|
التفسير العقابي للكوارث
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
العزيز الاسمر
بس انا بحب اسأل شو رأي العلماء المسلمين بالكوارث التي يرتكبها بعض المسلمين!!!!؟؟؟ بشارة |
اقتباس:
هذا الموضوع باعتقادي يتفق فيه المسلمون و النصارى و لا علاقة بكوارث المسلمين التي لا تمت للاسلام فلا تغيّر الموضوع الاسمر :wink: |
مرحبا اسمر
قريت الموضوع كلو و ما فهمت وين الحوار؟؟؟؟ يعني انت شو بدك تخبرنا ؟؟؟؟ وين المشكلة ؟؟؟ طيب اذا سؤالك للملحدين حلو كتير بس يا ريت تحدد انو السؤال موجه للملحدين اما اذا سؤالك للمسيحيين فما بتصور انو في كتير اختلاف بهاي النقطة :D |
اقتباس:
|
الحمد الله نخنا روحنا من الله ول الله
فا اذا اخدها بيكون عم يسترد شي الو وما النا حق نقول ليش واذا خلانا عايشين بيكون هاد كرم من الله والله بكل شي كريم يعني اتخيل لو ما في موت بالدني شو كان صار بس الانسان لانو عقلوا محدود ممكن انو في شغلات ممكن انو ما يستوعبها مثلا انا رفيقي مريض كتير (الله يشفي ) مبارح وانا عم حط راسي على المخدة فكرت فيه وما بعرف كيف اجتني فكرة انو ممكن يموت وصرت اتخيل شو بدي ساوي اذا صار هيك بعيد الشر وقتها وقف عقلي لانو ما قدرت اتحمل هيك فكرة مع انو واردة كتير لاي شخص بس هي فوق طاقة العقل بس كمان هون الله ما بيخلينا معلقين بهالشعور عطانا نعمة كتير كبيرة نعمة النسيان الي لولاها كان الانسان تعبام طول عمروا اما الكوارث فهاد شي الو تحليل علمي مثلا لو ما بيصير براكين كما قال العلماء ممكن انو الارض كلها تنفجر يعني البراكين متل المتنفس للارض وعفوا اذا طولت عليكون شكرا الكون وعلى الموضوع الظريف :D :D :D :D :D :D :D :D :D :D :D :D |
ملاحظة إدارية :أخ أسمر ...
في كام شغلة بدي نبه عليون ... هلأ شغلة الكوبي بيست كان في كتير إشكالات حولها ... لأنو الواحد بيقدر على شي موقع إسلامي أو مسيحي (( وهدول ما في أكتر منون )) و يجيب كل نهار ميت موضوع .. بتقنية الكوبي بيست و ينزل هون بحوار الأديان ... بس إنو قلنا معليش و عمنغض النظر عن المواضيع المنقولة مع ذكر المصدر و لازم كمان الواحد (( يعني من المفضل )) إنو يكتب تعليقو على الموضوع و ليش نقلو لهون ... بس وصلت قلة المروة إنو والله بس تجيب عنوان الرابط لهون و تقلنا هاد العنوان ... يعني بعتقد تخنت شوي الشغلة ... كمان أنا برأيي ... إنو تصير والله تكتب كلمتين .. فوتو شوفو الموقع الفلاني .. فيو شغلة كذا و كذا .. يعني إنو الرابط حتى ما تحطو ... بقا من بعد إذنك .. بلا هالشغلات .. و إذا عندك شي فعلاً خرج إنك تنقلو .. إنقلو .. و كتوب تعليقك عليه أو ليش نقلتو لهون ... و أنا الرابط يلي هلأ حاطو لا قريتو ولا بدي فوت إقرا كمان مشان قلك شو رأيي ... أو مشان نتناقش فيه .. وبرأيي إذا بدها تصير مناقشة .. بتصير من شغلات الواحد تعبان عليها و كاتبها و هيك أنا بكون مستعد ناقش .. مو بس أنا .. أي واحد من أعضاء هالمنتدى ... سلام ... و إنشالله تكون وصلت الفكرة .. |
اقتباس:
بس لو فتت كنت عرفت ليش هيك عملت انا الموضوع عبارة عن تساؤلات و اجابة من الاعضاء يعني في اكتر من 20 مشاركة و لو حضرتك ما قللت مروة و دخلت كنت عرفت ان من الافضل اعمل هيك يعني حط الرابط و بس ....... يلا ماشي الحال ما عاد نعيدها الله وكيلك و ان شاء الله بعمل تلخيص للموضوع و بتعطينا رأيك و لا تنسانا من الدعاء :P |
| الساعة بإيدك هلق يا سيدي 20:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون