|
حديث طويل مع حالي
كل ما فكرت شارك بموضوع يا شباب بلاقيه تافه كتير لدرجة أنو مالازم وجعلكن راسكن فيه بس خطرلي بما أني بقسم الخواطر والخربشات خربش شوي واحكي مع حالي ... بس رح سمعكن شو قلتلها ... :sick:
ليش يا حالي زعلانة مني والله أنا بحبك كتير وعم حاول اتطور كرمالك واتغير للأحسن وعم حاول جبلك العلم والمعرفة والمال والجمال بس أنت كتير مبعدة عني هالأيام كأن في مدايقك ومزعلك مني شوفي هي المرة عم احكي الي بقلبي بس مرة جديدة يمكن ما يكون فيي احكي لأن كمان صوتي عم يتضامن معك ويوقف ضدي ... من كام يوم شفتك يا حالي واقفة بالطريق عم تستني سيارة، كنت حلوة كتير وأمورة بس شكلك متضايقة وعم تسبي وتلعني الساعة الي جبتك فيها على الدني ... والله هيدا مو معقول وإلا ما جبلك سيارة بس انت ارضي عليي خليني اعرف نام خلي النوم يجي زيارة على شي ليلة من لياليي الباردة أيهههههههههههه أنت وينك هلأ شو عم تعملي مع مين عم تحكي ووين أراضيك وبأي بلاد مصفاي ليش كل ما شوف حال حدا عم يحكي معه بتذكر أنو انت مخاصمتيني ولعندي ما عم تجي ويمكن غضبانة فلو سمحتي ,وتكرمتي وتعطفتي تعي لعندي وارضي عليي والله مو حلوة الشباب هلأ بالمنتدى رح يفوتو ويعرفوا انك زعلانة مني فيا ريت تحكي معي مشان نوقف سوا ونكون سوا ونرد على بعضنا على القليلة قدامهم ....:deal: ويا شباب المنتدى لو سمحتو خليكون فاعلين خير وحاولو تصالحونا سوى لأنها مو رضيانة ترجع على مطرحها بالقلب دوما |
رجعنا انا و حالي و ولحالي و متل ما بيقولو
بتصدقي نسية شو بدي احكي ولله طار الكلام من راسي لهيك برجعلو للموضوع بس انو بكل الاحوال عجبني هل موضوع انا |
موضوع حلو.....
بس حالي مو راضيه عني...شو اعمل يعني !!!.....حاولنا نرجع الحاله لحالتها اللي كانت بس على كل الاحوال ما زبطط معي !!! منتركها للزمن...... |
اقتباس:
|
كنت انا وحالي قاعدين عم نحشش
شوقلي حالي لك يا انا هي صديقتنا لوليتا المشاكسة زعلانة هي وحالها قلتلو لك له هي ام اللول غالية كتير على انا وما منحبها زعلانة قلي حالي خدلك كم سيكارة حشيش وروح لعندها على الموضوع وهي انا وحالي بالموضوع شو قصتك ام اللول الغنوجة ليش مزعلتينا ومزعلة حالك شنو حالك متل حالي وما يهون زعلك على حالي هاتي لنشوف شلون بدنا نراضيكي ولا قلك مافي ضرورة نراضيكم شنو انت وحالك كتير بتحبو بعض |
اقتباس:
وشكرا لألك الآلهة ومنتمنى تصالحنا على بعض شنو حالي بتسمع من حالك كتير وبتعزها وياريت تمرقلنا شي نتفة حشيش بلكي بيمشي الحال وبيرجعو الأحوال لبعض :dl: |
يزعل ولا ينفلق ما عادت فارقة وقفت على حالي يعني ؟!!@!@!&$%%#$
|
اليوم رح يصرلي عمري وانا عم حاول اتصالح مع حالي وحاولت كتير اتجاهل الموضوع وما احكي فيه
بس والله لا حدا صالحني ولا رح اتصالح لحالي بجوز يكون الحب واحد من اهم الاسباب للموضوع يعني ماني كتير حابة الموضوع بس حابة تكون حالة الحب موجودة ... ما بدها فلسفة زيادة ... بس حبيت اتذكر انو انا ليش كنت متخانقة مع حالي وشو صار بهالفترة واكتشفت اني نسيت السبب بس بقي الزعل قائم ... ياريتك يا حالي تعودي للايام الخوالي |
الحالة تعبانة يا يما
حالي متل حال اغلب الناس و هيدا واقع مرير انو ما حدا عم يقدر انو يتواصل مع حالو بالطريقة اللي بتريحنا........ ميرسي عالموضوع تحياتي:D |
اقتباس:
بس حاسة انو كل الي عم يفوتو على الموضوع حالهن متل حالي ... يعني ماحدا عم يفوت وحالو احسن يبدو الحالة تعبانة ياليلى وعملة ما فيش ولا حدا يفكر بالخطبة حتى :p |
هي الشغلة مرة كنت قاعد مع شب رفيقي سنة رابعة طب نفسي قللي انو نفس الانسان مهما كانت مبسوطة بتضل حاسة حالها في شي ناقصها يعني ما في حدا رضيان على حالو
بس الامل هوي اللي بيخلينا نكمل حياتنا تحياتي:D |
اليوم مدري شو صايرلي عم نكوش بشغلات ميتة وناكتة وقديمة كتير بجوز على السفر حاسة انو يمكن ما ارجع اقدر احكي مع حالي ولا مع حال حدا وبما انو فتحت هيك موضوع بالزمان قلت عيب ارجع احكي مع حالي ولسا الموضوع ما تسكر ..
لهيك يا حالي روحي دقي راسك بالحيط انا رايحة ومارح صالحك لما ارجع بفكر بالموضوع اكتر وخاصة انو صار عندي ورم بدماغي من وراكي ... بس مو اشكال منرجع ومنتحاسب والا ما يجي يوم ونتصافى على الآخر ... على الهامش --------------- لنا عودة والعود احمدو |
اقتباس:
|
شو يا آلهة , ليش هيك الكل بيحب يحكي مع حالو
وين زمان لما كانت حالي تحكي مع حالك , ويفضفضو لبعض والله وأنا كمان تعبان كتير , وحالي حردانة رسمي شغل , شغل , شغل , والله صاير عم أتمنى حس أنو حالي معي , حاسس حالي آلة حالي تركتني لأني ما عاد بسطتها , وما عاد لقيتها لحتى أعتذر منها ... |
اقتباس:
بعدين انت ما عم تبين حتى نبهدلك يعني بتغط وما عاد حدا بيسمع عنك شي على الهامش ---------------- واي حدا جاي على بالو يتبهدل منفتح المحل من الصبح للمسا وايام الاعياد والاعطال وبيكون فيهن عرض خاص مع كل بهدلة بهدلة مجانية كمان |
اقتباس:
والله بننفع نكون سفراء كمان لدول اجنبية عشان عندنا خبرة لا يستهان فيها بالنكد والمقاتلة مع حالنا وعلى قول احدهم ليش ضالل حدا نتخانق معو غير حالنا ... ولا فينا نتمرجل على حدا غيرها ؟؟؟؟؟؟ |
يا حالو
راضيه حرام مشان المختار والوجاهات يعني مو حلوة جبناهن لعندكننننننن يطلعوا عالفاضي ويا انت لا بقى تزعلها لحالك وجبلها سيارة أو حال شي سيارة |
اقتباس:
خلص عملي "حزب كل مين وحالو" منو منصير منجتمع مع حالنا فيه (لقاء اسري) ومنو منصير منساعد يلي في مشاكل بينو وبين حالو أنو يحلوها وبالنسبة لآخر جملة , صحيحة ألف بالمية , بس الفكرة أنو يلي عم يصير لما منكون "أقوياء" منتخانق مع الناس , ولما بنضعف , ما بنلاقي غير حالنا نفس خلقنا فيها |
| الساعة بإيدك هلق يا سيدي 22:25 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون