|
نحنا واخوية وكلمتين
نحنا واخوية وكلمتين
سبق وانطرح موضوع ليش هيك صار واكيد بحب انا كمان وجه تحية لكل مين ساهم بالعودة هلق يا شباب اذا مالح نبطل طائفية هون ومالح نبطل علاك مصدي ومالح نبطل مواضيع عاطلة كل يوم بيصير معنا هيك مشان الله والعدرا ولينين وماركس وبوذا وكل شي بينعبد بالارض حاج كم واحد اختلفت نظرتو للحياة من ورا اخوية؟ كم واحد لقا رفقات ودنيا غير من ورا اخوية؟ كم واحد اختلفت حياتو من ورا اخوية؟ لك اذا مو مشاننا مشان اخوية حاج خلينا نعطي اخوية ربع اللي عطتنا يا من معرفة و كتب ورفقة ودنيا لا تفكر ماذا ستعطيك اخوية فكر ماذا ستعطي لاخوية واللي فيو شوكة بتنغزو يا ريت كل واحد يكتب رايو مايسترو |
مايسترو
للأسف أخي الكريم انخلقوا على يد العادات والتقاليد هيك وأشك انوا رح تتغير فيهم هيك صفات لأنهم رح يظلوا متمسكين بقوة بخيوط العادات والتقاليد المزعومة يلي صارت اهم من دينهم كمان وحاسه أنوا هون كل معتقد بيمثل شي من المواد المحتاجة لإشعال الحريق بس خلي حد من هالمعتقدات تحتك اشوي بيلي حدها رح تلاقي الحريق شب بأخوية وهات مين يطفيه عاد لروحكــ  |
احلى مايسترو و احلى كلام :D
وانا معك بهالحكي و بتمنى من الاعضاء انو ما يضلوا يختلفوا و يتزاعلو من بعض بسبب اختلاف الاراء و المعتقدات يعني بالنهاية شو رح يجيكن من ورا هالمشاكل قولولي ..... اللي بدو يناقش و يتقاتل يا اخي خليه يروح يتناقر بعيد عن اخوية خلوها للتفاهم و التناغم بين بعض و ما في داعي نشمت حدا فينا :D |
على راسي اللي بيفهم
قارنوا اخوية قبل سنتين بهلا على راسي مايسترو |
أنا معكون بهالحكي..لانو من جد هيك مابيصير..يعني دائما الناس في ألا أراء..و ماطال في أراء في نقاش..بقا يلي متمسك برأي لا يدخل بنقاش و يتعب حالو و يتعب غيرو..يسلمو مايسترو:D
|
انا والله يا جماعه احب اخويه جدااا
ولكن بحس ان الناس هنا مش مهتميين الا بالسورين بس وده بيزعلنى اوى:cry: |
اذا المشرفين الشباب مابطلوا طرح مواضيع طائفية متل هل الاسلام هو الزراع العسكري للصهيونية العالمية وحذف الردود يلي ماتجي على خاطرهم وتوجيه مخالفات كأنوا جالسين بدرس فتوة
هاالله الله عليك يااخوية سيحذف تعليقي متل ماحذف غيره ماهي اخوية الا جزءا من النظام العربي:larg: |
اقتباس:
|
اقتباس:
المشرفي ما دخلون اللي دخله هوي التعنت والطائفية اللي معيشينا ياها نحنا بنفوت لهون وبنحكي مع بعضنا ونتناقش بس بعيد عن الطائفية انو انا مسلم وانت مسيحي والتاني شيعي والرابع ملحد ووقت بنتناقش مع بعضنا ننسى هالفروق بس اللي عم يصير انو كل واحد مجرد ما عم ينزل موضوع نتيجة قصر النظر اللي معه عم يشوفه ضده ويبدا يهاجم ومفكر انو رايه الصح والباقي لجهنم المشرفين عم يشتغلوا كرمال تضل اخوية متل ما بديت وتضل هيك اخوية اللي ميزها انو اول موقع حمل تنوع كبير والتقى فيه الكل من اطياف المجتمع السوري واللي خاربها انو كل واحد مفكر حاله هو الافضل |
اقتباس:
هل هو موضوع مفيد ومنطقي ام مجرد حشو كلام لتحويل الأنظار عن أمر ما انت عم تحكي عن المشرفين البنات عاملين جهدهم وحنيتهم على الموقع ظاهرة للعيان اما بعض المشرفين وأقول بعض عم بيولعوها وعم يشتغلوا معنا كأنه قاعدين بفرع فلسطين |
والله اذا انت شايف الموضوع من وجهة فرع فلسطين فغيرك شايفه من وجهة نظر تانية تماما
موضوع الاسلام قريته ورادد عليه من قبل وبعتقد انو كوستا وضح الامر تماما وشو قصده ه |
.... الثغرة في أخوية ...
هي إحترام الآخر لا أكثر .. |
اقتباس:
شكرا بس الموضوع كمان انطرح لنحاول نعمل شي مايسترو |
اقتباس:
لك دخيل ربك هاد الحكي المزبوط خلينا نبلش من هون مايسترو |
اقتباس:
هو لانو المنتدى سوري عرفتي كيف والعضو الجيد بيفرض حالو لو شو ماكانت جنسيتو وكلنا باخوية اخوية مايسترو |
طيب
هلق انا ما رديت عالكل لانو بدي عيد نفس الحكي الفكرة انو لازم نلاقي طريقة نوقف المهزلة وباكد على كلمة مهزلة اللي صارت لانو اذا مالح نلاقي حل مصيبة فوتوا على هاد الرابط وعطوني رايكن بالفكرة هو موضوع قديم ممكن نساويه انا اللي طرحتوا مايسترو |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - نسينا الرابط مايسترو |
الأمور مانها بهالسوداوية... عن جد, بتظل الأخوية متميزة كمنتدى سوري. يعني اعملوا جولة و قارنو
من ناحية التفاهم, و الله مو ضروري نتفاهم.. يعني ياما أيام الشباب في مواضيع نتفنا بعض... الاختلاف حلو.. التنوع مفيد.. المهم انك ما تتحجر بفكرك و اعرف انو الحقيقة لبست قيمة مطلقة, و خصوصا بما يخص الايديولوجيا |
| الساعة بإيدك هلق يا سيدي 23:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون