|
كيف بدنا نتفق
شي بيخليك تنقهر ..
إذا ما كنا قادرين نتفق ع بداية رمضان وع بداية العيد ... كيف بدنا نتفق ع شغلات أكبر من هي بشوي ... (اتورة)... مليون طائفة ومليون مفتي ومليون شغلة (مغبشة) ومفي شي واضح أبداً أكتر من الاختلاف بيننا ... هذا أوضح شي ؟!!!!!!!!! |
لك الله يلعن ابو الطوائف!!
لك نحنا مسلمين وبس..نقطة! والله زهقنا من كترة الطوائف وقلة الدين :cry: |
ولك آآآآه يا ابو ليلى آه :hashish:
|
اه والله..... الله يلعن الطوائف لانه كلنا مسلمين....
وازا مشان موضوع رمضان والعيد المفروض انهم يكلفوا هالمهمة للسعودية وشو ما يقولوا لازم كل البلدان العربية تعمل متلهم.............وهيك بنخلص .... |
اقتباس:
بس للاسف شو بدك تحكي..اليوم عندك السني والشيعي والوهابي والحنفي والحنبلي والفاطمي والمالكي ..الخ وكل واحد فيهن بكره التاني!! هلأ to be honest انا ما عندي مشكلة مع انسان بفتخر بطائفته وبحكي عنها بالمنيح لانو حلو التعدد يمكن التعدد يعلمنا الاصغاء والتقبل!..يعني انا سنية عالمذهب الحنفي وبفتخر كتير بهالشي..بس اللي بقهر انو بصير عندك ناس مش بس بفتخروا لا كمان بكرهوا كل ابناء الطوائف الاخرى وما في عندهن شيء اسمو تقبل للطرف الاخر! الشي ياللي بخليك تسب الطوائف كلها..لانو بالفعل نحنا قد ما تفرقت طوائفنا منضلنا مسلمين! ومنجتمع بالديانة :deal: |
نحنا بالاردن مبارح قالو أنو عيد على أساس الهلال بيّن بدول مجاوره
يعني أول مره بعملوها .. بس إنو عشنا وشفناها صارت |
و الله هالشي بيقرف
هلا انت عندكم عيد و احنا لساتنا برمضان |
أنا سمعت إنو هون عنا بسوريا السيد المفتي ؟؟؟ رحمة بالنسوان يلي مالحقو (تعزيل ) أي تنظيف بالحلبي
أجل العيد لبكره وهناك من همس في إذني إنو الموضوع إقتصادي بحت يعني يوم زيادة شقد في ناس بتبيع والله يرزق الجميع وفهمكم كفاية وكل عام وأنتم بألف ;)خير |
اقتباس:
|
اقتباس:
الله يعينكم ................ بدكم تتحملوا........ |
والله معك حق والله... بس احنا كلنا مسلمين مافى طوائف..!!
احنا عنا اول يوم عيد بالكويت ...ما بعرف اذا شافوا او من الدول المجاوره الله اعلم ...بس شو نئول خير عشنا وشفنا... |
اقتباس:
|
رأفة بالنسوان ...
هي أول مرة بسمع بهيك (مصطلح)... كل النسوان شغلتن الأولى والأخيرة نق ونق ع التعزيل ويا من تراهن (نون النسوة) ماسكين هالوسواس وراكضين وراهههههههههههههههه:lol: |
اقتباس:
مو ضروري العالم كله يتفق على اول يوم من رمضان او العيد ((فمن رأى منكم الشهر فليصمه)) طيب اذا سوريا شافت الهلال و ليبيا لأ .. من الممكن انو بسوريا يبين الهلال بدايه الشهر و ببقه تانيه من الارض يبين تاني يوم من شان هيك الاختلاف |
هي الشغله مو جديده نحن العرب اتفقنا على ان لا نتفق من زمااااااااااااااااااااااا ن :cry:
|
اقتباس:
هاد الكلام الصحيح عن جد شي بيزعل كل ما بتصل على حدا بالشام لعايدو بيقللي انو لسا العيد عندون بعد بيوم واكتشفت اخر شي انو كلو الخلافات بين الرؤساء العرب يعني عن جد شي بيحزن وبيخلي العالم التانية تضحك علينا:cry::cry::cry::cry::cry::cry: |
| الساعة بإيدك هلق يا سيدي 00:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون