Golden Lines
 

سلامات لكل أعضاء المنتدى الرائع لأ عفوا الأروع على الإطلاق
هادا يا أعزائي أنا صحيح مسجل من زمان بالمنتدى بس ما كنت عم بقدر شارك لأنو كان في مشاكل وما بعرف شو بتنشيط عضويتي وبعدين الموقع كان محجوب لفترة وللصراحة أنا ماكتير كنت فاضي
بصراحة في براسي أفكار كتير بس بدها كتير وقت للتنفيذ وبصراحة أنا حابب كون مفيد لهيك حابب قدم موضوع يمكن هو انطرح من قبل أو لا ما بعرف لأنو بصراحة ما قدرت اتصفح كل الموقع
مالنا بالطويل الفكرة هي انو كل واحد فينا مر بحياتو بمواقف أو تجارب أو شاف شغلات أو قرأ شغلات يمكن غيرت حياتو
يعني كل واحد فينا مر على شي كلمة أو جملة أو صورة أو قصة كاملة وكان الها دور بالتاثير على شخصيتو أو حتى لو ما أثرت على شخصيتو فعالأقل ضل معو شي ذكرى منها

هلأ أنا ليش لبكت حالي بكب هالحكي
حاصلو المطلوب انو كل حدا يشارك بشغلة:
- عبارة قرأها وبعرف قائلها وحس انها عنجد بتستاهل تكون Golden line
-رواية ---- قصة ----- كتاب ------ فيلم ------- أو حتى غنية
عنجد تركت شي بذاكرتو
أحيانا يا شباب ( وما بعرف اذا حدا مجرب هالاحساس) بيحس الانسان انو كل حياتو هي ذكرى انو هو نفسو شوية ذكريات
حلو الانسان يكون عملي وواقعي وطموح وحلو يجتهد مشان يوصل ليلي بدو اياه بس أنا برأيي المتواضع
انو اذا (ما حس الواحد من فترة لفترة بشي صعب انو الكلمات توصفوا شي جواتو ما حدا في يعرفو الا هو نفسو وما حدا تاني بالكون) فعذروني هو .................................................. ..........مو انسان


أنا يمكن ملبك ومو عرفان شلون بدي اطرح الموضوع بس يمكن الفكرة صارت واضحة ولهيك يا سادتي الكرام أنا رح بلش

يا جماعة هالعبارة قرأتها مرة بالصدفة على آخر صفحة بدفتر ملاحظات قديم وعنجد كانت مو طبيعية لأنها بتعطي احساس ثقة عالي جدا
"اذا كنت أنت والعالم على طرفي نقيض فاعلم أن على العالم أجمع أن يبدل رأيه"

الكتاب يلي عملي نوع من التغير بحياتي كان هو كتاب الخيميائي لباولو كويللو
بعرف انو كتار يلي قرأووه بس هو عنجد واحد من كتبي المفضلة

معقولة لسا ما حدا خطر ببالو شي يا شباب