|
هل أنت مع الفرجنة
أول السلام غليكم ورحمةالله وبركاته وكل عام وأنتم بألف خبر
أما مااحببت أن أناقشكم به اليوم فهو ظاهرة الفرجنة والفرجنة هي تقليد الغرب بكل حركاتهم وأفعالهم والموضوع هذا قد يودي بنا إلى تشعبات كثيرة لا أريد الخوض بها هنا 0 الموضوع الذي يضايقني هو الناس الذين يريدون أن يتركو إنطباع عندك بانهم ناس هاي ينعي كلمتين عربي وكلمتين إما فرنسي وإما إنكليزي طبعا أنا لست ضد الثقافة والعلم بالعكس فالرسول ص قال من تعلم لغة قوم أمن مكرهم ولكن( أنارايحة على دبي أعمل شوبنك) أو (ان تعبان بدي اعمل شاور ) أسفي قد يقول البعض أنني متخلف أو متعصب للغة العربية نعم أنا أحب لغتي العربية وافتخر بها وأنزعج حين يحاول مرائي حتى يظهر نفسه مثقفا أومتحضرا حين يقحم كلمة هنا وكلمة هناك من لفة ثانية 0 أيها السادة مسلسل باب الحارة وقرأت هنا في المنتدى عمل ضجة في اسرائيل وبدء بعض المحللين الخوف من نتائج الشحن الذي زرعها المسلسلسل في قلوب العرب أنا لا أمتدح المسلسل أو أذمه ولكن النقطة التي حاولت أن الفت إنتباهكم إليها أنا لغتنا جميلة دون أن نشوهها هل رأى أحد منكم فرنسيا (يدحش) كلمة عريبة في حواره أبداكفانا ويكفينا فخرا أن العربية لغة القرآن الكريم وكل عام وأنتم بألف خير ماس:deal: |
وانت بالف خير استاز ماس واحيك لغيرتك على لغتنا العربية لغة الضاد هنا لا يتحضرني الا قول الشاعر تميم البرغوثي ثم اني احكي حكاية قوم لغة الله خبزهم والماء وانحنى لك ايها الاخ الطيب :D |
اقتباس:
|
انو اوكي معك حق..بس والله اللغات التانية حلوة..وحلو الواحد يحكي فيها..انو كيف بدي فسرلك..بس عنجد احيانا بقدرش امنع حالي من انو ادحش كم كلمة اجنبية بجملتي!!
|
كل عام وانت بخير ماس
وانا معك بكل شي عم تحكيه فعلا هزلت............ |
اقتباس:
أنا بحب الإسباني كتير بحس حالي عم إسمع موسيقى يسلمو عل الرد الحلو:ss: |
اقتباس:
|
ممكن شوي تستبعد الشعب السوري من هالموضوع ..
لأن الشعب السوري اقل الشعوب العربية يللي بتدمج لغة تانية بحكيا :D |
والله كلامك صح وانا بفتخر بلغتى العربيه ..بس ايام الواحد لازم او يكون مضطر يحكى لغه تانيه ..هون يعنى لازم شو بدوا يعمل ..؟؟
وكل عام وانت بالف خير يارب... وتسلم للموضوع |
سجِّل! أنا عربي ورقمُ بطاقتي خمسونَ ألفْ وأطفالي ثمانيةٌ وتاسعهُم.. سيأتي بعدَ صيفْ! فهلْ تغضبْ؟ سجِّلْ! أنا عربي وأعملُ مع رفاقِ الكدحِ في محجرْ وأطفالي ثمانيةٌ أسلُّ لهمْ رغيفَ الخبزِ، والأثوابَ والدفترْ من الصخرِ ولا أتوسَّلُ الصدقاتِ من بابِكْ ولا أصغرْ أمامَ بلاطِ أعتابكْ فهل تغضب؟ سجل أنا عربي أنا اسم بلا لقبِ صبورٌ في بلادٍ كلُّ ما فيها يعيشُ بفورةِ الغضبِ جذوري... قبلَ ميلادِ الزمانِ رستْ وقبلَ تفتّحِ الحقبِ وقبلَ السّروِ والزيتونِ .. وقبلَ ترعرعِ العشبِ أبي.. من أسرةِ المحراثِ لا من سادةٍ نجبِ وجدّي كانَ فلاحاً بلا حسبٍ.. ولا نسبِ! يعلّمني شموخَ الشمسِ قبلَ قراءةِ الكتبِ وبيتي كوخُ ناطورٍ منَ الأعوادِ والقصبِ فهل ترضيكَ منزلتي؟ أنا اسم بلا لقبِ سجل أنا عربي ولونُ الشعرِ.. فحميٌّ ولونُ العينِ.. بنيٌّ وميزاتي: على رأسي عقالٌ فوقَ كوفيّه وكفّي صلبةٌ كالصخرِ تخمشُ من يلامسَها وعنواني: أنا من قريةٍ عزلاءَ منسيّهْ شوارعُها بلا أسماء وكلُّ رجالها في الحقلِ والمحجرْ فهل تغضبْ؟ سجِّل أنا عربي سلبتَ كرومَ أجدادي وأرضاً كنتُ أفلحُها أنا وجميعُ أولادي ولم تتركْ لنا.. ولكلِّ أحفادي سوى هذي الصخورِ.. فهل ستأخذُها حكومتكمْ.. كما قيلا؟ إذن سجِّل.. برأسِ الصفحةِ الأولى أنا لا أكرهُ الناسَ ولا أسطو على أحدٍ ولكنّي.. إذا ما جعتُ آكلُ لحمَ مغتصبي حذارِ.. حذارِ.. من جوعي ومن غضبي بعتذر على هالرد بس حضرتني هاي القصيدة للعظيم محمود درويش والعربية شيكتير حلو وكتير فخر والله |
يسلموا ايديكي يا وشم الجمال على القصيدة الرائعة:D
وبالنسبة للموضوع إتقان اللغات التانية دليل ثقافة وحضارة بس إنو يصير نص حكينا عربي والنص التاني تبولة كلمات انكليزي-فرنسي وما بعرف شو كمان مابلاقيا كتير حلوة وبلاحظ أنو أكتر اللي بيحكو هيك شغل فزلكة(مو الكل طبعا) مع إني أحيانا بستعمل ألفاظ اجنبية بكلامي وأحيانا بحكي مع أمي واخواتي بلغة تانية قدام العالم (منشان ما يعرفوا شو عم نحكي):p......بس طبعا بتضل العربية هي الأساس ومشكور على الموضوع الحلو:clap: |
اقتباس:
ومشكورة مع تحياتي ماس:ss: |
اقتباس:
|
اقتباس:
|
اقتباس:
:lol::lol: مين قلك ؟ |
اقتباس:
انو هلق اني قلك اني شفت فرنسي هيك عمل, بكون عم كذب عليك. فيعني انا ولا مرة متعامل مع شخص فرنسي. بس معلم خود مثال اللغة الانكليزي. هاي اللغة اخدة كلمات من كتير لغات بالعالم. وكل سنة القاموس بيتحدث, وبينضاف عليه كلمات جديدة. ووين المشكلة؟؟ يعني نقص من قيمة اللغة مثلا؟ بالعكس هاي هية اللغة عالمية. المشكلة مانها بدحش كلمة اجنبية بالحديث. المشكلة لما يجيك واحد ويدحشلك بجملتو كلمة من كل لغة سمعان فيها مدري منين, لحتى بالاخير ما عاد تفهم شو بدو هاد. او بالاحرى هية مو مشكلة, لاكن هية اسمها فزلكة. |
اقتباس:
|
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون