيس تبع المكتب التنفيذي راح بنفسو حضر توقيع العقد! شلون بقا ما عرفتو؟ عالعموم, اذا ما تم التعاقد مع المدرب الايطالي من هون ل 31 الشهر هاد. فالاتحاد الرياضي رح يدفع 85 مليون ليرة سوريا. غرامة جزائية للشركة الراعية. صار اتصال مع احمد جبان عن طريق برنامج باب الملعب. وحكى هالحكي فيه. قام راح الاتحاد الرياضي بلش بقا باحمد جبان. على ما اظن قريبا رح يقلعوه. افضل طريقة على ما اظن انو اتحاد كرة القدم يبعت تقرير للفيفا. بلكي بيقدرو يعملو شي مع هالاتحاد الخرا. |
اقتباس:
ينعن سعدو برجلي ... تخبيص بتخبيص بتخبيص كلو عبخبص وع رأسن الجحش الكبير الجبان ;) اقتباس:
ينعمى هادا المبلغ لو ينحط ع شي منتخب بصير اخو اختو اخي لقلك بالمختصر امبيرحة رفيقي الحمصي قلي جملة حلوة (مع انو حمصي بس بيفهم :shock:) قلي اخي نحن ببلدنا ماخرج منتخب مدام في هيك اتحاد وفي هيك ناس خلي كل واحد عبعربط بنادي انت عربط بالاتحاد وانا بعربط ع الكرامة وهداك بعربط ع الجيش وخلينا ع الدوري وع الكاس وبلا منتخب بلا وجع قلب هيييييييييييك ليفرجا الله |
صحي نسيت اسالك
عندك علم بالبنود اللي ما اتفقوا عليها شي ؟ وكمان سؤال تاني صدى الملاعب ليش ماعبطلع ؟ |
بعرف انو اعترضو على انو يكون دعم المنتخب احتكار على شركة وحدة (واللي هية "القابضة", اللي جابت المدرب, واللي اتكفلت بمصاريف المنتخب كلياتو, مع مصاريف المدرب, ومصاريف المعسكرات الخارجية, وتأمينها, والتسويق للاعبين السوريين برا سوريا وكلشي)
قال بدهون يعلنو عن مسابقة لرعاية المنتخب. هلق هالحكي مافي مشكلة عليه, بس انو بياكلو خرا وبيعملوه قبل ما يوقعو العقد, مو بعد ما يوقعوه. على ما يبدو انو ما طلعلهون يلحسو اصابيعهون من ورا العقد. قام بطلو. وبالنسبة لل 85 مليون. بكرا بطلعوها من فرق الدوري. شوف هالموضوع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اما بالنسبة لصدى الملاعب. فما بعرف |
قال مكتب ولاد الحرام, واخيرا صدق على العقد.
لللللليش |
اقتباس:
:lol::lol::lol: ي الف مبـــــــــروك وان شاء الله يارب نشوف ع وشو الخير ويعمللنا شي اسم للمنتخب هالكابريني هادا بعد ماصارت سمعتنا بالارض وصرنا فريق يدربوا عليه المنتخبات التانية والسودان ولبنان سبقونا ;) ومبروك 3_1 فزنا ع السعودية كمان (اولمبي السعودية ) وان شاء الله تكون فاتحة خير .. ومو متل العادة .. وان شاء الله تكون سنة الــ2008 سنة انجازات ولو بسيطة لمنتخباتنا وانديتنا كلا عموما (وع راسن الاهلي ) ويرجع شوي ولو صغيرة من اسم وهيبة الكرة السورية والاندية السورية ونرفع راسنا بانديتنا ومنتخبنا ودورينا ... واكيد نخلص من هالحرمية وولاد الحرام اللي كل مالن عبوطوا اسم طابتنا وانديتنا بالارض .. وترجع لفوق متل اول واحسن ع صعيد المنتخبات والاندية والدوري وكلو وغصبالعن كل حرامي ومرتشي وعن الجميع :D |
لو في هيك حكي كانو ما خلو قناة رياضية الا حطو الخبر عليها باليوم شي عشر مرات
بتوقع هل خبر اشاعة:jakoush: |
شو مشان ؟
التصفيات باقيلا كم يوم وبتبلش وكابريني لهلأ مو مبين عنو شي .. شو مشان يالله .. شكلنا بدنان دخل التصفيات مع فجر ابراهيم وع الوعد باكمون |
طول عمرك يا زبيبة هاد وضع رياضتنا خلص سيدي لا تتأمل مصيرنا نفرح لفوز فرق بنغلادش والموزامبيق وما نشوف فريقنا جايب مركز برقم بينقرا من زغرو :frown: |
اقتباس:
وبصراحة هالمنتخب ازا بضل هيك بهالوضع .. وهالمدرب مارح يستلم وندخل التصفيات ونحن هيك .. فبلالنا هالمتابعة للمنتخب مو مشان شي مشان ماننصدم متل كل مرة لانو امكانات منتخبنا وحفظناها :pos: وخلي كل واحد عبلعبط بنادي وبلا منتخب لا وجع قلب :lol: |
والله يا صاحبي ما شكلون رح يسلموه المنتخب.
كل مرة بدفشو الموضوع اكتر. على اساس باول السنة الجديدة, بعدين لنصها. بعدين ليرجعو من المعسكر وهلق قال.. لبعد مباراة ايران. وعلى فكرة الشركة الراعية سحبت العرض تبعها. |
اقتباس:
يستلم شو .. اصلا خلص التصفيات رح تبلش مابقلا غير شي 15 يوم تقريبا هيك شي اصلا حتى لو استلم هلأ مارح يحلق يتعود ويتفاهم مع العيبة بهالمدة القصيرة اللي ضلت .. يعني رح يدخلو ومافيك تير انسجام بين العيبة والمدرب .. والجمهور بمباراة قطر اللي صارت بالشام صار كلو يهتف باسم كابريني بس للاسف لهلأ ماصار شي ومابين شي ولا رح يبين .. ومدام مارح يستلم كابريني فمشوارنا معروف بالتصفيات ومبين من هلأ ومشان الشركة .. لاتعليق .. |
انا متمني من كل قلبي انو نخسر المباريات الستة.
|
قال رئيس اتحاد كرة القدم أحمد جبان في تصريح لجريدة الرياضية إلى أن كابريني سيتولى تدرب منتخب سوريا لكرة القدم بعد عودة المنتخب من طهران وأضاف جبان " بعد أن فشل عقد رعاية المنتخب طلبنا من الشركة المالكة لعقد كابريني أن تقدم لنا المدرب ليكون مدرباً للمنتخب لكونه موجوداً بدمشق، وقد تجاوبت معنا الشركة بكل أريحية ولم تعترض وقد اتفقنا معها على أن يتسلم كابريني مهمته كمدرب بعد عودة المنتخب من إيران، كما طلبنا من الشركة أن تقدم تجهيزات كاملة ووافقت أيضاً ولا أعتقد أن ذلك بحاجة إلى مزايدة أو إعلان وخاصة أن الشركة ستقدم المدرب والتجهيزات دون أي مقابل " . وأكد الجبان أن الجهاز الوطني بقيادة فجر إبراهيم سيبقى على رأس عمله ولن يكون هناك تغيير، بل سيكونون مع كابريني فريقاً واحداً. سيريانيوز |
هلق انو هادا الجبان يا الله لسى ما انقرض؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟
العمى وعيت عالدنيا وانا اسمع فيع و رح موت و هو فالع راسي :sick::sick: |
| الساعة بإيدك هلق يا سيدي 00:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون