|
هل سينجح أيمن زيدان في عمر المختار؟
بعد نجاح الممثل السورى تيم الحسن في تقديم شخصية الملك فاروق خلال دراما رمضان الأخير، قرر الفنان السوري أيمن زيدان تجسيد شخصية "عمر المختار" من خلال مسلسل تلفزيوني جديد سيبدأ تصويره خلال الشهور المقبلة ليقدم في شهر رمضان المقبل، على أمل أن يحقق نفس النجاح الذي حققه مسلسل الملك فاروق، ويروي المسلسل السيرة الذاتية لحياة القائد الليبي عمر المختار الذي قاتل الاستعمار الايطالي في ليبيا.  زيدان، أعرب عن سعادته لاشتراكه في هذا العمل الضخم قائلاً: "أنا سعيد للغاية لاشتراكي في هذا العمل الذي يعد من الانتاجات العربية الضخمة وذلك لأن ميزانيته ستكون مفتوحة بناء على ما يتطلبه العمل من مشاهد حربية حية". مشيرا الى أن النص يكتب ولم يحدد أي مخرج له حتى الآن، ولم يعلن عن أسماء المشاركين معه في المسلسل، حتى تكون مفاجأة للجماهير، مؤكداً أن ما سيقدم في التلفزيون مختلف فنياً وتقنياً عما قدمته السينما. يذكر أنه عرض أخيراً لزيدان المسلسل التلفزيوني "عيون ورماد" والذي يعد أول تجربة له في الدراما المصرية، وشاركه البطولة «الممثلة الشابة منة فضالى، داليا مصطفى، وخالد الصاوي، وهياتم، والمسلسل من تأليف أيمن عبد الرحمن، واخراج تيسير عبود.  |
بالتوفيق للممثل المقتدر ايمن زيدان
|
اقتباس:
أكيد بالتوفيق يسلموا عالمرور :D |
هلق ايمن زيدان وحش ما بينخاف عليه بس السؤال اللي ببالي هالصورة لايمن زيدان و تيم حسن من اي مسلسل جايبتيها؟؟:D
|
يمكن من على طول الايام
شكرا عالموضوع:D |
بظن أنو .... بسبب النجاح الكبير يللي حققو الفيلم
و يللي الاغلبية بيذكرو أغلب مشاهدو ...... الكل رح يقارن أيمن زيدان بأنطوني كوين ..... و أكيد هالمقارنة ...ما رح تصب بمصلحة أيمن زيدان :larg: |
اقتباس:
|
اقتباس:
بس أنو النجاح الكبير يللي حققو أنطوني كوين .....بيفرض على اي ممثل بجسد هالشخصية من بعدو ... أنو يضيف شي جديد حتى انو بالشكل .... كان في شبه كبير بينو و بين عمر المختار  |
بالتوفيق
|
اقتباس:
اي هي الصورة من مسلسل على طول الأيام :hart:تيم حسن حبيب قلبي :hart: |
اقتباس:
عفواااااااااااا :D |
اقتباس:
مع انو انا مشفت الفيلم :oops: بس سمعت كتير حكي عالفيلم و انا كمان بتوقع نجاح كبير لأيمن زيدان :D |
اقتباس:
هالشي بدنا نعرفوا لما نشوف المسلسل و انا بتوقع أننا ننسى الفيلم لما نشوف المسلسل :o انا كتير بحب المسلسلات :oops: و بعدين قيس الشيخ نجيب أحلى من أنتونيو بانديراس :jakoush:( مع أنو كمان حلو ما بو شي) بس يمكن لأنو قيس دمو عربي مابعرف مين قارن بينهن و ليش ممكن أعرف لأني أول مره أسمع هي الخبريه  :D |
اقتباس:
أكيد لازم يضيفوا أشيا جديده و بنتمنى انو المخرج يكون منيح :pos: بالشكل كان يشبه عمر مختار :pos: :sly: شوية تعديلات و مكياج و ماعاد تعرفوه لأيمن زيدان :larg: مثل ماعملو مع تيم بمسلسل الملك فاروق  يئبر ألبي شو حلو غيرو شكلو تماما :cry: :D |
نأمل النجاح لأيمن زيدان ولكن مع النجاح الكبير للفلم السابق عن عمر المختار ونجومية انطوني كوين ومصطفى العقاد لامعنى لانتاجه من جديد هناك الكثير في التاريخ لتسجيده بعمل لم يظهر من قبل :D
|
اقتباس:
|
مارح يلبقلو :sick: |
اقتباس:
ههههههههه لك ليش والله أيمن زيدان حلو و هيه الشغله مش بس بالشكل ;) :D |
| الساعة بإيدك هلق يا سيدي 20:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون