|
لف ودوران
لف ودوران كانت افعى سامة عند ضفة احد الانهار عندما لمحت ثعلب قادم ناحيتها ، فنادته وقالت ـ ايها الثعلب الصديق ، هل تساعدني وتنقلني على ظهرك الى الضفة الأخرى من النهر فأنا لا استطيع السباحة ؟ فقال الثعلب ـ متى كنا اصدقاء ، وانتي افعى سامةوانا لا اثق بك . فقالت الافعى ـ اقسم بقانون الغابة بأنني لن أؤذبك ، فكل ما سأفعلة هو انني سأركب على ظهرك وتنقلني الى الضفة الاخرى ، وسأكون لك من الشاكرين ، ولن انسى لك مساعدتك لي مدى الحياة . فأقتنع الثعلب ، وصعدت الافعى على ظهره ، ونزل الى النهر ، والتفت الافعى حول عنق الثعلب ، وقالت ـ للأسف يا صديقي فأنني سألدغك . فقال الثعلب ـ اهذا هو جزاء استحساني. فقالت الأفعى ـ انك تعلم اننا نحن الأفاعي مخادعين ، والآن ستدفع ثمن غبائك . فقال الثعلب ـ ارجوك .. لا تلدغيني حتى نصل الى اليابسة ، فأنا لا اريد الموت في الماء . وعندما وصلوا الى الضفة الأخرى ولا زالت الأفعى ملفوفة حول رقبة الثعلب ، قال الثعلب ـ لي طلب أخير منك ، اريد قبلة الوداع قبل ان تلدغيني . فقبلت الأفعى الطلب ، وعندما همت الأفعى بتقبيل الثعلب انقض عليها باسنانه وهشم رأسها . وانزل الافعى الملفوفة من حول رقبته ، ووضعها على الأرض بشكل مستقيم ، مثل المسطرة ، وقال مستطردا ـ هكذا تكون الصداقة ، ساوية ومستقيمة ، ليس فيها لا لف ولا دوران . منقول :D |
تسلم عالموضوع ..
بس الحياة كلها لف ودوران حتى يالى بتحبوا وبتفكروا هو احسن مخلوق بيطلع اكبر واحد بلف وبيدور.. |
اااااااااخ اااااااااااااااااخ
والله ه القصة بنطيف ع البشر وحياتكو مريومة |
بطلب من الكل ما يتقيد بالحرف القصة في الها معى كتير كبير في حدا شاف المعنى بالقصة ؟!؟1
|
والله ده زمن اللف والدوران واليمين والشمال وفوق وتحت وكل شئ مش مستقيم بس موضوعك حلو
|
قصة راااااااااااااااااااااااا ائعة
الصداقة للأسف معناها ملغى من الوجود حاليا يسلمن يارب ام عبدو |
بس الصداقة ؟!؟!
انتوا شفتوا ان القصة بتهدف للصداقة فقط ؟!؟! ولا في الها معنى تاني ؟! |
ممكن تطبقها على اي شي ممكن يشتركو فيه تنين بهل الدنيا
|
طيب ما حدا شاف سذاجة من الثعلب " متى كنا اصدقاء ، وانتي افعى سامة وانا لا اثق بك "
مع انه قال لها هاد الشي نقلها على ضهره برئيكم ليش ؟!؟! ما حدا سأل حاله ليش ؟!؟! |
اقتباس:
بس هي اقسمت مانتبهت على هل كلمة والا بهل ايام القسم صار سهل عند الشباب |
اقتباس:
بس قال لها " انت افعى سامة " معناها هو بيعرف شو معناها الأفعة وشو بتحمل من خبث . حتى لو اقسمت ممكن تصدقها ؟! الأهم هو ما كان بيعرف ان الخبيث ما ممكن يصير صديق مع العلم ان الثعلب مشهور بالخبث ممكن تكون سهوة منه بالمرة هي ولا في للخدمة اللي قدمها شي اسباب تانية مانها مكتوبة بالنص !؟! |
مشان تعيش صح لازم تلف و دور لانو غير هيك صعب الواحد يعيش حاليا
يسلمو علموضوع |
قصة حلوة
بس مقرفة شوي فعلا الخيانة هالايام صارت متل شربة المي سالو مجرب:sick: |
مشكلة اللف والدوران ما عم تنتهي بهالحياة وياريت لو فينا نعيش بلاها ..
|
زمن المشي دغري هاد كان زمان هلآ مافيك تمشي هيك لانك بتضيع
وادا لفيت ودرت بتصل للي بدك ياه للاسف في زمنا الحالي |
هالقصة فيها اكثر من مغزي منها اختيار الصديق يعنى منشوف كيف الثعلب تاثر بكلام الافعى مع انو يعرف اتها خبيثة و هدا منشوفو كتير بحياتنا نحنا منصادف كتيير ناس بتنخدع بحلاوة كلامهم ازا ماكنا منتبهين
و كمان الافعى لما ظنت انوهى رح تخدعو و بالاخير تغلب عليها بدكائو يعنى الانسان ما لازم يظن انو الادكى اوالاقوى دايما لازم يحسب حساب الي قدامو و متل ما بيقولو العود الي بتحتقرو بيعميك و كمان الصداقة الي ما لازم يكون فيها لف و دوران و لازم تكون مستقيمة متل ما قال التعلب مع انو هالشي من عاشر المستحيلات مو سابع |
بدون لف ودوران ضربت على وتر حساس
|
| الساعة بإيدك هلق يا سيدي 02:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون