|
قاتلتي و الحــب ....
أكتب لك اليوم بعد الهزيمة . معترفا بانهزامي أمام ذكراك الأليمة . لا تقولي . انتصرت على الساري ودمرت أسطورته . ولا تقولي . أنزلته من برجه العالي وكتبت مرثيته . بل قولي . ملكت قلبه بفيض عطفي و حناني . نصبت له فخي .. عطرا وصوتا دافئا و أماني .. فوقع في فخي بلا شعور أو حراك .. وقولي لصديقاتك عني . أني لازلت بك أغني . وأني أرسمك على خد المساء كل ليله . قمرا منير . وأني أمام حسنك أصبح كالطفل الصغير . ان كنت تريدين أن تفخري بانجازاتك الغراميه . فافخري بقلم كتبك عشقا و بطله دراميه . تجيد ذرف الدموع زورا وبهتانا . تتلوى على ساعدي . بصفات ثعبانا . قاتلتي والحب سيدتي : لا أكتب حروفي . لأجدد بك عهدا للحب . ولا أسطرها . لأنفس عن ما في القلب . ولكن .. لأكتب تاريخ عشق بائد .. لن تقرأيه في مدرسه أو في جرائد . فكلها مثلك . تجيد الزيف وتزيف الحقائق. تاريخ حبي . ملطخ بدماء الفشل. لا فتاة صادقه . ولا أبيات غزل .. بل جروح . وسهر . وديوان شعر . يخلو من ذرة أمل . كتبت في الصفحة الأولى إهداء لغالية . رسمت صورتها في كل صفحه. وأرسلته بالبريد . لصاحبة الفن الفريد . تلك التي أسميتها قاتلتي . تلك التي ناديتها يوما سيدتي الجميله 0 تلك التي عند رحيلها. كتبت خاتمتي . أحبك سيدتي : ليس ذنبي أني صريح . كما ليس ذنبك . انك تهوين المديح . ولكن ذنبك . قلبا على شرفة غرفتك ذبيح . أزوره كل ليله . فأجده راكعا عند أزهارك . يشم هذه ويضم تلك . ويبكي ويصيح . يا سيدة الحسن . ويا خالية من كل عيب. برغم ما جنت يداك وما سطرت أناملي . أحبك وهذا أيضا ليس ذنبي . ولا ذنبك . بل ذنب عينيك وخصرك و شعرك والهوى . هو ذنب حسنك وابتسامتك ورقتك والجوى. هو ذنب كل ما فيك من خصال تكرارها مستحيل. هو ذنب قلبا . تعلق فجأة بفتاة جمالها سلسبيل . اكذبي أو نافقي أو اغدري أو اظلميي . ولكن أرجوك ابقي على قيد الحياه . فمن لهذا القلب المعذب سواك بعد الاله ؟؟؟... الوطن والقبيله أمير الروح م ن ق و ل |
اقتباس:
المهم حلوة عبد بشرفي حلوة احسنت ثابر والى الامام :o بعدين ما كملنا حديثا عالمسنجر نحنا وينك انت موجود هلق؟؟ |
عبد هاي ابداعك .. وللا ملطوشة ؟ :?
|
حلوة اش ويين هالمواهب انفجرت فجأة
بس رووعة :D |
لطشك شو :frown: انا الناس بتنقل مني اذا بدك يا شب الكوبا شو مفكر انت
و شكرا على الردود الباقيه نتظرو ابداعي المميز الجديد ايوا |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :? |
اقتباس:
حسنة تجبلي مين كاتبها من بين كل يلي نقلتهم او امتى نكتبت او اول منتدى جبتو :? يعني ما بعرف امركم غريب يا هل شعب ، دور اكتر لسى في اهم منتدى ويلي نكتبت فيه اول مره هل خاطره ما حطتو انت :? |
بس قرئتها حسيت حبيبته ردت عاليه وقالت................ اعـتـيـادي على غـيـابـك صـعــــــــــب***و اعـتـيـادي على حـضـورك أصعــب. :Dمشكور حلوة و الي زادها حلا انها منك |
اقتباس:
|
آخر أيامك يا " خواطر و خربشات " ..
كل شي بصير , حتى الخواطر و الخربشات بصير ملطوشات .. :sick: |
اقتباس:
امركم غريب يا هل شعب ، بدي صير بس نزلكم شي فصلكم باخريتو برسم بياني كيف جبتو ، هل خاطره شب من قطر يلي كاتبها صاحبي وانا اخدتها منو ، معنى انها نازله بمنتديات تانيه ، مو معناها لاطشها ، و هي مو اول مره بنزلها بمنتديات ، ما بعرف يعني شو يعمل الواحد معكم ، انو شي كخاطره مثلا ، لو كانت منقوله بحطها بقسم الملطوشات شو هيه موضوع هل تعلم ولا موضوع ايميل ؟؟؟؟ بتحبو نصير نحطلكم ، مع المرفقات كتاب موقع من كل واحد بيكون كاتب خاطره او شعر ، مشان يسمحلي بتنزيلها |
يبدو أن لصاحبك القطري معارف كـُثر , لإني لاقيتا بألف موقع .. :lol:
بالمناسبة سلملي عليه لصاحبك و قلوه ما ظريفة تنقلا من غير موقع و تقول إنك كاتبا .. :lol: |
الحب ...بالرغم من عذاباته .؟..وبالرغم من الموت في أـحضانه ....يبقى لذيذا حد الجنون من قال ان هناك قبيلة ووطنا غير القلب؟؟؟ ومن قال أن هناك عشق لنفس بحد ذاتها؟؟؟ أنا وبناء على خبرتي بالعشق .... أجد أننا عندما نعشق فعشقنا يسطّر لذات نرسمها بأنامل مبدعة... عشقنا يكون للوحة نضع فيها كل مقومات الجمال لانسان امتلك بقايا أرواحنا فصار يشبهنا أو يكملنا وغالبا ما نكون قد عشقنا الصور التي رسمناها ليس الا الحب والقتل والموت والمجهول مسمى واحد تعددت حروفه يعطيك العافية اش ...وما في داعي للتعصيب ...عادي خدها بكل روح طيبة وسلمت يداك |
اقتباس:
ما بتعرف ولا لح تعرف ، معناها ممكن انو تسكر الموضوع ، الشب يلي كاتبها مانو محتاج ينقل و يكتب الحمد لله معروف بكتابتو وعلى مستوى الخليج :lol: شعب بيحب العي :lol: اقتباس:
اول شي يسلمو لردك وشوم تاني شي ولله صعب اخدها بروح رياضيه لانو صارو تلاته حاكين نفس الكلمه ، و حكية لل 3 جيبولي مين كاتبها وتعالوا حكو ، طبعا اول تنين نسيو الموضوع و خلص مشي حالهم ، بس بلاك لانو بيحب المناطحه لح يمد الموضوع بيني وبينو شي عشر صفحات ... لهيك يا عالم يلي بيعرف مين كاتبها يحطلي اسمو ، ويلي ما بيعرف مو ضروري يرد اصلن لو ماعجبتو :D |
:lol::lol::lol:
اللعي المفيد حكم .. :lol: المهم لأعطيك من الآخر و ما رح غشك قسم الخواطر و الخربشات لإبداعات الأعضاء من نثر , سرد .. إلخ يعني لأشرح أكتر في حال كنت إنت كاتب الخربوشة بتنزلا هون .. قسم قرأت لك , مقالة عجبتك , خاطرة عجبتك .. إلخ و لأشرح أكتر إنت بتحط المقالة و بتجيب مين كاتبا / لأانو انت الناقل / , طبعا ً يكون الكاتب معروف مو حمود المنجعي .. :lol: قسم الملطوشات , للمواضيع الملطوشة و لأفصل أكتر مثلا ً صاحبك القطري ناقل الخربوشة محلا بالملطوشات و هكذا .. معقول صار عندك هالكم الهائل من المشاركات و ما بتعرف توجهات الأقسام و اللهي عال .. عموما ً أنا ما عم أملي عليك أدبيات , بس حضرتك طلبت مني اسم الكاتب و ما أنا صاحب المقال لأقدم اسم الكاتب .. ف شرحتلك شو بتسوي لو كنت إنت كاتب / او ناقل و بتعرف اسم الكاتب / او ناقل و ما بتعرف اسم الكاتب |
انا ما حكية ان ما بعرف اسم الكاتب هي اول شي ..
بس حضرتكم بتهاجمو علسريع بدون ما تسالو اصلن الشي التاني لا بعرف وين حط كل موضوع المحد لله ، بس هي مو بقسم الملطوشات بحسب رأي الملطوشات بينحط فيه ايميل بينحط شي من منتدى تاني شي متوارث من منتدى لمنتدى ... هي الخاطره مو لخاروف المنجعي يا صديقي ، لو كانت هيك كانت لقتها بدويه بحته بس هي مو هيك .. هلأ الشي المهم جدا جزيلا انو انت بشو زاعجك هل شي مثلا يعني ، الخاطره مو حلوه حكي مو حلوه ، حلوه حكي حلوه ... لنزيدك من الشعر بيت ، قسم الخوطار او الخربشات او القصص او الشعر ، مو دائما الناس بتحط شي من كتابتهم شي ، يعني كمثال ما بجيب قصيده لنزار قباني بحطها بالملطوشات وهيه مبينه انها شعر لا بحطها بالشعر و تحت بحط انها لنزار او لاي شاعر تاني .. لانو مو معقول حط شعر لناس معروفه بالملطوشات لانو هي مو ملطوشه بقدر ما هيه شي متوارث .. يا رب تكون وصلتك الفكره حج عابد |
اقتباس:
يا سديكي نزار شاعر كبير لا يقارن باللي كتبتو انت و في موضوع عرضو بعرض بيتنا بقسم الشعر عنوه .. أما حمود المنعجعي بتنحط كتابتوه , بالملطوشات نهاية ً متأكد أنا دق الملطوشات و هيه ملطوشات , عفوا ً دق المي و هيه مي .. :lol: |
اقتباس:
اخي المنجعي يلي مانو عاجبك يعني ولله معو اموال ربنا بدي انا وياك و عشره معنا شي 40 سنه لنجمع نصهم ، يا رتني صير منجعي بس :lol: هلا سؤال انت شو مدايقك يعني مثلا ؟؟؟ في حدا مدايقك و تفششت فيني :o |
| الساعة بإيدك هلق يا سيدي 11:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون