نعوة : انتقلت الى رحمته تعالى .... "حالي"
 

يا شباب يا أصدقائي يا أخواتي يا حبايبي يلي أنتو بتصنفوا حالكن زي ما بدكن
اليوم رح انعي هون قدامكن ومعكن حالي
لأنها ماتت من كتر الحزن والقهر والتعب ومن كتر ما صرخت وما حدا سمعها
الحادث صار هيك : أنو من يومين وانا مريضة كتير وكان شكلي متل الطير المدبوح وعم يرقص من الألم
حكتلي حالي انو انا تعباني كتير ... بس فكرتها انو متل كل مرة بتتعب شوي وبترجع احسن من الأول
وكابرت شوي عليها وانو مشي الحال هالكام يوم بس حتى تطيب كليتي وما رديت عليها
مبارح كانت كتير تعباني وعم تنق وقالتلي ما فيي عيش هيك الشغل كتير والتعب أكتر وما في شي بالحال عم تضغطي عليي اكتر ... سايرتها بكلمتين وقلتها بلكي بكاس وسكي بتطيبي وجبتلها بيتزا و سندويش شاورما بس والله ما أكلت وحسيت انو قاطعة اكل ... ووضعها متأزم اكتر من الأول ... المهم اليوم من الصبح فقت مرضاني أنا وتعباني كتير ومزعوجة كتير ومو عارفة شو صار دورت على حالي ما لاقيتها صرخت ... بكيت ... ندهت ... بس
لا حياة في من تنادي .... تأكدت وقتها انو انتقلت الى رحمته تعالى ...
ولهلأ وبهي الساعة بالضبط الي انتو عم تقرأوا فيها هي النعوة .... أنا مو مصدقة انها ماتت وانا بعدي عايشة
يمكن ... الحقها ويمكن .... ما بعرف
ما بدي من حدا يشارك بالموضوع غير بشغلة فرحة لأن الحزن بيدبح وبدي اخلص منو وافرح .....



على الهامش
----------------
يا ريت ..... الي بيعرفوا حالهن انو هنن السبب :pos:يحكوا شي حلو مشان يداووا شوي الجراح الي تركوها بروحي ... :hart:

بتكون نزلت تجيبلك ورد وفل مشان ترجعي ترضي:clap:

له بعيد الشر عنك ولا تمرضي ولا يصرلك شي لكن مين رح يضل من بعدي يكمل الي بلشناه
بعدين انا بحبكن كتير كتير وانتو بتعرفوا بس والله غير الشديد القوي والموت ما رح يخليني انساكن ...

يا ريت يا ريمي بتمنى هالمرة تكون متل كل مرة وارجع ارضى

او اللووووووووووووووووووول
طولي بالك اصحك تخليها تروح ها :shock:
ترى اذا راحت بيجوز حدا يزبطها عالطريق :sosweet:
بتعرفي يعني النفس شهوانية :p
يعني بلكي حدن عزمها على شي نفس اركيلة او شي غدا مرتب او شي حفلة مثلا ;)
اي والله بتطول تترجع :cry:
روحي روحي لحقيها اوام يالله لشوف :jakoush:
طيب كذبي عليها و قوليلها انك صرتي منيحة و خلص ما عدتي مريضة
بلكي طلعت غبية و صدقتك و رجعتلك :yahoo::yahoo:





سلامتك ام اللول ما بيطلع بادينا غير انو نقلك سلامتك للاسف و معافاية ان شالله يا غالية :cry:

لك لك لك شووو هالحكي انشالله اللي بيكرهوكي :cry:

خديلك شي كاس كاسين وسكي دبل و من بعدا بتصير و لا أروع من هيك

بتعرف أبو السوس الكاس والأركيلة هنن حياتي بس والله ما رضت حالي وما قدرت اكذب عليها اكتر عرفتني ما رح ارجع متل الأول وهيدا هوي السبب الي خلاها تموت من القهر والزعل

لا كاس ولا اتنين ولا عشرة دوبل ممكن يخلوني ارجع متل ما كنت لأن السبب هالمرة بروحي وموت حالي هوي احد الأمور الي رح تخليني الحقها قريبا ....

تعيشي يا سرسورة الحلوة والعمر الك وانشاء الله ما نردلك ياها غير بالأفراح

ام اللول طولي بالك شو هالحكي :jakoush::jakoush::jakoush:
طيب يعني عادة ما في مسكنات ما في شي يخفف عنك هالشي ؟؟ :shock: :shock:
ولا كل مرة بتضلي هيك عم تعاني و تعاني و ناطرة فرج الله و رحمتو لحتى تخف النوبة
يعني والله مو معقول انك تضلي هيك صابرة عالوجع اي حراااااااااااااااااام :jakoush::jakoush::jakoush:

سيمو انت دكتور وبتعرف انو نوبة البحصة تحديدا ما بيتاخد فيها مسكنات لأن ما بتعود تنزل ولأن البروفن ما بيمشي حالو معها.. كمان لما بيكون معها نزيف ما بقدر آخد دوا من عيلة المول لأن بيعمل نزف اكتر ...
والديكلون وجع معدتي منو اكتر من وجع البحصة بذاتها فلهيك عاملة حالي انو خليها على بحصة تجرح ولا دكلون بالمعدة يفضح هههههه
وشكرا جزيلا جدا على اهتمامك دكتور وسيم :p

اي شو بعرفني انا كلي على بعضي لساتني فصعون سنة اولى منين بدي اعرف هيك شغلات
طيب يعني ما في حل ابدا ....:shock:
طيب اشربي بيرة....بسمع انو البيرة منيحة لهيك شغلات :?

سلامتك الف سلامه يا رب

نشا الله ااانا ولا انت ... مع اني ما بتوقع اني مطول لحتى يصير فيني هيك انا ولله

يي كمان انت اش
انو شوو هاد مرض جديد منتشر :?

سلامتك انشالله ومابتشوفي شر:D:D:D

مشان البحصة البروفين والدوكلين والمسكنات مابيعطوكي تأثير منيح بهيك حالة....... المفروض تاخدي مضاد للتشنج بينفعك اكيد بس بصراحة مابعرف اسماء بالعربي لمضاد للتشنج ( في دوا اسمو (نو شبا) انشالله بتلائي منو او متلو بالصيدلية)........... أما ازا مابدك الصيدلية كلها فلما توجعك جيبي ئنينة مي او كولا وعبيها مي سخنة وحطيها على مكان الوجع وانشالله بترتاحي........ ونصيحتي الك لاتهمليها لانو الوجع ماحيروح لحتى تتخلصي منها وبامكانك تعملي تفتيت للبحصة بدون وجع ولا عمليات ولا يحزنون وانشالله بتتخلصي منها............. وانشالله ألف سلامة عليكي وانشالله عدوينك:D:D:D

ومشان الحزن اسمعي نصيحتي الحزن لاحيريحك ولاشي بالعكس حيتعبك نفسيا ويزيد همك........ بعرف انك حتئليلي اللي بياكل العصي مو متل اللي بيعدها بس انا لو بدالك بحاول ارفع من معناويتي وكون اقوى من كل شي وعلى فكرة المعنويات بتلعب دور كبير بالمرض ......... جربي احضري شي كوميدي شي يفرحك ........
وآسف عالاطالة وسلامتك:D:D:D:D

شكرا شكرا شكرا شكرا هي على كل النصائح هلأ بس اسم الدوا ما فهمتوا المهم بدور عليه متل ما هوي يعني هيدا الاسم الطبي أو اسم تجاري ...
ولا يهمك ما رح موت من المرض بس رح موت من الزعل الله وكيلك لأن هيدا الي موت حالي ...