|
مطار دمشق الدولي..شو صار معكن فصول فيه؟؟
مرحبا كتير مننا هون سافرو لبرا و رجعوا لسورية عن طريق مطار دمشق الدولي هاتو لشوف احكولنا عن الفصول اللي صارت معكن هنيك من مضايقات الشرطة للرشاوي للنقد العام للمطار :D |
انو معقولة ما حدا صار معو شي بمطار دمشق ؟؟؟ نهائيا؟؟؟
انا ما صار معي شي لانو كل اللي مريت فيه 5 مرات و على اعتبار اني طالب ف ما كتير دققوا عليي مشان الرشاوي و هيك شغلات..... طيب و انتو؟؟ |
انو ليش ما بتفتحوا الا المواضيع السيئة والله بلدنا فيها كتير اشيا حلوة
ليش مصرين عا تشويه بلدنا لك هي بلدنا يلي تربينا فيها وشربنا ميتها بكل دول العالم الشعب بيقدس بلدوا الا هون بشوف كل واحد عم يدور ليكتب شي |
اقتباس:
أنا حكيت شو صار معي بآخر نزلة بموضوع آخر تحية |
ولله موضوع جميل هلأ انا بالشغل بس ارجع بحكيلك شو صار معي اخر مره بالمطار
وهلا بعتباري نازل قريبا ، لو صار شي بخبرك ... بعدين ياس حبي بدنا نعود ندور شو صار معك مثلا يعني كتبلنا ياها هون بيعينك الله |
مره كنت مسافر من شي 3 شهور
وكان الوزن المسموح فيو للطياره 30 كيلو طلع الوزن الي معي 32 قلتلو للبطيخ عادي دايما بمشونا قلي نزل الهاند باغ الي بايدك عالوزن وأنا كنت متأخر أساسا بعد تأجيل موعد الطياره وبدي اخلص منو ومن غلاظتو سألني بغباء أنت طالب ابني؟ قلتلو اي الله يساعد قال ازن مطول لترجع هاتلي المصاري السوريه الي معك ما بئى تنفعك قلتلو شو هتتغير العمله من هون للصيف ولا رح يصير اعصار يقش هالناس قلي طلعون وبلا فلسفه أحسن ما رجعلك غراضك ها وصاحبكن باشق طلع وعطا 275 ليره متل الأرنب كل ما تبقى من ريحة الوطن الغالي قلي ماشي الحال الله معك وسافرت مبسوط من هالتوديعة الخرندعيه......:o ولسه ما احلى مطار الشام بالنسبه لمطار حلب ولي هداك حدث ولا حرج........ |
اقتباس:
احم احم لك ياعم شو هالدولي قول جهوي احسن ريحة الدولية مافيه مطار فيه طيارة باتجاه اوربا كل يومين والله وكانو محطة مكروباص بس شو بدك تحكي والله الله عالرشاوي والبقشيش يا اهلين وسهلين بالبقشيش وكانو ضريبة سفر اجباري وعندو مقاييس تبقشش من ال50ليرة فما فوق وبتكشيرة كمان من اول واحد عالباب لاخر واحد بقعر الطيارة لك وشو بدنا نحكي شو هالاستقبال تكشيرة وعصبية وكانو عم يشتغلو بملك ابوهن لك الله يعين البشر :cry: |
:o ايه حلو.........
|
ولله كل يلي كتب و علق بحسوا يا بيخترع يا بس لمهم يشارك انا صرلي 8 سنين بفوت و بطلع علبلد كل 6 شهور من المطار و صرلي 3 سنين ما حدا طلب مني اي شي و بلعكس محترمين و لله ما حدا بيطلع فيك و الاهم الجمارك بس بيسالو سؤال اذا معك شي للتصريح
و قبل ال 3 سنين فعلا كان في رشاوي و قلة ادب بقا يا اما يلي قال انو بيدفع رشاوي شكلو غلط و مبين عليه انو تبع تهريب يا اما تعليك مو اكتر |
اقتباس:
والله العظيم وحياه امي انو اخدو مني كل المصاري السوريه من 3 شهور لا تقلي سنين الفساد عم يزيد وينخر ويصير علني أكتر هاي أولا بعدين أنا طالب ماني مطلع معي شحنة أسلحه :larg: |
اقتباس:
و كأنك مانك فايت ع التواليتات بالمطار....وكأنك مانك شابف النظافة بغير مطارات مقارنة بالقرف و الوسخ اللي عنا... و كأنك مانك شايف اللافتات اللي مكتوب عليها ممنوع التدخين و بتلاقي عناصر الشرطة هنن اللي بيدخنوا تحت هاللافتات تحديدا....و كأنك مانك موقف عالدور شي ساعة بس لتختم جوازك كسوري و تفوت مع انو الشغلة ابسك من هيك الله ما خلق.....و كأنك مانك ناطر عالدور و متعرض للتفتيش و كانن شاكين فيك على انك ارهابي و كأنو كل هالشي كلو ما عم يصير معك ...و كأنو انت الك شي واسطة لحتى هالشي كلو ما عم يصير معك |
الله يطعمنا اياها البهدلة في مطار دمشق ...
بس نفوتو بالأول :p حتى لو كان مع بهدله |
اقتباس:
انا من الناس اللي بيحبو سورية و بيحبو قائدها الدكتور بشار بس حبي لسورية هو اللي عم يخليني انتقد الغلط اللي فيها اقتباس:
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
اسباب سياسية :pos: :p:p وين غايبة يا ملعونة من زمان :o |
يا حبيبي انا جاوبت على موضوع الرشاوي يلي كتبوه الشباب يلي ئبلي انتا لاحظ حدا كتب على النظافة او على التدخين او على ختم الباسبور
انا جاوبت على التعليقات يلي قريتها و ماحدا حكا الا على الرشاوي يلي اذا ما نتهت بتكون خفت كتير و انا معك انو النظافة ئليلة كتير بس و لله ما شفت ولا واحد اخد مني رشوة من 3 سنين و ما شفت وجوه مكشرة بلعكس صايرين فيهون شوية احساس بس من نواحي النظافة فعلا مئرفة بلحمامات بس التفتيش و الجمارك و الوزن ولا مرة حدا غلط او لمح برشوة او اخد حتى |
اقتباس:
بس انا كمان طلبت بالموضوع النقد العام للمطار مو بس الرشاوي :D |
اقتباس:
يعني بفرض حظك حلو و ما طلبو منك رشوة و ما كشّروا بوجهك يطلعلك لهالسبب تعملنا مهربين؟؟؟ روح شوف صفحات الانترنت تبع وزارات الخارجية بأغلب دول العالم شو بتنصح رعاياها في حال السفر الى سوريا |
yass حاسك سنفور غضبان انا يلي صار معي حكيتو على كل حال من اكتر من موضوع ئريتو ئلك عرفت انو مو عاجبك العجب
يلي صار معك حكيتو و يلي صار معي انا كمان حكيتو و كونو يلي ئلتو صاير معي مو نقلاً عن غيري فا سمحلي ئلك انو انا الصادء انو ننكر اي تحسن ملموس بلبلد لازم نحكيه و ناكد عليه مو نعمي ئلبنا على الاشيا المنيحة و نحكم على حالنا انو متل ما نحنا ما تغيرنا .... و لاتنسى انو نحنا عرب و منبئى عرب لك اذا الشعب متخلف و بحياتو ما بيتحضر اي معاملة منيحة بدو يشوفا الشعب بلمطار و بعدين اي بلاد بتحكي عليها ؟؟؟؟ انا سافرت بريطانيا فرنسا المانيا هنغاريا اسبانيا قطر دبي بلغاريا و بحياتي ما سمعت عن يلي بتئولو الا بدول الخليج لان عقدة الغطرة و العكال عامية على ئلب شوفير التكسي و شرطي المرور و كل الشعب كمان و انتا من هلشعب !!!! اذا في تار بينك و بين الحكم بي سوريا مافي داعي انك تشوه صورة بلدنا بنظرنا من كذب و تلفيق وشي صار و شي ما صار |
| الساعة بإيدك هلق يا سيدي 13:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون