|
هل تستحق فتاة القطيق ان تجلد لأنها اغتصبت ؟!
اقتباس:
المصدر وطن الشباب . أول ما سمعت عن هذه الحادثة تذكرت نقاشا دار في أخوية مع اخت سعودية كانت تفخر بأن المرأة السهعودية مكرمة وبأن الشعب السعودي شعب عريق يحترم المرأة وأخلاقها .. لم أقم بنقل الخبر كي أثبت لها ان نتيجة الكبت هي 180 درجة عكس النتيجة المطلوبة فحسب بل لأثبت لها ولغيرها أيضا بأن النظام القضائي السعودي نظام فاشل وغير منصف في أي قضية تتعلق بالمرأة ! هل من المعقول ان تكون عقوبة مغتصبي فتاة متساهلة لهذه الدرجة؟ بكتير دول بتوصل العقوبة للاعدام وهم اكتفوا بهاي العقوبة السخيفة !! وهل يعقل أن تتم معاقبة الضحية لا لشيء بل لأنها اغتصبت ؟؟ هل يعقل ان يجلد الشخص الذي حاول مساعدتها بتهمة الخلوة غير الشرعية ؟ شو لازم يجيب محرم معو لينقذ وحدة ؟! :shock: ولايمتى المرأة السعودية ستظل تنكر انسانيتها ووجودها ؟ وهل يستحق الحرية من لا يؤمن بوجودها أصلا ؟! مش عارفة الموضوع قارفني وحابة اسمع رأيكو فيه :frown: |
هون بسوريا اللي عالأساس منفتحين و حضاريين بتلاقي ناس بيقولو أنو بحالة الاغتصاب الحق عالمرأة كمان لأنو لو ما لبسها ما بعرف شو و اغوائها و ما الى ذلك من هالعلاك الفاضي...
يا حرام!!! |
بس ما سمعت غير في بلاد العجائب عن وحدة بتنجلد وبينحكم عليها بالحبس لأنو تم اغتصابها !
|
اقتباس:
يمكن عنا يحطو شوي حق على البنت من ناحيه لبسها ما بعرف كيف كان ومن هالكلام بس الاكيد انها ما بتتعاقب :shock: .. يعني لحد ما بتاخد حقها " هو أكيد حقها اكبر من أي عقاب للفاعل " بس لحد ما أما إنها تتعاقب لأنو تم إغتصابها فهاد فعلا على قولتك ما بصير إلا ببلاد العجائب لأ وكلو كوم وقصه الخلوه غير الشرعيه لحالها كوم :? وبنظري انها البنت تعاقبت اكتر بكتير من يلي اغتصبوها .. وكأنها صاحبة الذنب الاكبر |
اقتباس:
|
اقتباس:
البنت هي انظلمت من القانون قبل الناس |
Yass احنا مش بنحكي انو المجتمعات التانية مثالية
نهائيا المجتمعات العربية المرأةفيها اجمالا مسحوقة وماكلة هوا وياما بنات انقتلو لأنو اغتصبوهم وياما بريئات راحو بقضايا سفاح او قضايا قيل عنها انها قضايا شرف بس الأنثى كانت بريئة فيها ! ومش بحكي انو القوانين اللي بالدول العربية مثالية لأن مثلا بالقتل على خلفية الشرف القاتل الو عذر مخفف بيخفف العقوبة عنو بس مع كل هالمساوئ اللي عم بحكي فيها ما بيوصل الأمر للدرجة اللي وصللها بالسعودية ! ولا بيوصل الاجحاف انو تنجلد وتنحبس وتتعاقب لأنو تم اغتصابها ! احترامي Yass |
اقتباس:
انو أفهم قصة هالخلوة الغير شرعية والله ما فهمتها ! تسلمي ع مرورك :D |
بهالقضية الحق عالمجتمع بالدرجة الأولى تماما.... حتى اذا ما تعاقبت هالمسكين بالجلد و خلافو, شو موقف عيلتها منها؟ راح تنخطب هالبنت؟ نظرة المجتمع تجاهها راح تكون سلبية تماما.
بالنسبة لجرائم الشرف الكاذب هون الحق عالتشريع لأنو بيعطيها أسباب مخففة أولا, و لأنو مافي حماية قانونية لهالبنت اللي ما عملت شي غلط غير انها مارست حقها الطبيعي بالحب |
يا الهي الطف بعقولنا ..... اللهم لا تؤاخذنا بما فعل السفهاء منا
والله اكاد اجن لهذا الوضع |
اقتباس:
عالتلفزيونات والمحطات بيحكي انو زوجتو تعبت وهي الضحية وتستحق الانصاف ! اما بشكل عام فنظرة العائلة والمجتمع تجاه الفتاة المغتصبة مش كتير بتفرق عن نظرتهم للبنت اللي بتعمل قصص مش صح ! شكرا YASS :D |
اقتباس:
يا هلا :D |
ياعزيزتي
لما تشوفي بمواقع اخرى وبمنتدى يدعوا على البنت ويشتموها على اسا انها رافضية شيعية وتستاهل العقوبة ايش يكون ردة فعلك؟؟؟!!! شئ يرفع الضغط كل الردود بالتحسب عليه ويدعوا عليها وانها تستاهل الجلد ...الخ لانها رافضية وكان في موقع لسة اليوم شفته عن اخبارها حطوزا رابط عن موقع تصويت لان الغرب تدخلوا والاخت اللي حاطة الموضوع طالبة يصوتوا ضد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وواشنطن تعتبر قضية "فتاة القطيف" مثيرة والرياض توضح موقفها وطبعا الاخت معترضة بسبب تدخل واشنطن بابداء ..........الخ - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الصراحة انا مصدومة من ردودهم ونازلين شتم بالنت وطعن فيها ! |
اقتباس:
|
اقتباس:
أنو أحيان عادي لما منشوف مجتمع معين .....متزمت أو متعصب أو .... بس لما بكون قانون بلد ...... متخلف و ظالم لهالدرجة ..... فهون المصيبة |
اقتباس:
والله لا يزورك هيك بلدان بتنفلجي :cry:عادا مكة يالي مكان مقدس ولازم نحترمو :D |
أبتسم فأنت بالسعوديه :o
|
أكيد ازا الاحداث صارت بهاد الشكل فلا يحق ابدا انو يجلدوها يعني شو هالتخلف :cry:
بس انا قريت بموقع تاني انها اعترفت بالزنا :? ما بعرف!! |
| الساعة بإيدك هلق يا سيدي 02:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون