|
ارتفاع نسبة ال ؟!؟ في الأخوية
يا جماعة في شي كتير غلط عبصير عندنا بالأخوية واللي هو ارتفاع نسبة السخافة يعني المصخرجية عبيكتروا والعقول عبتقل انا ما عبصنف حالي باي قسم بس عنجد صار من الشبه مستحيل تشوف شي حوار متمدن عبدور بالأخيو الا ما يكون ابطاله نفس الأشخاص عالم بتعطيك مثاليات وهي ما الها علاقة بالعلاقة ما ىخد عقلها غير الدين وكان العالم ما الها شغلة غير تخانقها وتحقر بدينها وعالم عايشين على التحشيش واللي انا شخصيا انا صرت احترمهم اكتر شي لأنهم من اريح الشباب اللي ممكن تتعامل معهم
وعالم وهدول بصراحة ما بعرف منش و معجونين يعني المواضيع اللي بقسم المسابقات عبتحطم الأرقام القياسية من ناحية المشاركات يعني كتير طبيعي انك تشوف موضوع على نمط " بس تصير الرقم خمسة ابعت وردة لمين بدك " او " ابتع لك شي عضو يغسل سيارتك " او ارسل رسالة خاصة لشي حدا بالمنتدى " او عناوين غير الله ما بيعرف من وين عبيخترعوها والغريب انه في عالم مواظبة على هيك سخافات يعني همهما الأول والأخير بكل المنتدى هو انها تشارك وتحيي وتعيد احياء وترجع تحيي وترجع تعيد احياء هيك مواضيع وكانها فرض مدرسي عليها ولازم تعمله . بس كل هاد الشي عبسبب ازدياد السخافة بالأخوية انا ما بنكر ان المسابقات لا بد منها لتخفيف الضغط لأننا بالاخير هون نحن منتدى ماننا موقع معلومات بس يا جماعة الله ما شافوه بس بالعقل عرفوه :pos: |
هللا ما عرفت شو المطلوب .. :?
سبق وانحكى كتير بهل الموضوع .. ومن نتائج الحكي بهل الموضوع انو مشاركات السقيفة والمسابقات و البريد ما عاد ينحسبوا |
ايوااا هلق عرفت ليش مشاركاتي قللو ايوااااا
... المهم غابي و حياتك معك حق بس شو بدنا نعمل؟؟؟مو طالع بايدنا شي بس بتعرف تتزكر هديك الايام وقت كانت التسجيلات عبر الدعوة هيك كان احلى بس ... ما فينا |
ما الفكرة فكرة عدم احتساب المشاركات القصة ما هيك بتنحل !
|
:? يعني شوي تانية ما ضل غير تنلغا السقيفة وتتشمع بالشمع الأحمر ....:shock:
يا سيدي هاد الشي منو كتير طنش تعش تنتعش :sick: |
اقتباس:
|
وانت وين مواضيعك الحلوة ياغابريل أفندي :D
|
ما ضروري مواضيع حلوة ..
بس بلا سخافات .. |
ايمتا بدنا نشبع ... قاعدين وعم نندب حظنا ..;)
|
يعني بأختصار الواحد فيه يبعد عن اي موضوع بشوفه سخيف
لانه بالنهاية كل واحد ميوله بختلف عن التاني يمكن انا هدفي من المنتدى اشارك بردود سخيفه والعكس صحيح كل واحد بحدد مساره باختلاف شخصية كل واحد فيناا |
هاد هو البني آدم الفهمان :D
هاد هو الحكي اللي انا عبحكيه ما بهم انه يكون الموضوع حلو المهم انه يتم التحاور بطريقة عالم فهمانين على الأقل يعني عنجد بستغرب انه في عالم بتعرف تدخل على الأنترنت وبتعرف تعمل اشتراك بموقع ومع هاد الشي افكارها بدائية . ما المهم الفكرة تكون راقية المهم يكون التخاور راقية يا اخي ما عاد بدنا شي راقي صار بدنا ش مقبول بس مقبول يا جماعة يعني تخيل انه اجا بني آدم لعندك على البيت بدك تحكي معه كام كلمة مانه اجباري تحكي معه على اسرع مذنب بالكون او على آحر الاكتشافات العلمية بس كمان الوقت ما بدك تقعد تلعب معه لعبة مين بيصل للرقم 5 بيغسل سيارة التاني :cry: |
اقتباس:
انا عندي منتدى وصار نفس القصة قمت وقفت قسم المسابقات والمسخرة قام الاعضاء اعترضو لو تحزر شو كان تعليقن :shock: قال هل المواضيع هي اللي عما ترفع عدد المشاركات والاعضاء بالنتيجة حسيت حالي فتحت الموقع شحادة عما اشحد مشاركات واعضاء من وراء هيك مواضيع مالي اي معنى |
ايه فتحتلي جرح قديم ليك النقاش شلون بيكون قارنلي هالموضوع مع قسم المسابقات كلو
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الله يرحم هديك الأيام كان في عالم تعرف تناقشها وتحكي معها اما هلق مافيك تحكي غير مع عالم مابتعرف غير العد احسن شي بيني وبينك هلق هوي موضيع الحشيش |
اقتباس:
|
طيب شو يعني هلأ شو ممكن الواحد يعمل بهل حاله
نبطل نحكي ولا نبطل التأفيل ولا شو ... ما بعرف هوه في سخافه بس مو لهل درجه يلي حاكيها |
اقتباس:
المهم العلاك هاد اللي بصير بالمنتديات العربية كافة ما لازم نسمح له يصير عندنا بالأخوية لأننا بالأخوية متميزين على الأخوية بكتير من المجالات وما لازن نسمح اننا نتصنف متلنا متل بقية المنتديات العربية بتذكر مرّة كنت بدي ادور على غنية لذكي ناصيف واللي الكل بيعرفها " يا عاشقة الورد " طلع لي منتدى خليجي وكان بالموضوع في شي 50 صفحة بصراحة انا هون كتير انبسط قتل لحالي هلق حصلت على كل الأغاني وصار عندي كنز بالالتقاء بهيك موقع عن طريق الصدفة بس بعد ما فتت كان شي 39 صفحة من النوع اللي عبتتحول اله الأخوية يعني بالاخير الشباب صاروا متل التلبيسة عندنا بحلب " الف سلام وسلام لشباب ابو ظبي وخمسيمية محروقة " مشاتن هيك انا من جهتي ما بدي اشوف الأخوية عبتتجه نحو الجهة هاي وانا عبتفرج بعتقد فكرة ان الأعضاء ما بيقدروا ينتسبوا الا اذا كان في الهم شخص بالمنتدى بتقدر تكون قعالة بعض الشيء بهيك حالة :frown: |
اقتباس:
الف تحية لشباب الخليج |
لا بس بحب تذكر لي اسمه " حتى لو على الخاص "
|
| الساعة بإيدك هلق يا سيدي 21:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون