|
تساؤل..لاتفهموني غلط..
سلام...
بداية لا تفهموني غلط بدي اسأل سؤال ممكن ينفهم بعكس قصدي وبعدين بفسر ليش.. أنا من الساحل السوري وعندي ملاحظة على الأفلام والمسلسلات السورية :ليش لما بيحكو عنا (بشكل عام) بيصورونا على إننا شعب متخلف لساتو عايش بالعصور الحجرية (لما بيحكوا عن التاريخ) أو نحنا بنحب التشريد (جواز الخطيفة) متل فيلم بنات آوى أو للتهريج بلهجتنا المميزة.. بعرف أنو لحد هلا في فقر وهالمظاهر اللي عم يحكو عنها بس في شغلات بحياتنا المفروض يركزوا عليها أكتر ,على حياتنا الإجتماعية ومشاكلها ضمن طريقة عيشنا ومنشان عدم المبالغة ليكو فيلم العريضة مستواه مقبول حكى عن مشكلة منعاني منها لحد هلا بقالب كوميدي منيح وطالما بيحبو التاريخ المجيد والثورات ضد الإستعمار في كتير ثورات شعبية قاموا فيها فلاحين بسطا صحيح ما سجلت انتصارات كبيرة نظرا للإمكانيات المتواضعة بس احدثت فرق عالمستوى المحلي عدا عن المناضلين اللي سجل التاريخ الرسمي اسمن ممكن حدا يقلي هالحكي فيه مبالغة ويعدلي كم اسم مسلسل أو فيلم بيثبتوا العكس بس هادي ملاحظة كتير ناس حواليي ولأني بنت الساحل عم احكي عنا والحكي بينطبق على كتير مناطق بسورية حلو لو يحكوا عن طريقة عيش الناس فيها وعاداتن وتقاليدن وهمومن والكن مية تحية :D:D:D |
للأسف الأفلام عنا معمولة تجاريا لفئة معينة ترتاد السينامات الهابطة
وان عملت مؤسسة السينما 0قطاع عام 0 فلم مابيفهم منو الواحد شي بنحسو معمول على قياس كم بني أدم ويلي بقارن بين الانتاج السينمائي والانتاج التلفزيوني بحس أنو هدول تبع السينما مابينتموا النا |
| الساعة بإيدك هلق يا سيدي 04:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون