|
مشاهدة الاطفال للتلفزيون " مشكلة عامة "
كنت عم اقرأ هالخبر وكتير حسيت انو لازم يتفتح الموضوع
دراسة تحث علي ترشيد مشاهدة الاطفال للتلفزيون بعد العام الخامس  شيكاجو (رويترز) - لا تزال مشاهدة الاطفال الصغار للتلفزيون تمثل معضلة بالنسبة للاباء الذين يعلمون بضررها المحتمل على النمو ولكن دراسة نشرت نتائجها اليوم الاثنين اظهرت ان الاطفال الذين يحجمون عن الافراط في المشاهدة بعد بلوغهم خمسة اعوام ونصف لا يتعرضون لمشكلات.وقالت رئيس فريق البحث الدراسة كاميلا مستري بكلية جونز هوبكنز بلومبرج للصحة العامة "ان عددا من الدراسات اظهرت نتائج سلبية للمشاهدة الطويلة للتلفزيون. ومع ذلك فان توقيت المشاهدة اعتبار مهم ." وتابعت "ان تقليل المشاهدة الى المستويات المقبولة قد يقلل من خطورة التعرض لمشكلات سلوكية واجتماعية." واستندت الباحثة في تقريرها على دراسة نشرت في دورية طب الاطفال التي تصدرها الاكاديمية الامريكية لطب الاطفال. ونشر فريق البحث خطوطا ارشادية تدعو لعدم السماح للاطفال اصغر من عامين بمشاهدة التلفزيون وقصر مشاهدة الاطفال فوق هذا السن الى اقل من ساعتين في اليوم. كما أوصى الفريق بعدم وضع تلفزيون بغرفة نوم الطفل. وذكر التقرير " رغم هذه التوصيات فان العديد من الاطفال يقضون امام التلفزيون اكثر من ساعتين." وحلل الباحثون مقابلات اجريت على ثلاثة اعوام منفصلة مع امهات قرابة 2700 طفل لمعرفة عادات المشاهدة لدى الاطفال وما اذا كانوا يميلون للقلق الاكتئاب او لديهم مشكلات في النوم أو اخرى في التركيز او يظهرون سلوكا عدائيا او يفتقرون لمهارات اجتماعية. وكان 16 في المئة من الاطفال الذين اجريت عليهم الدراسة شاهدوا التلفزيون اكثر من ساعتين في اليوم في عمر عامين ونصف ولكن عدد ساعات المشاهدة قلت بعد بلوغهم خمسة أعوام ونصف. وقالت الدكتورة سينثيا منكوفيتز عضو فريق البحث "ان الاطفال الذين قللوا فترة مشاهدتهم للتلفزيون بعد بلوغهم خمس سنوات ونصف لم يكونوا اكثر عرضة لمشكلات سلوكية واجتماعية." واظهرت الدراسة ان واحد من بين خمسة اطفال شاهدوا التلفزيون ساعتين على الاقل في اليوم طوال فترة الدراسة كانوا اكثر عرضة لمشكلات سلوكية. وايضا الاطفال الذين اصبحت مشاهدة التلفزيون عندهم عادة كانوا في خطورة اكبر ببلوغهم عامهم الخامس. وذكرت الدراسة ان اثنين بين كل خمس اطفال ذوي الخمسة اعوام كان لديهما جهاز تلفزيون وهو من كان يعرضهما لمشكلات في النوم يعني كتير منروح زيارات لعند رفقاتنا ومنلاقي ولادهن لحد الساعة 12 بالليل سهرانين عمحطات الاطفال وبس حكيت بالموضوع بيجيك الرد انو احسن ما يعذبنا ويشيطن مع التناسي المتعمد لتأثير هذا الموضوع على حياة الطفل و عاداتو ونفسيته بقى شو !!!!؟:D |
لازم يكون بالاسرة في نظام يمشي عاليه الكل يعني نحدد لولادنا الاوقات الي لازم يحضرو فيها التلفزيون و الي يدرسو فيها و الي يلعبو فيها و الي يطلعو روحنا فيهاا يعني يكون وقتهم منظم لانه كترة مشاهدة التلفزيون بطلع الولد بليد ما بعرف الخمسة من الطمسه فا مو مشكله خاليهم شي ساعه يحضرو توم اند جيري و بعدها يروحو يلعبو او يدرسو ويشربو الحليب و ينامو بكير :D |
هون المشكلة يعني هل يوجد تنظيم حقيقي في الاسرة لهل الموضوع
يعني بينغاظ الواحد لما بيشوف انو الأم هي اللي عم تدفش ابنها او بنتها منشان يحضرو تلفزيون منشان تتلفت لشغل البيت والزيارات والطبخ يعني تخيلي مثلاً انو الساعة 11 بالليل والولد عم يطالب ويعيط انو بدو يحضر كان ياما كان عمحطة الاطفال :?:shock: انو شو يلي خلاه بالاصل يسهر للساعة 11 بالليل :cry::x |
اقتباس:
:shock:شو هل حكي يا عمي ما بصير هييك لازم لولاد من عمر 6 سنين و نازل يكونو الساعه 8 بفراشهم بعدين الام اذا بدها تلتهي بشغل البيت فيها تحطلهم العاب يلعبو فيها و في كتير العاب بتنمي ذكاء الاطفال مثل تراكيب و العاب تعليميه مفيده و مسلية بنفس الوقت بعدين كيف بدهم يصحو على المدرسه اذا الساعه 11 بنامو:cry: و كيف بدهم يكونو بنشاطهم ؟؟:pos: حتى يا خيي بالعطله الصيفيه خاليهم ساعه زياده سهرانين لانه عطله يعني على ال 9 يكونو نايمين عالشان كمان الامورة يكون عندها وقت تقعد مع زوجهااا:larg: مو يقرف حاله لولاد بوجه لعند ما يروح يناام هيك بتبقى حياتهم حلوة ^_^ كأني دخلت بموضوع تاني :shock:ههههههههههههههههههههه ههه لا بس بجد كلها بترتبط ببعض |
المشكلة متل ام اربعة واربعين :lol:
رح نبلش باول رجل : هل يا ترى الاهل عم يتحكموا بالبرامج اللي عم يشوفوها الولاد ولا الموضوع فليتو هل برامج الاطفال هي الشي الوحيد اللي ممكن يتابعوه الاولاد وليس الاطفال فقط (من الناحية العمرية ) |
اقتباس:
|
اقتباس:
يعني بالعمر الي عم نحكي عنه ما في قدام لولاد الا انه يشوفو space toon او mbc3 بس اذا الواحد فينا انتبه لنوعية افلام الكرتون الي عم يحضروها بحد ذاتها فيها خلل والله لولاد تعلمو و اكتسبو عادات من ورى الي بشوفوه من ضرب و عنف و صريخ و تطبيق للي عم يشوفوه يعني تقول افلام رعب و اكشن:shock::shock: |
اقتباس:
وموضوع الجلوس امام التلفزيون دون اذن الاهل في هذه البلاد يعتبر من الكبائر :D |
اقتباس:
انت قلتها الناس صارت عم تخلف يعني بتلاقي بكل عائله في 7 ولاد اكيد بتكون الام عايفة حالها و بتقعدهم يحضرو تلفزيون لينزاحو من خلئتهاا من هيك لازم ما يجيبو اكتر من 2:cry::cry: |
اقتباس:
صحيح كلامك مع انه اذا الام بتتبع انها تنيمهم بكير راح هي ترتاح بالاول و تاني شي راح لولاد يكسبو راحه و صحة ليبدو نهار جديد و كلهم نشاط الشفلة بدها ادراك و ادارة |
والله موضوع كتير حلو
بس للاسف مافى نظام يعنى لازم يكون الاولاد وئتهم منظم يعنى مو الشغله سايبه يشوفوا التلفزيون امتى ما بدن ..ما بصير لازم نظام مشان يتعود من الصغر على النظام ..وتنظيم وئته ...ولازم ينحط وئت للنوم وئت للدراسه ...ويوم العطله بيتغير مشان ما يزهق الاولاد من النظام ... يعنى كتير بتفاجأه من الاهل يالى بخلوا الاولاد يلتهوا بالتلفزيون او متل خالى بخلى ابنوا يالى عمروا 2ونص يشوف افلال رعب والله بشفه عليه ولا هو مبسوط وبدوا يشوف البعبع ... والله غلط بكره الولد بيتعئد ....ما هيك.. |
اعتقد انك مشاهدة التلفاز مضيعه لوقت الصغير والكبير لانها هي التي تتحكم بالبرامج التي تعرضها لذلك ال dvd افضل حال في البعض المحدود من الوقت والـــ سلام ... |
لازم الواحد ينظم للأطفال مشاهدة التلفاز وفي الغالب بتكون في العصر من الساعة 3-5 وفي المغرب بيعملو
فروضهم المدرسية لأنو الطفل بينشط ذاكرتو وبتوسع مداركو بعد الفرجة على التلفزيون.. وشكرا على هالموضوع ولفت الانتباه |
ولااااد خليهم يعيشو
حرام يا زلمة يعني بدك تحرم الطفل من شوفة سبيستون والله بيصير معو اكتئاب نفسي بعدين يتفرج بعلمك على سبيستون احسن ما بعدين يتفرج على شغلات تانية عالنسط وبدون علمك بعد ما عمل حالو نايم |
| الساعة بإيدك هلق يا سيدي 06:34 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون