|
الأسد يصدر قانونا يسمح للمستثمرين الأجانب بالتملك دون سقف
أصدر الرئيس بشار الأسد القانون رقم (32) للعام 2007 القاضي بالسماح للمستثمرين من غير السوريين بتملك واستئجار واستثمار الأراضي والعقارات اللازمة لإقامة مشاريعهم أو توسيعها في المدن الصناعية.
وذكرت وكالة الأنباء السورية (سانا) أن القانون سمح لأصحاب المشاريع الاستثمارية المرخصة والتي سترخص وفق القانون رقم 21 للعام 1958 بتملك واستئجار واستثمار الأراضي والعقارات اللازمة لإقامة مشاريعهم أو توسيعها في المدن الصناعية ولو تجاوزت حاجة المشروع لمساحة تزيد على سقف الملكية المحدد في القوانين والأنظمة النافذة شريطة استخدامها حصرا في أغراض المشروع. وكان مجلس الشعب أقر مشروع قانون يتضمن السماح للمستثمرين غير السوريين وفق القانون 21 لعام 1958 بتملك العقارات واستئجارها لإقامة مشاريعهم في المدن الصناعية حتى لو تجاوزت مساحاتها السقف المسموح به قانونا. ويوجد في سورية ثلاثة قوانين استثمار هي القانون 21 لعام 1958 والقانون رقم 10 لعام 1991 والقانون رقم 8 لعام 2007. ويسمح القانونان 10 و 8 للمستثمرين بتملك واستئجار واستثمار حاجتهم من الأراضي بغض النظر عن سقف المالكية لغير السوريين, وتم تعديل القانون 21 ليقدم هذه الميزة للمستثمرين وفقه أيضا. سيريانيوز نص القانون رقم (32) رئيس الجمهورية بناء على أحكام الدستور وعلى ما أقره مجلس الشعب في جلسته المنعقدة بتاريخ 19/11/1428 ه الموافق 29/11/2007 م. يصدر ما يلي: مادة (1) أ .. يسمح للمستثمرين من غير السوريين أصحاب المشاريع الاستثمارية المرخصة والتي سترخص وفق أحكام القانون رقم 21 لعام 1958 م بتملك واستئجار واستثمار الأراضي والعقارات اللازمة لإقامة مشاريعهم أو توسيعها في المدن الصناعية ولو تجاوزت حاجة المشروع لمساحة تزيد على سقف الملكية المحدد في القوانين والأنظمة النافذة شريطة استخدامها حصرا في أغراض المشروع. ب .. تطبق أحكام المرسوم التشريعي رقم 57 لعام 2004 والمرسوم التشريعي رقم 26 لعام 2003 وأنظمة الاستثمار النافذة في المدن الصناعية على المستثمرين في المدن الصناعية المشمولين بأحكام الفقرة أ السابقة. ج .. يترتب على المستثمر السوري أو غير السوري المستفيد من مقاسم في المدن الصناعية في حال التخلي عن مشروعه لصالح مستثمر غير سوري الحصول على موافقة مجلس المدينة الصناعية ووزارة الصناعة بالنسبة للمستثمرين في المدن الصناعية وتحدد فترة أقصاها سنتان لتنفيذ عملية التخلي المذكورة . مادة (2) ينشر هذا القانون في الجريدة الرسمية. دمشق في 24/ 11/1428 هـ الموافق ل 4/12/2007 م رئيس الجمهورية بشار الأسد المصدر - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
بالاول سؤال:
يعني شو بيحقق هالقانون من فوائد؟؟ طيب سؤال تاني فني صغير: الاجانب بالاساس هل يحق لهم امتلاك مثلا بيت او اي شي ليش للاستثمار بسورية؟؟ يعني واحد مانو سوري بيحقلو يشتري بيت و يسلجو باسمو بسورية ولا الشغلة لازم تكون حصرا للاستثمار؟ |
اقتباس:
بس ان شاء الله خير..كوهله اولى في امل |
خير ان شاء الله
لنشوف شو انعكاساتو الايجابية |
اقتباس:
طيب و اذا الواحد بدو يشتري بيت ما بيحقلو باي شكل؟؟ |
اقتباس:
بيجو الاخوة السعوديين وبيشترو البلد وروح بقا حلها بدون يعملو امتداد للمملكة العربية السعودية عنا بيرضيك:shock: |
اقتباس:
|
انو مدري كيف هيك حسني قلبي انو هالقانون في الو شي مبهم ....
طبعا هو صريح .. بس ابعادو يا ترى شو هي ؟ وبالاخص توقيتو بعد انابوليس يعني هل من المعقول انو يكون تمهيد لعملية السلام وتمهيد للمستثمر الاسرائيلي حتى يقدر يستثمر على اراضي سوريا ؟( موصعبة على الاسرائيلي ياخد الجنسية الاميركية ويدخل فيها على سوريا ويقيم مشاريع ) انو يابا نحنا مع السلام ( كونه السلام خيارنا الاستراتيجي ويمكن صار خيارنا الاقتصادي ) وايضا يمكن يكون نقطة هامة للطرح على طاولة المفاوضات وهي سيكارة :larg: |
اقتباس:
وبعدين حتى ولو حددها بشخص واحد نفسها..بيشتلري الزلمه باسمو وباسم مرتو وابنو يعني كانك يا ابو زيد ما غزيت |
اقتباس:
بالنسبة لموضوع السلام مع اسرائيل هاد مارح احكي عنو (بيجوز فكرتك صح وبتجوز غلط) خلينا بسر التوقيت اللي قلقك , مابعرف اذ كنت بتتذكر هالموضوع او لاء - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - طبعا كهربجي ونيرفانا وانا وانت (المفروض نتذكرو) لانو كنا المشاركين فيه (موضوع كان عالضيق) المهم كان واضح جدا انو الاتجاه رايح ناحية اقتصاد السوق الحر (شئنا ام ابينا) يعني رح نمر بمرحلة السوق المختلط ويمكن لليبراليه (اديش رح تاخد وقت مرحلة الاقتصاد المختلط) قبل مانروح لاقتصاد ليبرالي او لاقتصاد السوق الحر , غير الله مابعتقد حد رح يعرف (حتى وزير الاقتصاد ذات نفسو) وهاد طبيعي . على كل حال هالموضوع مالو علاقة بانابوليس (وفقا لمتابعة الموقف الاقتصادي من فترة) ولكن بالسياسة كل شيء جايز (السياسة والاقتصاد وجهان لعملة واحدة) ,بس راأيي انا انو لاعلاقة بين انابوليس وبين التوجه الاقتصادي الجديد . ان شاء الله هاد فيه الصالح لو الكل اتوحد حول هدف واحد هو "صالح الاقتصاد" وبالطبع هاد رح يراعي صالح الفرد بس من الاوللازم يكون في تشريعات قوية وواضحة كتير (منشان تحمي حقوق المواطن(او الدولة) كلو بيؤدي لنفس النتيجة + توفر مناخ استثماري جيد للجميع سواء مستثمرين سوريين او اجانب) المهم انو كل هالتخطيط بالنهاية يصب في مصلحة الوطن ككل . |
لسا مرسوم ورا مرسوم ومو رايحة غير علينا.. خلينا شوي كمان بدها تصير الناس عن جد تشحد اللقمة وما تلاقي..
هي السياسة الاقتصادية تبع الحكومة شي بيضحك وبيبكي... ولسا منقول منستنى لنشوف النتائج؟؟ هه.. |
لك وين بدو يستثمرو وييييييييييين ؟
بيجي الغريب و بيروح القريب وين بدنا نروح بالشعب ؟؟؟ هالمشروع ما بيبشر بالخير بنووب |
اقتباس:
|
اقتباس:
بعدين شوف المعامل تبع رجال الأعمال السوريين بالصين مشان ما حدا يشاركهون اللقمة بالغصب.. هدول مو الأولى أنهن يستثمروا هون؟؟ عرفت كيف يعني؟؟ |
كل عاده بلش الكل كتابة النتائج كل عاده
لا حكو بنستنى لنشوف شو بيصير ، ولا خير ولا حتى قالو ممكن كيف يصير التخطيط لا لا لا لا لا لا ابدن الكل بلش بالنتائج ، اخي شو بدنا بالحكي شعب نابغه نم طول عمرو بيعرف النتيجه ، قبل المعادله !!! |
لا بربك شريك؟؟
يعني على عماها نمشي؟؟؟ شو بدك تستنى 800 ستو لحتى تعرف؟؟ أنو تنمية يا رجل صرلها ساحة قد العباسيين رح يصيرلها أربع مدري خمس سنين.. بتحب كمان نستنى لحتى تخلص ولّا من هلق مبين أنو الساحة سببت ضعف المشاكل اللي حلتها... بس بسيطة حبيب.. كلنا نوابغ.. أحسن ما نكون مو عرفانين لوين راحيين وماشيين عالعمياني.. |
اقتباس:
اي خيو صبينا ولو كان بارد الشاي منشربو .... هلأ القرار طلع عبارة عن تعديل لقرار سابق بس الخلفيات عنو وشو نتايجو ..... هي لسا مو مبينة .... بس يللي مبين وواضح شغلة اساسية وهي دايما منعاني منها الاقتصاد انو خيو منسمع بقرارات مشاريع ومنسمع بشغلات وشغلات وتعهدات ... بس الفايدة تبعها وين ؟؟؟؟ طيب ليش حتى نجيب مستثمرين اجانب نحنا ؟؟؟؟ ليش ما السوري المغترب بيستثمر عننا ؟؟؟ بس رح قلك ليش ..... السوري بقلك ( يللي مجرب المجرب بكون عقلو مخرب ) ومازال التاميم موجود عننا ........ طيب الاجنبي بيجي وبيستثمر ليش ؟؟؟؟ لانو في بطالة ببلدو وبدو يشغلها عننا ...... اليد العاملة الاجنبية افضل بكتير من اليد العاملة الوطنية .... ليش ؟؟ لانو خيو هدول مدعومين من بلادون ... بس نحنا مين داعمنا ؟؟ فكر فيها بين ما تخلص كاسة الشاي وبعدها منغلي قهوة مرة وهي سيكارة :larg: |
انا و غيري عرفان
وللله ساحة العباسين ما خلصت مو معناها العتب علرئيس ولله ، مو زنبو اخدو متعهد بهيم او قصدي شريك مالها علاقه باللياقه ... حكيلي حرميه اخي حرميه و لو اخدوها غيرهم كمان حرميه العيب فينا طلعوا من هل حكي بئا |
| الساعة بإيدك هلق يا سيدي 04:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون