|
سوريا رمز الصمود و الشوكة في حلق العدو " الى الآن "
على مر العقود و سوريا حامل راية الصمود و النضال في وجه العدو التاريخي ..
و المفترض أنه أزلي .. هذا بحسب ما درسنا في كتب " التربية القومية " .. و أما العرب و الغرب فينظر الى سوريا الشوكة الصامدة في حلق العدو .. بينما يُنظَرُ الى دول جوار اسرائيل الباقية و بالتحديد الأردن و مصر الى أنها دول متعاونة .. و على أنها أخجلت شعبها بفتح سفارات لاسرائيل في أراضيها .. و كون سوريا ما يزال جزء من أرضايها تحت الحتلال فنحن دولة الصمود .. لكن ماذا يحدث لدولة الصمود و الشوكة الأزلية .. في حال عادت الأراضي بالسلم .. و تم " الـسلام " .. كيف ستصبح صورتنا .. ما مدى تأثير ذلك على كرامتنا .. و أين نحن كشعب من ذلك ... *تنويه : في موضوعي هذا لست مؤيدا و لا معارضا .. بل طرحت نقاط خطرت ببالي و أسئلة بحاجة الى اجابة |
انا اذا اجيت على رايي
لايمكن ان تعود الارض بالسلم اطلاقا واذا عادة فليش لا وين رح تاثر على وجه سوريا ومين قثال انو الصمود الو وجه اخر الا تعتبر تخلي اسرائيل عن قطعة ارض غنية مثل الجولان اتى من جراء صمود عنيد ادى الى استسلام سلمي للعدو على كل برجع وبقلك ابدا الارض لاتعود بالسلم لانو التجارب علمتنا ما اخذ بالقوة لا يسترد الا بالقوة انما عملية السلام هذه مجرد خطوات لاثبات المقولة الثابتة وانها كلها دائما حبر على ورق |
صمود مين .. ؟ و اسرائيل في حال رجعت الجولن بكون كسبت سوريا كلا ;)
|
مرحبا
أعتقد أن السلام -إن تم- فسيكون أبرد و أجمد من السلام المصري لأن السوريين مثقفون عموماً و على درجة أعلى من المصريين. و لكن السؤال الحقيقي هو: ما مدى تأثير زوال الخطر الخارجي أمام تهديد الخطر الداخلي و المتمثل بالطغيان الأصولي؟؟فالأنظار كانت موجهة جنوباً نحو العدو بحيث أننا نسينا جنين التطرف الذي أخذ في النمو و ازداد التوجه المجتمعي أكثر نحو اليمين. و لي عودة للتوضيح تحياتي |
اقتباس:
لو صار السلام في شغلات كتير منقدر نكون فيها رمز الصمود :larg::larg::larg: اصلا كل عمرنا رمز الصمود من ايام حمورابي ونحنا رمز الصمود وكان جدي مختار الحارة و كانت ستي تعلم نسوان الحارة الطبخ قلك شغلة سيزر عالهوارة احسن شي :larg::larg::larg: |
:lol: وقتا بيتغير الخطاب بتوقع
وبعدين نحنا من طول عمرنا كانو يدرسونا كمان السلام العادل والشامل .. ورغبة سوريا الحقيقية للسلام اللي كان المحتل عم يعرقل الأمور بيبقى وقتا بيضخمو هادا الجانب وبيصغرو جانب الصمود والممانعة وبتمرق :fthink: |
اقتباس:
بس برايك هيك مو افضل ما تفوت بسوريا عنيفه ، و من نتائجها لح يكون استرداد الجولان انا متاكد بس كمان معناها دمار كبير من الطرفين ، و أسرئيل بهل مرحله الحاليه مالها مصلحه بانها تفوت بحرب على مستوى الدوله كامله ... انا براي انو لو ما نجحت الطرق السلميه بشكل او باخر لح تكون الحرب الحل الاخير يلي مافي ملاص منو و كل مالها الامور عن تتعقد اكتر و اكتر .. بس يكفي انو سوريا لحد الأن الدوله الوحيده يلي صامده بوجه أسرئيل ، بعتبارها من دول الجوار الهم مشكور علطرح حبي:D |
يا سيدي بس ترجع الأراضي بالسلم أنا قبلان أنو نبطّل نصير دولة صمود... بالناقص
|
اقتباس:
بس في شي بيقلك كمان ما اخذ بالقوه لا يسترد غلا بالقوه !!! بس انا بتمنى يصير هل شي بدون تدخل القوه |
اقتباس:
|
طيب سؤال انو رجعنا الجولان وخلصنا وعملنا سلام طب شو بعدين ؟
|
هلأ حكي جرايد حكي جرايد بس كمان فيه وجهة نظر
وكنانو شو بدو يصير يعني تطبيع و شو بدنا نعمل بنعمل بريق شاي |
ليش مين قال انو رح يصير سلام ......:shock: يعني معقول يعملو سلام ويغيروا كتاب القومية :pos:
|
اقتباس:
|
اقتباس:
اي ... ما بيصير تغيير خريطة وشوارع إذا ما غيرت كتاب قومية .... :? لانو لا سلام بدون تغيير كتاب القومية وهاد الشي اللي من الصعب جدا انو يصير إلا إذا - وما ادراك ما هذه الـ إذا - خلصت المسرحية |
ليش ما مناخد العملية عكسية ونحسبها من طرف تاني
لو بحرب 67 ربحنا على اسرائيل واخدنا اراضي ووصلنا لصفد مثلا ( هي مثلا ) كانت طالبت فيها اسرائيل او طالبو فيها الفلسطينيين ؟؟؟ يا ترى رح تكون اسرائيل رمز الصمود والتصدي وتفاوض على الاراضي .... او الفلسطينيين رح يقبلو ترجع الاراضي بدون مفاوضات مع سوريا ... جاوبوني وبقلكون الصمود والتصدي ... |
اقتباس:
هوي صحيح بس وجب الاستفسار .. مالقيت رقم فاكس ابعت علي فحطيت موضوع :p |
مدري ليش أصبت بشي ما بعرف اذا كان هالشي اجاني عدوى او انو هيك اجتاحني فجأة
مممممم... أنو فقدت الرغبة بالتفكير بموضوع فلسطين والعراق ولبنان والازمة بين اثيوبيا والصومال وال... وال... وسوريا وفيما اذا كنا رح نبقى صامدين وللا رح يصير حرب وتخرب الدني والبنى التحتية وللا كلوا بالوقت بيظبط وللا مابعرف شو أصبت بنوع من الملل من متابعة الاخبار والبرامج السياسية والقرف من كل شي يعني بعرف انو اضافتي او عدم اضافتي لهالموضوع مو شغلة عظيمة يعني مو قصة اي بعرف بس باعتباري مواطنة سورية بالدرجة الاولى وعربية(..) ف حدا منكم صار فيه متلي؟؟؟؟؟ |
| الساعة بإيدك هلق يا سيدي 07:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون