|
شو رايكم بصداقة/أخوة النت؟
هل الموضوع بتمنى الكل يشاركني فيه
شو رأيكم بصداقة النت أو أخوة النت يعني في ناس وحيدين ما الهم خوات بيحبو يفتحو مجال لانهم يصير عندهم اخوات فكيف رح تتعامل مع واحد او وحدة بدها هيك علاقة (علاقة أخوة صادقة)؟ انا من رأيي انو هالصداقة او الاخوة كثير منيحة و لهلا و الحمد الله ما واجهت شخص ما بيستاهل هيك مشاعر يعني كل واحد تعرفت عليه بحبو و بعزو و كأنو معي و قريب مني و بتمنى اني ألتقي بهم في يوم من الايام رغم انو هالحلم بظن انو مستحيل لظروف قاهرة بمر فيها بس عن جد انا كل اللي تعرفت عليهم ساعدوني كثير و خلوني حس انو في شي لسى موجود بهالعالم و هو الحــــــــــــــــــــــ ـــــــــــــــــــــــــ ـــــــــب و خلوني اتغلب عن مشاكلي و همومي بس و الله كل واحد و رأيو و انا هالموضوع عملتو مشان شوف آراءكم و ما بعرف اذا كان هالموضوع مكرر او لا؟ بس هذا شعوري انا و بدي اعرف شعوركم |
بتصير..وكتير معقولة..أنا صارت معي..بس مو ناس كتير..يعني الناس شوي شوي بيصيرو بينكشفو و بينكشف الصالح من الطالح..في أخوة نت و صداقة كتير منيحة..بس بدك تعرفي مين أد هيك صداقة.. |
اقتباس:
بس اللي زاعجني اني بعرف شخص واحد من المغرب و صديقتي و الباقي الكل من سوريا او فلسطين او الاردن و اكيد مبسوطة انهم بيحبوني |
من هو الصديق ؟
أنا أقول لك انه الشخص الذي تجرؤ أمامه على أن تكون على حقيقتك0 *** صديقك من يعرف عنك كل شيء ومع هذا يظل محبا لك *** صديقي هو من يحبني على ما أنا عليه ، يحبني كما أنا *** شعرت دائما إن ميزة الصداقة وما تؤدي إليه من راحة يكمن في أنها دائما لا تجبر المرء على تبرير شيء أو شرحه *** الصداقة بلسم عزيز00 إنها ابتسامة تزيل كآبة التجهم، إنها نور محبب0 وملاذ ، وبهجه0 *** الأصدقاء الحقيقيون هم الذين يبحثون عن مكان يكونون فيه معا *** معيار الصداقة هو تقديم المساعدة في أوقات المحن شريطة الا تكون المساعدة مشروطة *** الصديق الحقيقي هو الذي يقف إلى جوارك إن اخطات0 أما إن أصبت فكل الناس تقريبا يقفون معك لافيرج الصداقه انفقدت في حياتنا فكيف بدك تلاقيها بالنت بس وجود امثالك بالنت هو اللي معطي النت طابع الطيبه والصداقه والشفافيه مشكوره موضوع متميز كالعاده |
اقتباس:
و صديقة وحدة يعني اللي مش بالنت بس اصدقاء بكل ما تحمله من معنى بس انت لما تدور رح تلاقي و مشكور على كلامك الحلو اللي ضيفتو بموضوعي و خليت فيه ريحة طيبة و جمال ساحر و انت كمان صديق بمعنى الكلمة ميرسي على مرورك |
:D بيصير ع النت صداقات ليش لاء
مهو نحن ع النت او بالواقع عم نتعامل مع بشر الهن ارواح وقلوب بس بدو يكون الشخص قادر يوثق باشخاص لاقاهم ع النت ثقه منيحه وبيضل الشي المجهول فعلا هوه الهويه الحقيقيه الي مابتهم حدا اوقات اهما شي انو لقينا حدا نفضفضلو ونمزح معو ويملي علينا وحدتنا :oops: |
اقتباس:
مع اني ما لقيتو بالشخص اللي عايشة معو:cry: |
لافيرج انتي كلامك منطقي بس الواقع غير هيك
في اوقات بيكون الواحد في اشد الحاجه لصديقه ورغم ذلك بتركه انا كتير تعرضت لخيانات وطعنات بس حاب أذكركم بهالمثل طعنة العدو تدمي الجسد وطعنة الصديق تدمي القلب بس هاد ما بعني انه كل الناس ما بتصاحبو بس في كتير عينات لازمها قمع من جذورها عالهامش لافيرج انتي متزوجه لك بعدك صغيره |
اقتباس:
لا مش متزوجة مش متزوجة:jakoush::jakoush::jakoush: |
والله الصداقة من خلال النت شي....ومن خلال أخوية سوريا شي تاني تماما....
أنا ما كان عندي أصدقاء نت...هيك لحتى أجيت على أخوية ومن خلالها صار عندي أجمل الأصدقاء...وفيه منن صارو أصدقاء حقيقيين |
اقتباس:
الحمد الله انك صدقت هالشي |
اكيد في صداقات واخوة على النت مع انه صعب حاليا تواجده لانه مافي صدق مع النفس كل شخص اناني ومايحب غير نفسه وبوقت ماتحتاجي بوقت ضيقة لايتواجد ..
الحمدلله لي كانت صداقات كثيرة بالنت ومن المنتدى بس ماصرنا نتواصل مجرد زميلات واخوات ماعدا وحدة تعرفت عليها وصرنا اكثر من اخوات يعني صديقة عزيزة علي ومستمرين لاكثر من 6 سنين مع انه هي في بلد وانا ببلد اخر . :D |
لافيرج كأني حسيت انك انزعجتي وضايقتي ترى هاد مجرد سؤال بس
|
اقتباس:
|
اقتباس:
مارح تفرق صدقيني..وين ماكانو يكونو..المهم أنك بترتاحي وقت بتحكي مع هالناس:D |
والله احلى شي الصدقات على النت و موجوده انا عندي رفئات بعرفهم من اكتر من 5 سنين و اكتر من خواتي لانه مالي خوات اصلا:cry: و كانه عايشين مع بعض بنعرف كل شي عن بعض بنفرح لفرح بعض و بنزعل لزعل بعض ومع انه كل وحده ببلد بس قلوبنا قريبه من بعض كتيير وما بتخيل يصير شي و بفرقناا وعلى فكرة انتي يا البي قريبه من الالب و اكيد الي بعرفك الا ميكون رفيئ لألك وصديق:sosweet: |
اقتباس:
|
اقتباس:
معك حق حبيبتي المهم اني بحبون و برتاح لما بحكي معهم :D |
| الساعة بإيدك هلق يا سيدي 11:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون