|
متى نهجر من نحب ؟؟
:?
لما كنت صغيرة فتحت عيناي عدنيا وما لاقيت غير بنت خالتي بوجهي وما كان الي اخت غيرها وكبرنا 18 سنة مع بعض بس بكل سنة كانت اتوجعني بطريقة ما كأنها تتجاهلني او تسيء لالي ما كنت قادرة اخد قرار هجرتها الا لما صار موقف كبير وسعتها عرفت انه كنت بضحك عحالي وانه قرار الهجرة كان لازم يتاخذ من زمان وانه ليش هلاء اصحيت عحالي مش زمان هدا مجرد موقف وضحت فيه عن سؤالي وانه امتى لازم نهرب من كوكب قاعد من بعد ما كان وطن لالنا ومن من بعد ما تحول حرارته لبرد وانه لازم نكسب حالنا ونهجر قبل فوات الاوان ؟؟ سلاماتي للجميع :D |
على فكرة حطيتي يدك على الوجع مشكورة
|
هاد اكتر شي صعب مو بسهولة ابدا فينا نهجر اشخاص حبيناهم ممكن نضل نعطي فرص وتخلص الفرص ونحنا لسى عم نعطيون فرصة
باستثناء احد الاشخاص هجرتون من دون اسف عا وئتي معون |
اي والله بنضل نعطي فرص حتى نتلف نحن لان بنحبوا
|
اقتباس:
|
اقتباس:
هو بالفعل صعب بس لامتى ؟؟ يعني بالاخر الواحد بيفقع يمكن هدال الناس مش المناسبين ؟؟ |
سيرين
الحب تبع الطفولة أو الصداقة ما بتحدد مستقبل العلاقات انا درست مع كتير شباب وكانو من اعز صحابي بس لما كبرت لقيت انو بطلو يناسبوني وتركنا بعض ليش؟ هاد الموضوع مو مأساة بس ببساطة هاد هو تكون الشخصية يعني كل منا صار الو شخصيتو المستقلة.. وأنا بصراحة هلأ وبعد 21 سنة عمر ما فيني اهجر حدا بسامح وبعدي وما بئطع ميرسي عالموضوع :D |
اقتباس:
كلام جميل بس انا حابه اوضح شغله انه لما ذكرت قصة الطفولة ما كانت الا توضيح مع انه انا هلاء عمري 19 وصارن قبل 4 تشهر يمكن تأثرت جدا فيها بيني وبين نفسي بس بالنهاية طزززز بس الظاهر انه الكل غرس بالكلامات والفحوى ونسي سؤالي الي هو متى نهجر ؟؟ يعني التسامح حلو بس مش هون القصد احيانا بنتألم مع ناس ونحنا عارفين انه هما السبب وبالرغم هيك بنضلنا جمبهم وهما اصلا مش مهتمين جمبهم ولا بعيد عنهم فهمت علي شلون !! ان شاء الله اكون وصلة رسالتي :D |
سيرين عيوني أنا فهمانك... مثلا هلأ أنا عايش مع شب السنة الماضية كان عمل فتنة بيني وبين أعز أصدقائي مع هالشي ساكن معو وباكل معو وبحبو صحيح جرحني والجرح صعب بس لما تعاملت معو بتسامح رجع كتير كويس....يعني هاد مثال خاص شوي بس بشكل عام أنا بنجرح بسرعة وبسامح بسرعة..........:D |
اقتباس:
|
ألا ينضوي سؤالك هذا على تناقض مربك .
متى نهجر من نحب. وهل الحبيب كائن من كان ...... يهجر؟!!!!. أليس هجرانه ضرب من ضروب الإنتحار؟. هل الحب قابل لأن يتجزّأ أو يلعب عليه بالكلمات, فإن اختلط به ما يشوبه أو يعكّره ويفقده صفاء ينابيع الجبال,لا يعود حباً. والهجران هو صيغة من صيغ تجدد الحياة وتفتحها. أي هو شر لا بد منه. ولا يجوز تأجيله, فالإبقاء عليه ينقلنا من سيئ إلى أسوأ. |
أكيد هلأ وين بتوصل ما بعرف ولايمتى بئدر اصبر لسا الحياة طويلة ومنجرب لسا ما في هديك التجربة :D |
اقتباس:
كلمة من نحب لا تقتصر فقط عالحبيب ( عنتر او راميو ) كلمة واسعه وشاملة الصديق واصحاب العشرة ما علينا لو جيت لمنطلقك اعوذ بالله مين بيهجر حضن دافي غير المجنون بيهجر وطن ليرحل الى الخراب بس شو يعمل الواحد لما هل الحضن يصير بارد ؟؟ تحياتي لالك :D |
اقتباس:
لذلك قلت الجب لا يتجزّأ ولا يلعب عليه بالكلمات. وأيضاً أقول كيف نهجر من نحب. وهل الحب يكون إلا متبادلاً يحقق ذواتنا أو يدفعنا لتحقيقها يشعرنا بالفرح وجمال الحياة ويدفعنا للإنجاز. فإن فقد ذلك لا يعود حباً ووجب الهجران. حتى لو هجرنا حضناً دافئ, لكن يخنقنا بهوائه الدافئ. وكائن من كان هذا الحضن. |
اقتباس:
|
صعب
بالنسبة الي
هجرة من احب شي غير وارد في قاموسي انا كتير عالم من اعز رفقاتي جرحوني ودايقوني كتير بس مع ذلك ما قدرت انو انا اللي انهي العلاقة او متل ما عمبتسموها الهجرة وانا بشوف انو اللي بحب مستحيل يهجر لو شو ما صار:deal: |
الى متى سنطيق وصل من لا يطيق وصلنا ؟!!
اقتباس:
انا كنت زيك ولهلاء هيك بس صدقيني لما توصل الشغله لكرامة قدام ناس عندهم استعداد يرقصوا على قبرك تشتري حالك افضل التسامح انا معه ولهلاء معه ومش اي واحد جرحني معناه الحرب عليه لا طبعا بس سؤال كان واضج انه امتى اخر احتمال بيدفعنا نهجر يعني اخر اشييييييي بصير معك وتقول لهون وبسسسسسسسسس بمعنى الطف ...لمتى سنطيق وصل من لا يطيق وصلنااااا,,,,,,,,,,,,,,؟؟ |
أوف بكتير حالات ..
نهجر من نحب .. لما .. عقلنا بيقلنا نهجرو .. " بمنطقي طبعا ً يتدخل العقل بفعالية في الحب " نهجر من نحب .. لما ... يجعلنا الحب اشخاص أسوأ .. مما نحن عليه عادة أو يوقفنا في مكاننا " يعني الحب اللي ما بيخلينا نكبر وبيحدنا .. لازم نهجرو " نهجر من نحب .. لما ... نحب العلاقة اكتر من الشخص " يعني بيكون الواحد مبسوط عالحب بحد ذاتو اكتر مما معجب بالشخص وحابو " نهجر من نحب .. لما .. ما بيكون البكرا معو ... أحلى من البكرا بدونو ... وطبعا ً منهجر من نحب لما ما بيكون في بكرا .. او امل او امان بالعلاقة :lol: يا ريت كان السؤال ايمتى منبقى كان اسهل :mimo: |
| الساعة بإيدك هلق يا سيدي 20:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون